ود القاضي ما فاضي

طالت فترت انقطاع ود القاضي عن المنتدى وحقيقة بدون ود القاضي وود المبارك وبت محمد صديق المنتدى مسيخ لا طعم ولا رائحه له ولا رايكم شنو يا عم محمود ويا ود الزين ويا ابو عزام.
وحقيقة شفقت وسألت عن ود القاضي تلفونياً ولقد وجت الرجل مشغول ومعزور حبتين ومنتظرين طلته علينا حتى تعود النكه للمنتدى.
ويا جنابو عايزين نعمل تمام للمنتدى رايك شنو اسبوعي ولا نصف شهري ولا سنوي افيدونا افادكم الله

تحياتى لود القاضى والغايب عذرو معه أهم شىء الصحة والعافية وأذكر أننى عندما سافرت الى برمنجهام لمدة شهر لم أكتب ورد الاخ خضر سعيد فى منتدى النيمة قال لى يابشرى إنت بيرمنجهام دى فى (افريقيا أم فى بريطانيا ؟؟؟؟ ).
بخصوص التمام الرد عند الرتبة الاكبر الاخ محمود نورالدائم ولو سمح لى لقلت أن التمام صباحى وبعد الجكة والبندقية فوق لمدة ساعة كاملة وبعدها يدوّر طابور الصباح حتى الساعة التاسعة وطبعاً البداية الخامسة صباحاً وساعة فطور وتدور المحاضرات حتى الساعة الثانية ظهراً وساعة للغداء وبعدها طابور العصر حتى الساعة السادسة مساء والله تدخل السرير تنوم والبوت فى كرعيك وتقوم لتمام الساعة التاسعة مساءاً وربما كان فيهو إدارة داخلية حتى صلاة الصبح وأكان محظوظين يكون الضابط المناوب ود ناس ويرحمكم فقط بتمام مفاجىء واحد قبل الخامسة صباحاً .
لذلك تجدنى من أجل السقاى وخاطر عيون أهل كل السقاى أساهر وأجاهر بعشق السقاى كتابة وشعراً ونثراً وطلة نامن (امسخ وتقولو الرووووووب !!!) وهذة أجابة ياود الطيب على سؤالك لماذا أنت مشترك أوعضو فى منتدى السقاى ؟؟

عدد المساهمات : 308 تاريخ التسجيل : 05/02/2009

الاخ ياسر مشكور علي تفقدك للاعضاء ولكن الكل ما فاضي فلماذا اخترت ود القاضي ؟!؟!؟!
اخي ارجو ان تتذكر ان المنتدي للكل وبالكل
وصراحة اذا كان المنتدي لبشري وبت محمد وود القاضي فسوف ننسحب مشكورين علي حسن الضيافة
واذا كان ما تقصدة عتااااااااااااب فنحن اهل ويجب ان يكون العتاب واضح وصريح

وانا ما بخلي المنتدي حتي لو وصلت بوليس كيس Laughing

الاخ مزمل لك الود والعتبى حتى ترضى وأرد عليك نيابة عن ود الطيب الحاج وله الحق فى الرد أيضاً ولكن دايماً ومن خلال خبرتى الطويلة فى المنتديات وحتى الذين لا أعرفهم الاً من خلال كتاباتهم وتجدنى أتفقد من يطلوا يومياً بغض النظر عن المواضيع المكتوبة ويبدو لى والله أعلم أن ودالطيب يقصد ود القاضى ربما لغيابة الطويل والغير معتاد وبرضة أنبة لتفقد الناس كلهم ودمتم فى خدمة السقاى وأهو يامزمل (البوليس القديم خالى السلطات رد عليك ) ولاداعى للذهاب (للجيلى !!!)

