إحتفال النادى النوبى بيرمنجهام

ثقافة تبحث عن وطن
ترثيك حروفنا بلا وهن
والرحمة لى وردى الوطن
غنى مع الشادى البقول
لمتين آلاقى فى هواك مُرّ الشجن
ولاقينا فى فقدك ألم
علمت بالوتر القلم
وغنيت فى يوم رفعوا العلم
وغنيت فى إكتوبر على كل من ظلم
ردّد معاك كل الوطن وهاجر مع الطير المهاجر
صوتك طرووب أحن وأرقّ من كلمات مسافر
يوم فقدك إنتحب الوطن وأصبح حزين حزن المقابر
الرحمة تتغشاك فقيد فى فقدك فى فقدك إتذكرنا جابر

يا وردى حبيناك من قلوبنا لأن ألحانك ألحانك وطن
لمّ الجنوب لمّ الشرق لمّ الغرب ولمّ الشمال فيهو الرطن
تسهر معاك كل الخلوق عشان تسمع السمحة السمحة أم عجن
والليلة فى لحظة فراقك ما زلنا نبحث ما زلنا نبحث عن وطن
فارقتو إنت ومن قبلك الفارق كتيير عبر العصور وماضى الزمن
بالرحمة والغفران الغفران عليك رددنا سطرنا ويا ربنا لجنة لجنة عدن
بالرحمة والغفران الغفران عليك رددنا سطرنا ويا ربنا لجنة لجنة عدن