اولاد البتلاب أنتو بتعزوا فى مقابر ودأبوالقاسم وبس ؟؟؟؟؟ !!!!!؟؟؟؟؟؟

الاخوان يوسف التوم ومصعب الزبير خوجلى وأبراهيم سيدأحمد مساعد ومجتبى خيرالله فات عليهم أن يعزونى فى وفاة شقيقة زوجتى خالدة فرح أبوسنينة والحمدلله أهلى السروراب ما قصروا (عصروالبرش!!) والله أبوكارم من السويد ضرب للمدام فى بون ولى أنا مرتين وسوف أرد عليه جزاهو الله ألف خير .. والله يالبتلاب أتلومتو والله ياناس الحله وناس الرياض المدام أيامه الكانت فى السودان فى الثورة (2004م وحتى 2007م ) قبال الناس ما يرجعوا من المقابر تكون عزّت ومرات تلقى الجنازة ما طلعت آها أقول ليها شنو؟؟؟؟ الاجابة متروكة لكم ؟؟؟؟؟؟؟

الفضل لأهل الفضل وعلى طار العزاء والفاتحة أهلنا بالبتلاب أعزهم الله مشهورين بسرعة أداء واجب العزاء وخاصة إذا كانت الوفاة بالسقاي فتجدهم يتسابقون لأداء الواجب، ولهم مقولة مشهورة عندما ترجع مجموعة من أداء العزاء من السقاي وهم يعتبرون نفسهم أول الحاضرين من البتلاب ويلاقون البعض الأخر من الأهل ويقولون لهم ما مشيتوا شلتو الفاتحة، فيردون عليهم بسرعة (شلناها قبيييييييييييييييييييييييييييل)، ويقال امهاتنا في السقاي الواحدة لمن تزعل بنتها شديد تدعيها وتقول (أنتِ يا بتي يجوني فيك البتلاب)، والأخوان من البتلاب المتواجدون معنا بالرياض ما زالوا يحتفظون بهذه الخاصية الرائعة، واخص بالذكر الأخ الفاضل/ أنور الشيخ فهو أسرع من يؤدي واجب العزاء بالرياض مع العلم انه يسكن في منطقة تبعد من الرياض حوالي (250) مكيلو متر وكان بقيت حاوي لا تستطيع أن تصل إلى بيت العزاء قبله، واذكر ذات مرة من المرات تحديت الأخ/ عبد القيوم حمد وقلت له سوف أراهنك على السرعة في أداء واجب العزاء، وحتى اكون قدر هذا التحدي قدر ان جاءنا خبر وفاة في قرية البتلاب وأنا كنت في عز العمل وأخذت إذن وخرجت من العمل مع العلم أن السعوديين لا يعرفون واجب العزاء ولا يعطون الإذن لمثل هذه الحالة الا للقرابة من الدرجة الأولى وقد تكرر مني هذا الإذن مرتين وفي أوقات قريبة من بعض، وكان كل ما يدخل أخونا عبد القيوم ويقول الفاتحة يجدني من القائمين وداعبني قائلا ما شاء الله والله يا ياسر بقيت اخطر من البتلاب، وذات مره حدثت وفاء ولم استطع ان اخذ لها إذن من العمل كانت هنالك زحمة شديدة في العمل وذهبت لبيت العزاء متأخرا بعد الدوام وقلت الفاتحة وكان من ضمن القائمين أخونا عبد القيوم وجلست بجواره بعد ما عزيت الجماعة، وقال لي مداعبا ما لك يا زول ما قلت بسابقنا في الفاتحة، ورديت عليه مازحاً يا خوي فاتحتكم في السماء علي الطلاق قربت ترفدني من العمل انتو ما بتسابقوا ولا حتين وانفجر عبد القيوم من الضحك، فلهم منا التحية وهم يحافظون على الأشياء الجميلة التي ورثهم لها آباءهم.

شكراً لك اخى ياسر لكن الرباطابية دى ما أتلوموا معاها البتلاب فى رايك ؟؟؟؟؟؟ كدى أدى المعاك البكتبو فى المنتدى من الرياض ناس يوسف التوم وابراهيم سيدأحمد ومصعب وناس الحلة خليهم على .

الاخ بشري بعد التحية
بنقول للاخت خالده انشاءالله البركه فيكم والاخت انشاءالله ربنا يتولها برحمتو ،ويجعلها في منزلة الصديقين والشهداء اللهم اااااااااااااااامين.
ناسف للتاخير ايام العيد مشغولين شوية، ونايمين كتير، لك تحياتي الاخ بشري والاسره الكريمة.

الخال بشرى والله نحنا واصالين وواجابين وخالدة والغريب ما بنقصر معاهو وخالدة حقتنا والله اختها اختنا لكن والله عدم الخبر والمعلومة ما وصلت لي ظروف والبكة فيها وفيكم وربنا يصبرها يرحم الفقيدة ويجعل مسواها الجنه
أآآآآآآآآآآآآآآآآآآآآآآآآآآآميييييين