شباب السقاى

شباب السقاى شباب لم تحطمه اليالى ولم يسلم الى الخصم العرينا
وماعرفو التهتك فى بنات وماعرفو التخنث فى بنينا
الحمد لله حتى الان بيئتنا لم تلوث رغم الغزو الفكرى الهائل وادواته المباحه الفتاكه الرخيصه
بالنسبه للالخوان ابوكارم الطيب الفرفشه واخونا مزمل واراءهم الجميله والتى بنيت على مقترحات سابقه اقول لهم والله نحنا قدرها وماشين فى طريقها بس هناك بعض القصور فى الامكاتيات ليس الماديه وحدها ولكن طال الزمن ام قصر سننفذ ما وبداناه
ليله الخميس الفائت كانت هناك جلسه اسريه لاعضاء الرابطه المتزوجون حيثا ومنهم يسرا ادريس لبوالقاسم وزوجها متوكل التهامى (البتلاب) واختنا ابتهال ابراهيم ابو القاسم وزوجها محمد عثمان(الشماليه)وياسر مصطفى حسن وزوجته عفراء محجوب حسن (بت اعمو) وتم فى الحفل تكريم الخاله فاطمه احمد على نسبه لدفعها تكاليف بناء مركز حاسوب ومكتبه عامه للرابطه وموقعها بالقرب من مكتب البريد وفاتح على الظلط وبلغت التكاليف (عشره مليون جنيه باقديم )وحضر الجاسه عدد من اصدقاء وصديقات الرابطه الفاعلين مثلا الخال محمود عبدالرحمن والخاله ماريا عبد القادر وفتحيه قسم الله وعجبتينه الريح والساره عبدالله وعبدالرافع الطيب وكثر لايتسع المجال لزكرهم ابتداء الحفل بمداعبات صغيره وكلمات وتعارف للازواج من خارج السقاى فرحبنا بهم وقلنا ليهم الله يكتر من الزيكم وصدح لنا الاخوان اسعد الطيب عبد السلام والعبيد المبارك بالحان جميله (مع تحياتى احمد عبد المنعم عبد الوهاب 0(السرورابى))

عدد المساهمات : 88 تاريخ التسجيل : 25/01/2009

شكراً ولدنا السرورابي على هذا الجهد المميز والله أسمعتنا اخبار افلجت صدورنا وكم فرحنا اذ علمنا بالنشاط الجبار الذي يقوم به شباب المنطقة (وياها المحرية فيهم) وبالنسبة لمركز الحاسوب الحمد لله إنكم بدأتوا في تنفيذ الفكرة وأنا وأخونا الرشيد تاج الدين إلتزمنا بمدكم بجهاز حاسوب من كل واحد منا وكذلك الأخوان في جدة إلتزموا بمدكم بجهاز أيضاً وبذلك تكون الفكرة قد رأت النور ونتمنى أن تجتهدوا في موضوع الـ DSL حتى يتم ربطكم بنا مباشرة وكذلك لإتاحة فرصة التواصل لكل من يرغب بالمجان حيث سنلتزم بمدكم بقيمة إشتراك النت من هنا لأننا بصدد إنشاء صندوق خيري لمدكم بالعون المادي لباقي الأنشطة التي تقومون بها بالمنطقة ويا ريت لو تعملوا كورسات مجانية في الحاسب الآلي لمن لا يجيدون إستخدامه وكذلك حصص مجانية لطلبة المدارس يعني لو كل واحد منكم يدرس حصة واحدة حسب وقت فراغه يمكن أن يفيد الكثيرين وكما تعلمون فإن استخادم الحاسب الآلي ليس صعباً وتدريسه سهلاً جداً ، عليه نرجو أن تدرسوا هذه الفكرة وتبدأوا في تنفيذها ونحن من خلفكم وبالنسبة للأزواج نزف إليهم أحر التهاني والتبريكات ونتمنى لهم بيت مال وعيال وللأخت فاطمة أحمد علي فهي من بنات السقاي البارات وتستاهل أكثر من التكريم وربنا يوفقها دائماً لعمل الخير ومن ليس له خير في أهله فلا خير فيه كما قال الرسول الكريم ( خيركم خيركم لأهله وأنا خيركم لأهلي ) اللهم وفقنا جميعاُ لما فيه خير البلد 0

عدد المساهمات : 340 تاريخ التسجيل : 22/02/2009

الحمد لله الذين انعم علي السقاي بهؤلاء الشباب المتجرد من كل انتماء الا لخدمة السقاي وقد عرفتهم فردا فردا لا هم لهم الا رفع السقاي وجعلها متقدمة في كل شي ربنا اجزيكم كل خير سلام يا احمد بس ياخوي وين زوجتك انت كل سنة تكرم في الازواج البحر بزبد والله تاني الا تسوي ليك مركب سلام للاخوان عماد والكاشف وقل ليهو خلي الحيمور دايرين نشوفك علي المنتدي

