بشرى مبارك
عدد المساهمات : 7557
تاريخ التسجيل : 19/02/2009
العمر : 64
الموقع : أقيم فى بيريطانيا مدينة بيرمنجهام
 |  موضوع: بنراوغ الحارس نجييب القوون ومسدار ومباراة الزمالك والهلال  الأحد 25 مايو - 3:11 | |
|
بنراوغ الحارس .....نجييب القووون
وما أحلى الجمال البشبه جمالك بوون
يا رب يا كريم ....زيد لينا كل العون
نحقق إنتصار .....ونفرح لكل الكوون
*******************
مدثر خطييير واصل هجومك وهدّف
ما تخاف الزمالك دفاعو منّو تقدّف
أثبت يا دفاعنا لى هجومو أربط وكتّف
بى نقطة ثمينة أقبض عليها ونطّف
نعم كان الهلال قاب قوسين أو أدنى من الخروج بمتغاه وهى النقطة بعد أن أحرز الخطيير مدثر كاريكا هدف ولا أروع وضاعت الكثير من الاهداف !! ولو ده الزمالك من الان يستعد لكى نأخذ ثأرنا منه وبثلاثية إن شاء الله فى الخرطوم .
*كتبت المسدارين بين الشوطين وكنت فى قمة الانبساط وكان يمكن فى الشوط الثانى ( كليبالى يضع الهلال فى المقدمة قبل هدف الزمالك الساهل فى الدقيقة 80 ) ولكن هذه كرة القدم ، على العموم لم يفقد الهلال شىء وطبيعى جداً أن يدخل الزمالك المنافسة فى أرضه بعد خسارته مباراته الاولى خارج أرضه امام فيتاكلوب الكنغولى.
*هجوم الهلال السريع والكاسح على موعد لحسم كل مباريات الخرطوم إن شاء الله .
نقول هاردلك للهلال فى هذه المباراة والتى لم يكن فيها الزمالك بالخطير رغم إستحواذه على المناورة من غير خطورة وكانت هجمات الهلال المرتده مرعبة وظهرت فى أكثر من لقطة على وجه مدرب الزمالك أحمد حسام ميدو !! وإن شاء الله عند حضورة الخرطوم ( يمد بوزو مترين من الزعل والحسره على الخروج ) .
*أخر سطر يا جعفر والله ما نخلييك تتهنا بمداخله ولو 10 دقائق !!! وبرضو من بون رغم البون ومن بيرمنجهام سلام .
* للمريخاب الوقفو معانا ليهم كل سلام وكل تحية ، وللشمات الفرحو عدييل ليهم رد والف هدية ، يوم ما يجينا زمالك فى الخرطوم ويطلع خاسر بى أهداف تكون عيدية .
| |
|