الأخ العزيز/ مزمل
ليس دفاعا ولكن توضيح للجميع إضافة إلى ما تفضل به أخونا بشرى:
السؤال عن عضو معين وبالاسم في جميع المنتديات أمر عادي بصفة عامة، وفي منتدى السقاي بصفة خاصة أكثر من عادي ولم ابتدع هذا الأمر فقد سبقني الكثيرون بهذا السؤال ونذكر منهم على سبيل المثال لا الحصر:
1/ في يوم الإثنين 23 فبراير 2009 الساعة 10:28 سأل اخونا ابو كارم من غياب الأخ مزمل وذكر ما نصه (يا مزمل اصلو بقالنا زمن ما شوفناك وكت ما شوفناك في السقاي كدى قوم اخدلك قدله في منتداها والحاجه السمحه مافي زول بعارضك تقدل عليييي كيفك)، وما في زول شب ليه في حلقه.
2/ في يوم الأربعاء مارس 18, 2009 الساعة 10:11 كتب ابو بكر محمد دفع الله يسأل ويستفسر وقال ما يلي: (يا جماعة المنتدي مسولين من الخير
البلاقي فيكم استاذ فيصل او محمد صديق
اقولهم المنتدي مشتاق ليكم) وبرضو ما في زول شب ليه في حلقه.
3/ وفي يوم الأحد أبريل 26, 2009 الساعة 3:32 سأل الأخ بشرى عن غياب ود الطيب، وما في زول شب ليه في حلقه.
وانا شخصياً سبق ان سألت من الأخ ياسين وقد سأل الأخ بشرى من سيف الدين خير الله اكثر من ستين مرة وغيري كثير من الأعضاء الذين يسألون ويتفقدون اخوانهم ولا خلاص وقفت عندي.
وما يزيد موقف الأخ مزمل غرابة انه وفي يوم الأحد 3 مايو 2009م كتبة الأخت نوال تسأل من ناس جدة حردانين ولا شنو، وما في زول قاليها مالك ما بتسألي من ناس السويد ولا ناس الفودة؟؟؟؟!!!!!ولا قالو نحن بنخلي المنتدى عشان ما سألوا مننا.
واذا دايرني أوريك ليه اخترت ود القاضي بسيطة وهي عدة اسباب منها:
1/ هل تعلم ان عدد اعضاء المنتدى حصل (66) عضو ولو استثنينا مشاركات العشرة الأوائل في المنتدى وهم (بشرى، ود الطيب الحاج، أحمد، طارق، نزار، مزمل، ابو بكر، ابو كارم، نوال، ياسين) نجد ان مشاركات (56) عضو الباقين لو جمعتها ما بتحصل مشاركات ود القاضي.
2/ ود القاضي من الأعضاء النشطين جداً ومشارك بشكل يومي يعني المنتدى عندو واجب ما مزاج ما بشارك فيه كدى والسلام.
وبعدين تعال هنا انت دايرني اسأل من صدام عمر ولا من السرورابي ولا من الرشيد تاج الدين ولا من سيف خير الله دا برهو سأل منو جنابو بشرى لمن زعل ولا من ومن ومن ومن.
وعشان ما تزعل يا جماعة وين محمد صديق حامد وين نزار محمد وأين الشريفية ووين أم تهاني وأم اخلاص و عوض محمد وابو أحمد وهشام الطيب والطيب الحسن والسماني محمد، اها كدي مبسوط.
هذا ما لزم توضيحه والسلام ختام وود القاضي قرب يبقى ما فاضي وراجع حتى يعود المنتدى اكثر فاعلية.

والله العظيم لو أن المنتدى أكتفى بهذا الرد لكفاهو ...... هذا الرد والله العظيم حقو يكون محاضرة وحصة تقّدم من منتدى السقاى الى كل المنتديات ولاشك أنه رد منطقى وواقعى وماعندنا أى مانع من (مخاشنة ودالطيب الحاج ) أكان بتخليهو يبدع ويمزق الشباك ويبهدل الدفاع والباك بهذة الطريقة وتسلم لينا يامزمل (للملاكدة والمدافرة ) وتسلم لينا يا ود الطيب الحاج للردود الغالية ويسلم كل الغائبين عن المنتدى والذين أشتركوا ورحبنا بهم (وماساهموا فى الكشف ولابى فرطاقة ) والناويين وخافيين من نشاط بشرى وترع ودالطيب وبحار ياقوت أحمد عبد العزيز ونسايم ليل أخوانا فى السويد (رغم البرودة والليل القصير ) لكن أياديهم طويلة بالكتابة والردود وما أظنهم ناويين صدود وعين الحسود فيها عود !!!! والتحية للاخ سيف الدين خير الله والذى لم يتكرم بالرد على وعلى سؤالى عليه (لامن حب الاستطلاع لا من حب الكتابة فى المنتدى ولا من باب الحب فى الله ) وهذا الاخير هو الذى جعلنى أسأل عنه وعن جميع الاخوان الذين ذكرتهم فى هذا المنتدى والاخ سيف الدين لم نلتق لا فى السقاى الاولية ولا فى الكباشى المتوسطة ولا الجيلى الثانوية ولا فى كلية الشرطة ولا لعبت ضدة فى فريق السقاى فقط زرته فى العام 1984م فى الاسكندرية ومعى إبن عمى الاستاذ عماد محمد إدريس عندما كان يدرس فى جامعة الزقازيق فى جمهورية مصر العربية . ولا أنسى فى نهاية هذا الموضوع أن أسال عن الاخ المقدم (م) ساريا إلياس الزبير باشا (سارى ) وهو دفعة الاخ محمود نورالدائم فى الكلية الحربية وأرجو أن يصححنى الاخ محمود أو الاخ (سارى )