مابقول ليكم شكرا لانو انتو اهل الجلد والراس والزول مابشكرو فى حقو بس بقول كتر الله من امثالكم وانا اتصلت بى كل خريجى الحاسوب وحانعمل اجتماع قريب ونتبرع بى كورسات مجانيه لى كل الناس من كل الفئات وانشاء الله لما تجو تشوفو حاجه كده وحاتسمعو بيها قبل ماتشوفوها ونحنا برضو عندنا اسهاماتنا المفروضه على كل اعضاؤ الرابطه وايد على ايد نجدع كلنا بعيد .تحياتى للاخوان صدام ومعز هاشم على الاستجابه السريعه ويلا الباقين وييييييييييييييييييييييييييييييييييييييييييييييييين

عدد المساهمات : 739 تاريخ التسجيل : 07/03/2009

ابن اختى سلامات طبعا انت اهل لكل مازكرته وقد عايشت عملكم عن قرب لاتلين لكم عزيمة وانت الان القابضون على الجمر الذى اصبح لهبا ممتدا قد يحرق كثيرا من الاخضر الجميل الذى يميزنا اصبحت المسؤلية مزدوجة تعليم وتربية ومحافظة على تراث اوصيكم بضرب المهدمين بيد من حديد ونحن معكم الجميل فى انكم مواصلين نشاط الرابطة اشركونا فى برامجكم والافكار المطروحة حتى نساهم معكم دمت ايها القابضون على الزناد زخرا للقرية بس خلى الشمارات وما تكتر من قطعة الخور

راجل البتلاب سلام
ااعانكم الله وسدد خطاكم وايها المحرية فيكم والدعم قادم من رابطة السقاي بالجامعات والمعاهد العليا بمدينة الرياض وذلك بغرض اشراك اكبر قدر ممكن من الأخوان حتى نضمن استمرارية الدعم واليد الواحدة ما بصفق وان صفقة قليلاً من الوقت.

عدد المساهمات : 7 تاريخ التسجيل : 09/03/2009

سلام من امريكا
شكراً لكم علي طرح هذا الموضوع الهام بخصوص شبابنا و اسعادناً ببشار مجهاتكم
انا بس عايزه اذكرم بحات صغيرة بتفوت علينا لا اردياً..و علي كلام الوالد (بيت الشورة ماخرب)
الشباب الواعي و المتنقتح من غير دعم معنوي او مادي بفسد سريع بمختلف انواعه الغير مرئية..و عشان كدا لازم يكون في لجنات منظمة شبابية (طبعاً تحت اشراف خبراء و ليس حراس) للتفكير و التخطيط و الاهم التنقذ، عشان الواحد منهم يحس انه فعلاً ذا قيمه و مفيدة له و لمجتمه

اان عشت برا السودان طول حياتي ، و لكن المشكله هي نفسها في كل مكان..الاسر بتتلم و تعمل حفلات او ندوات او رحلات و ينسوا انه اولادهم كبروا و محتاجين رعاية فكرية و اجتماتعة و مش تهميش بتاع (جيب مويه امشي الدكان..وصل فلان و علان و ساعدي في المطبخ) لازم يكون عندهم دور و خدمات هم عايزنها ما فرضت عليهم لان دا الناس شايفه الجديد و المتطور
و الكلام دا خصوصي للبنات..لانو الشباب بلقوا نوادي الرياضة او رحلات برا..اما البنات مقتصرين علي زيرات او نداوت (مشاريع تعلم خبرات يدويه او تعلميه..مرقات تطوعية لمساعدات في منظمات اعانه صحية، تربوية، انسانية..الخ) وطبعاً النت!!

يعني سمعت بالنادي الكان معمول و انا شفته قبل 4 سنتين و فجاة قالوا انتهي او ما ااستمر..فسروا لينا الحاجة دي من القاعيدين هناك (سقاي شرق)
انا ما جيت عشان الوم بس زي ماقلت تذكير..لانه دائماً الافكار حلوة لكن الدعم و الاستمرر مسيخ

عدد المساهمات : 134 تاريخ التسجيل : 04/03/2009

دائما هميم وبتهمك السقاي اتمنى اتجمع كل الشباب وتتحدوا للمرة المليون واكيد حايجي منكم ودي المحريه فيكم
الى الامام دوما
ولك ودي واحتراماتي

التحية لشباب السقاى وأتمنى أن يحزوا شباب البتلاب حزوهم والتحية للاخت فاطمة أحمد على كرار وهى تقدم هذا المجهود السخى أسأل الله ان يكتب كل حرف فى اى حاسوب فى ميزان حسناتها وبهذة المناسبة هناك موضوع بعنوان (صورتك الخايف عليها)يرجع بالاخت فاطمة الى الباوقة والعبيدية (أهلها) واهل صديقنا من الجيلى الثانوية 1975 ـ1978م زين العابدين حسن الزبير .

» شباب السقاى البتلاب والنشاط الملحوظ فى نظافة القرية وغيرها من الاعمال
» التحية لي شباب البتلاب
» اليافعين تحت مظله شباب القريه
» نداء الى كل الاخوان والاخوات فى السقاى المثلثة ومنتدى أبناء السقاى
» مدرسة السقاى الاولية وشفخانة السقاى