الدكتورة خنساء عبدالعزيز على بابكر بت عايدة أحمد حسن الزين

الاثنين 10.8. 2009 بيرمنجهام
بالامس إتصلت على الاخ صالح مبارك إدريس بعد غياب ثلاثة أسابيع بسبب إنشغالى مع الانتقال الى بيرمنجهام وبعد السؤال عن الوالدة والوالد والاسرة الكريمة أعطانى أهم الاخبار وكانت ليلة المديح الكارب بمناسبة تخرج الاخت الطبيبة خنساء عبدالعزيز على بابكر من كلية الطب جامعة الرباط الوطنى وكان نجم الحفل الاخ أنور الشيخ عبدالله (البلاك)برقصاتة وقفشاتة التى تضفى على المديح أجواء عطرة ومرحة التحية للاخ أنور ولكل من شارك والتحية للاسرة بهذة الطبيبة وقد كتبت لها قصيدة وعندما قررت أن أقدمها لهم هاتفياً علمت أنهم لحقوا بالعم عبد العزيز فى السعودية الجبيل وأتصلت قبل رمضان وألقيتها على مسامع الاسرة وقد وجدت الاستحسان و الان الى القصيدة :
بعنوان مبروك ياخنساء
خنساء مبروك عليك للطب..... درستى فهمتى
وحصدت ثمار هو طيب من بدرى ليهو غرستى
واصلى مع مريضك بى عناية ليهو ... حرستى
نبارك ليك تانى يوم خطبتك يوم خطبتك عرستى
***********************
رفعت رؤوسنا فوق......... ناس بابكر وبلتنا
أولاد الزين معاهم ........ قالوا الطبيبة شفتنا
بى إيد الكريم إيد الكريم .... وسماعتة النابتنا
وأهلنا بالغرب ........... قالوا يمين سرتنا
وناس واوسى فرحو ...... قالو التزور حلتنا
أصلو طبيبة بارعه.......... دى الامها بلتنا
**********************
من عين الحسود ....... يحفظ كريم مهجتنا
وأرسل ليك تحية ... حارة حارة زى غربتنا
من إسراء وأحمد ...... من خالدة وكل ثُلتنا
يحفظنا الكريم الكريم ..... نفرح بيوم لقيتنا
يحفظنا الكريم الكريم ..... نفرح بيوم لقيتنا

بوست الدكتورة خنساء قدمتة الى منتدى أنا سودانى ووجدت تعليق على البوست من أحد الاخوان يشيد بالدكتورة والقصيدة رغم أنه لايعرف أين تقع السقاى وواوسى !!! وأهلنا ناس السقاى المثلثة ولاواحد ما علق !! والله قربت أتذكر قصة (حنان سكليب ) التى حضرت لكى تسخن البكاء بتاع (صلاح يورو ) وبعد أن أنتهت من الفاصل (بتاع السكليب ) ألتفتت على النسوان وقالت ليهن :
(جنس بخلن عليكن أول مرة أسكلب فى بكا وما ينقطوا لى !!!!!) ونحن فى انتظار النقطة لهذه الدكتور حتى ولو من أحمد عبدالعزيز أخوها أو آلاء أختها أو خالد أو مروة بت أبوالقاسم حمد وبت أمينة مبارك والايام دى فى السعودية وناااااااااايمة!!!!!. وأصلو ما شرفت منتدانا وعندها (لاب توب طويل عريض !!!!) ومتخصصة برمجة وشبكات !!! وأظن الايام دى برة الشبكة !!!!

السقاي كلها تنقط ليك ، والله القصيده رائعة ،طبعا نحن جيناكم جداد في المنتدي ،وانشاالله الناس النايمه تصحي شوية وتظهر، وانشاءالله عقبال تخريج الاولاد مع خالص تحياتي

الف الف الف مبروك للدكتورة خنساء
ومزيد من النجاحات
وربنا ينور الطريق ان شاء الله
ومبروك لي الاسرة العم عبد العزيز والخاله عايدة
وعقبال ما نفرح بيها عروسة ان شاء الله
تحياتي ...