عدد المساهمات : 340 تاريخ التسجيل : 22/02/2009

السلام عليكم عدنا بعد غياب بس ادونا فرصة نراجع الفاتنا اثناء المراجعة لفت نظري ترس اخونا مزمل الذي جعل اخونا ياسر اسال عنا مزمل المحامي ماتناقشوا ي محامي بعرف اتلاعب بالحروف لكن ردك كتل حيل مزمل ياابو الياء الله اديك العافية ياود الخال

عدد المساهمات : 308 تاريخ التسجيل : 05/02/2009

سلام عليكم
برضو ما اقنعتني لاكن الحمد لله انوالموضوع جاب ليهو 2 ليشاركوووو

lol!

ابن العم العزيز برضو ما في داعي يكون البوست بس اسم شخص معين

اسال زي ما عايز لاكن ما بي بوست كاااااااااااااامل

وبعدين وين التبرع بتاعك انتا وخالد محمد دفع الله

ابو الزوز قلت 2 جو شاركو محمد صديق وعرفناهو الثاني أوع يكون جنابو بشرى.
ولا حاسب رقبتك كدي معليش بكون الجو فعلاً 2

عدد المساهمات : 30 تاريخ التسجيل : 14/04/2009

[b][center]فى البدايه برحب بالاخوة الطال غيابهم وعلى راسهم الاخ محمد صديق حامد وله ولاسرته عاطر التحايا واحر الاشواق
بقترح فرض عقوبه لاى عضو ما يشارك فى الاسبوع مره يلزم بكتابة ثلاثة مواضيع فى بوستات متفرقة
[size=24]ومن لايلتزم (يجلد) ونخلى الاخوة الشعراء بالمنتدى ان يقوموا بهجائهم (وكل واحد يدافع عن نفسه ومالك دخل فيهم يا بوعمار)ولا رايك شنو ياجنابو؟حقيقى عايزين لائحه بخصوص غياب الاعضاء

عدد المساهمات : 340 تاريخ التسجيل : 22/02/2009

كتر خيرك ام عمرو مع انك ضيفه وليس صاحبة الموضوع لك كل الود والتقدير والاحترام يظهر كلامك صاح يامزمل لكن عملتها ظاهرة ياود الخال ياخي مافي حمد لله الشفناك اخخخخخخ بس تسالوا من ناس وتخلوا ناس

الاخت أم عمرو لك التحية والود وإن كان عايزك تعرفى نفسك أصلى غيابى طال من البلد وأجيال كتيرة تسمع بى وأجيال مابعرفة وما شوفته . اقتراحك بخصوص غياب الاعضاء موافقك وجاهز للهجاء وفى إنتظار موافقة ثلثى أعضاء المنتدى حتى تكون موافقة بالاجماع .
أنا جاهز للهجاء وبرضو جاهز للسؤال
أتركوا النوم والكسل أتركوا ماقيل وقال
منتداكم جد وراكم ومابدور بذل المحال
كلمة منى وكلمة منك وبطّل الهجران تعال

عدد المساهمات : 340 تاريخ التسجيل : 22/02/2009

ام عمرو اقتراحك جميل لكن من الذي يحدد العقوبة وثلاثة مواضيع في اي منتدي هل المواضيع من نوعيت مرحب فلان اواهلا زيد او او او لو هذه العقوبة مستعد ليهاوحااضربها في خمسين نتمني ان يشاركالاخوان ونتكاتف رغم الظروف والالتزامات

