مزمل صديق
عدد المساهمات : 308 تاريخ التسجيل : 05/02/2009
| موضوع: انتبهوووووووو( ابداعات محمد حسبو ) الأحد 19 يوليو - 22:29 | |
| اخواني اعضاء المنتدي الافاضل السلام عليكم ورحمة الله وبركاتة سوف انقل لكم ابداعات اخونا محمد حسبو الشعرية وهو يهديها اليكم ويتمني ان تنال اعجابكم 0 ويبلغكم سلامة الحار للكل
بسم الله نبداء :
*** وطن غالي *** وطني غالي وراسي عالي طبعي نبيل وابوي النيل زول واصيل سوداني عديل وبلدي مساحتو مليون ميل في شمالو خير ونخيل وجنوبو أبنوسو جميل في غربو جبل مرة هواهـ عليل وشرقو التاكا شامخ معاهـ توتيل وطني غالي وراسي عالي طبعي نبيل وابوي النيل بلدي وين تلقي زي ناسو الجود والكرم أهلي مقياسو نحن الشهامة من قديم فينا موروثة ونحن العفة من عازة فينا مغروسة وطني غالي وراسي عالي طبعي نبيل وابوي النيل انا بلدي يمين جنة الله في أرضو وضيفنا عزيز بنصونو في عرضو وإن جانا العدو نواسيهو نصدو وطني غالي وراسي عالي طبعي نبيل وأبوي النيل زول وأصيل سوداني عديل وبلدي مساحتو مليون ميل
ارجو ان تعجبكم مع تحياتي واحترامي للجميع & وربنا يوفقكم محمد حسبو ا لرياض / مايو 2009 م [b] | |
|