ألف مليون مبرووك د/ خنساء وألتهانى موصوله للجده عايده أحمد والعم عبدالعزيذ وكل ألأسره وألأهل بالسقاى والبتلاب رمضان كريم وكل عام وأنتم بألف ألف خير

عدد المساهمات : 308 تاريخ التسجيل : 05/02/2009

الف الف مبروووووووووووووووك

دكتورة خنساء وعقبال الشهادة ام شهووووود Very Happy

ويا بشري والله الواحد اتمني انو يرجع يقراء تاني علشان يفوز بي قصيدة زي دي

اوف صايد : منور ابراهيم سيد احمد . محمد الماحي ,مصعب الزبير خوجلي

لك شكرى أخى مزمل صديق ووالله العظيم أنا ألقى معاك عشرين يطلوا يومى على المنتدى زى طلّتك دى ويكتبو كلام (ينقّط عسل زى ده ) والله العظيم أستطيع أن أكتب فى اليوم عشرين قصيدة أروع من ما كتبتة للدكتورة خنساء وهى تستحق أكبر من قصيدتى وفقها الله وسدد خطاها آمين ببركة العشر الاواخر من رمضان ووبركة تعليف الاخوان والحبان .

والله الجماعة بعد مناشدتى لهم ما قصروا نقطوا كويس لكن ما زلنا نعشم فى أكبر (تنقيط ) لهذة الطبيبة البارعة وقد تبرعت لكل من يبارك لها بعيادة مجانية وروشتة مجانية كذلك ... ونحنا فى إنتظار ناس البيت للرد على المباركيين أو ترد لنا الطبيبة خنساء عبدالعزيز على بابكر .

الف الف مبروك للدكتورة خنساء ومزيدا من النجاحات ودمت ذخرا للسقاي وللوطن

مبروك وألفين مبروك
وزمان قلنا السمح سمح
والسمح بعجنا للأخرين
فما بل لمن يكون السمح هولنا
فهنيئاً لنا بهذا النجاح المشرف
ونبارك لأسرتها الصغيرة
والأسرة الكبيرة السقاي
وربنا يوفقها
ويا مزمل شهادة الشهود هينة بعد دا

العزيز/ بشرى
من الاشياء الجميلة التي حدث ايام عيد الفطر المبارك حضور العم عبد العزيز على واسرته الكريمة العيد معنا بالرياض وهو مقيم ويعمل بمدينة الدمام شرق المملكة العربية السعودية والتي تبعد من الرياض حوالي 350 كيلو متر، وقد التقيته وبرفقته كامل الاسرة الفاضلة وبصحبته الاخ ابو القاسم حمد واسرته الكريمة، وباركت للدكتورة خنساء وبعد الانتهاء من المباركة وصلتها صوت العتب واللوم حقك وقلت لها بشرى قال وين الدكتورة ما لها لم ترد على مباركة المشاركين وكان هذا الحديث بحضور اهما وابيها وقد شكروك وشكروا كل من هنئهم بالنجاح ووعدة بالدخول على المنتدى ونحن منتظرين دخول كل الابناء والبنات حتى يزدان منتدى القا فوق الق....

الاخ ودالطيب الحاج لك التحية والود وجنس شغلتك دى (ياها الفيها الفايدة أمّا نداءاتنا عبر المنتدى والتى نكتبها ونطالعها لوحدنا فلا فائدة منها (لكن برضو أحسن من النسخ !!!!) وعلى العموم كل زوول يلاقى زوول من السقاى المثلثة يطلب منه الدخول .... فما عذر أحمد وخنساء وكل الاسرة فى عدم الدخول حتى العم عبدالعزيز لا أجد له عذدراً ومعنا محمود نور الدايم أكبر من عبدالعزيز على .

عدد المساهمات : 126 تاريخ التسجيل : 18/02/2009

الف الف الف مبرووووووووووووك للدكتورة خنساء جعلها الله 0 زمزا من رموز الطب في السودان والعالم اجمع 0 ولكل الطلاب الممتحنين شدو الحيل
ولبشري مزيدا من الابداع