رحلة الدفعة 46 كلية الشرطة الى جبل أولياء بضيافة الزميل إسماعيل عوض القاسم

يا عباس يا الزملاء الفى السودان الماشين لى رحلة الجبل للأخ إسماعيل عوض القاسم ورونا الرحلة الجمعة أم السبت؟؟ على العموم من حديث الاخ جمال صابون على الواتساب قروب الدفعة 46 أن الرحلة بالسبت 3 مارس ( 3 مارس عيد يوم وحدة السودان ده كان زمان!!!! وأسع 5 نوفمبر عيد يوم إنفصال السودان !!!) نرجع لى موضوعنا ونشيد بمبادرة الاخ الزميل إسماعيل عوض القاسم إبن جبل الاولياء وبالمناسبة إسماعيل زميلى فى الجيلى الثانوية وكان معنا بالدقعة من أبناء الجيلى عبدالعظيم عبدالله جبارة والراحل الملازم أول العطا مبارك محمد سليمان ونترحم عليه وعلى جميييع الزملاء الذين فقدناهم من الدفعة وكان من طلبة الجيلى بالدفعة حسين وطنى وعبدالرحيم الفكى أبراهيم ونحييهم جميعاً ، الرحلة سوف تكون مناسبة لذكريات أول ضربنار للدفعة فى أغسطس 1980م وكان ( بدروة القوات المسلحة المنطقة العسكرية جبل الاولياء وكان قريباً جداً من المدينة !!!) الاخ إسماعيل طلب من كل أبناء الدفعة 46 الحضور وتشريفة وعليهم أحضار أنفسهم ( وإسماعيل مشكور قال مجهز كلو شىء بس ما تنسو تجييبو معاكم مبارك سليمان كلو شىء ) وكل شىء تشمل مشمعات فرش والاكل زايد من جاحة الجماعة ، يعنى لو عندكم ضيوف يجو وكنت أود لو عزمت الدفعة الاخوان على عبدالله وعوض وداعة الله حسين ، على العموم أتمنى أن نتابع الرحلة بواسطة الواتساب وغيرة ورغم أننى يوم السبت فى الشغل وبكرة الجمعة فى الراحة وكنت أود لو كانت بالجمعة لكى أتابع أكثر وعلى العموم كلو خييير .
رأيت أن أوثق للحدث بقصيدة أرتجلتها قبل ساعة أتمنى أن تجد القبول وقلت فيها :

ياريتنى لو اقدر اكون .. أنا فى الجبل
أسلّم على كل الصحاب.. والدمع نزل
وعزاى وحييد... ... أنى عارف للحصل
أتهنوا بى كل المطايب الشيّة الشطة البصل
وكل الشباب من دفعتى صلاح وعمر الامين وود الفحل
ما تفوتو لى كل الحضور ( فى اللفة ) كم من زوول نزل
رفعوا التمام وعالى الحضووور .... والكل الكل وصل
نعيده أيامنا الزمان ...... والضربنار على عجل
وعثمان حبييبنا .... خلى القلوب القلوب على وجل
ضرب الذخيرة عديل هناك .... فوق ....فوق فى الجبل
والليلة .... الليلة راجعين للجبل بى فرحة والعدد إكتمل

*************************************

نترحم على السبقونا لى دار الخلود
ندعو مع الفجر والسجود حافظين عهود
وندعو لكل من كان سقيم بالصحة جوود
وندعو لكل الغائبين.... والحاضرين ليهم يعوود
وندعو للقرآن تلاوة ... تلاوة مع المدووود
وندعو ونقول ... المولى جود .. جود لينا جووود
وندعو للشرطة .... للشرطة ما تخون العهووود
وندعو للم الشمل ... ما نكران جحووود
وندعو لكل من نال وسام ... وسام صمووود
وندعو لكل من كان ... كل من كان مرابط فى الحدووود
وندعو لتبيضّ القلوب .... ما تبقى سووود
وعود لينا يا ليل الفرح ...عوود لينا عوووود
وعيين الحسود ....عين الحسود فيها شطة وتانى عوود

اليوم السبت أول مارس 2014 م كانت الرحلة والتى ومن خلال الصور التى أبدع الاخ عباس ومن معه من الاخوان هناك فى توصيلها لنا بارك الله فيهم وقلت أدى الموضوع مسدار يلييق بالحدث وقلت :

أتلمّو الحبايب فى العسال هناك الشوفة
واحدين ما سكين فى العضُم وناس كتيير فى الدووفة
شكراً لى حضوووركم شكراً لى وصولكم يا رب نكون فى طوفة
فى عرفة ومنى فى البيت الحرام........ ويا رب تهيىء ظرووفة
نرفع للتمام ويكتمل الحضووور .............. لو كان بعيييد فى الكوووفة

» تخريج الدفعة 62 من طلبة كلية العلوم الشرطية جامعة الرباط الوطنى
» زيارة تأريخية للزملاء من الدفعة 46 كلية الشرطة للأسرة والوالدة بالسقاى
» فى رثاء الاخ المقدم شرطة معاش تاج السر محمد حسين الدفعة 35 كلية الشرطة
» رحلة الدفعة 46 الى السقاى 18 إكتوبر 2014م
» من ذكريات كلية الشرطة وأيام الامتحانات !!!