الأخ الغالي/ محمد صديق
ليك حق جبتها بالثابته وفاتت علي الهجمة المرتدا دي باغتني بها وهدف رائع ذكرني هدفك الجميل في ميدان عقرب لمن لعبت الباص الرهيب لي نفسك وتقدمت وسط دهشت الدفاع واستلمت الكورة الكنت لعبها انت بي نفسك واحرزت اجمل هدف لم اشاهد مثله في حياتي حتى الآن على الرغم من متابعتي الدائمة للدوري الاسباني والدوري الانجليزي وكاس الاندية الاروبية.
وحقيقة سعدنا برجوعك ونسعد بمشاركت كل الأخوان وحرم ما في فرق بينكم وكان لي مزمل داك ما عليك منو بيني وبينك (عندو مرض حامد) اصلو بقى زعيم البايرين في الرياض، وبعدين نسدها بي هنا تقم تقدها من هناك الواحد يقوم يحرد ولا شنو.
وياخي كتبت ليك تلفوني زي ما طلبت وما جاتنا منك اي رنه ولا عازيني اجيبها ليك ملعوبة لوب من الرئاسة.

أم عمروو الرائعة دوماً
اولاً خليني النريح بشرى اصلو الشمار حرقني يا جنابو ام عمروو دي (البنت الكبيرة لي عمنا محمد صديق الأمين) وهي من انشط اعضاء رابطة طلاب الجامعات والمعاهد العليا بالسقاي بس الغربة خربت طبعها شوية وبارك الله في المنتدى الخلها تظهر من جديد حتى تبدع وتعيد نشاطها من جديد.
وبالنسبة للاقتراح بتاع مشاركت العضو بثلاثة مواضيع جيد وماعيزين جزاءات خلوها كدي ساااااااكت وربنا يستر.
وياخي محمد صديق والله ما تتخيل صدى واثر الترحيب بالعضو الجديد عند انضمامه بحس الواحد انو فعلاً شارك مع جماعة متابعين ومهتمين به ومن اهم المواضيع التي تترك اثر طيب ايضاً تبادل التهاني والتعازي وهي من الاشياء المهمة والمعدومة شي ما في المنتدى وخلونا نخلي أي واحد يشارك بالاقدر عليه انشاء الله مرحب فلان واهلاً علان ووووو بس الواحد ما يطول الغيبة.
ويا مزمل العدد بقى كدي كم ما تودر الحساب

عدد المساهمات : 308 تاريخ التسجيل : 05/02/2009

ابن عمي العزيز لم ولن اطلب منك اعتزاراً ولكن فعلاً كنت محتاج الي توضيح

ولكن شكلو الكبسة تقلت المخ شوية ولسة طالب شوية توضيح
يعني انتا بتسأل من الناس الي بتهتم بي المنتدي وبي السقاي وهميمين علي المصلحة العامة
وليهم مواضيع ومواقف يستفاد منها ؟ والي ما بسأل نتعامل معاهو كيييييييييييييف ؟

** بخصوص العدد 2 انا قصدي ليس في البوست فقط ولكن في المنتدي عامة affraid

مرض حامد حاصل شد حيلك معاي يا ود عمي lol!

عدد المساهمات : 30 تاريخ التسجيل : 14/04/2009

بضم صوتى لابو عمار والله الترحيب والتعازى والتهانى لها معنى واثر عميق
فى كل موضوع علق اعمل توقيع خاص بيك (حتى لو مجاملة)بتكون احرزت هدف رائع
ودمت بخير اخى محمد صديق

عدد المساهمات : 30 تاريخ التسجيل : 14/04/2009

الجماعة (مزمل وابو عماروجنابو )حارقين رزهم ساااااااااااااكت وبرضو ود القاضى ما فاضى
يا بو عمار موضوع اللوائح والنظم (العقوبات)رفع لحين تعديل المنتدى وتحسين اوضاعه
اعطيك العافيه

عدد المساهمات : 123 تاريخ التسجيل : 30/01/2009

يا ساري الليل أنا داير أوصيك وأديك كلام
لو لاقيتو في إي مكان في إي زحام
روح كلمو قولو الحلة بكت من شوقا إليك تغريك سلام

أها أحمد لقيتو يا قول ادروب ولا لسة ؟؟؟

» من الدوحة سلام
» ريحة أحمد القاضي
» الفرقه قسمه ونصيب ياريتنى اسلم واطيب
» رئيس المائة والمائة ألف وما فوقهما اليوزباشا*/عوض البلولة حسونة