بشرى مبارك
عدد المساهمات : 7557
تاريخ التسجيل : 19/02/2009
العمر : 64
الموقع : أقيم فى بيريطانيا مدينة بيرمنجهام
 |  موضوع: تقلية عماد !!!!!!التى لا طعم لها  الأربعاء 15 يوليو - 14:59 | |
| الاخ عماد (جحا) من أولاد عطبرة عذابى كان فى المانيا وقرر الانتقال الى بريطانيا ألتقيت به فى المرة الاولى والثانية وسكنا مع بعض طلبت منه أن يذهب سوق الخضار وأنا سوف أحضر معى اللحمة من كل الانواع ولكن عدت متأخراً فى ذلك اليوم ولم أتمكن من الذهاب للسوق وقلت نعدى العشاء بأى شىء .... عندما حضرت البيت أعتذرت لللاخ عماد وطلبت منه أن نعدى العشاء بأى شىء وبكرة إن شاء الله بجيب اللحمة وبما أن عماد فى المانيا منذ العام 1990م قلت الزول ده يقول لى نوال (أقعدى فراجة) وأقترح على تقلية بى قراصة وقلت ليهو بدون لحمة ؟؟؟ قال عادى بالبصل والصلصة حتى (بدأت أتمطق ) واندمجت فى كتاب صلاح الدين الايوبى والحروب الصليبية ولم أدر أن الاخ عماد قد أدار حرباً فاشلة مع التقلية وقال لى نصلى والله نتعشى فقلت له العشاء أول أنا مهّوى وجاب صاحبنا القراصة وعليها التقلية .... اعاين للمنظر أشاهد سليقة!!!! أطوق الطعم مجهول أو (خاتف طعمين) المهم ما فهمت أى شىء ولكن إحتراماً لمشاعر الراجل والعامل فيها بخدمنى لاننى الاكبر (بلعّت لى كم لقمة وأنا مغمض ) والصباح بدرى مشيت جبت اللحمة وقلت ليهو الغداء علّى وسوف أعدّل شوية ملاح البارح وأضيف اليه اللحمة المفرومة . وبدأت فى تقطيع البصل بعد ان وضعت الزيت وفى فترة إنتهاء البصل رميتو فى الزيت وطوالى بدأت (أسوط) لان الزيت كان ساخن وبعدو اللحمة المفرومة وبعد أن نضجت اللحمة ومات البصل تماماً أضفت (تقلية عماد البايتة ) وعلبة صلصة جديدة وبعد أن اخذت شوية نار بدأت فى اضافة الويكة (حبة حبة تزيد غرورك وكل مرة أزيد الريدة حبة معليش أقصد الويكة حبة ) وخلال 5 دقائق كان الملاح جاهز طفيت أو وضيت النار على واحد لمدة عشرة دقائق (الكلام ده صاح يا نوال ؟) وبعد أن جهز عماد القراصة وللامانة ماهر فى القراصة وقدمت ملاحى أول كلمة قال والله زى ملاح أمّى يابشرى العلمك منو قلت ليهو عبد العال وأونور فالتحية لهم فى برلين وميوينخ | |
|
