أين إجتماعيات أهل السقاى؟؟؟؟؟؟؟

أرسلت قبل يومين ما قاله لى طبيب سعودى بالتبرع بغرفة الولادة للمركز الصحى وعندما أتصلت على الاخ طارق لتعزيتة ذكرت له هذا الامر وفرح لسماع هذا الخبر وكنت أتوقع أن يرد على أحد ال15 شخص اللذين (تاوقوا ) للموضوع ولكن !!!!! على العموم أنتظر رأيكم وماذا أنتم فاعلون بخصوص الاعفاءت اللازمة من الجمارك ووزارة الصحة وغيرة أتمى أن أجد ما يفيدنى

بارك الله فيك وعسى ان يكون الأخوان مشغولين حبتين ولكن مثل هذه المواضيع لا تحتاج الى تأخير ولا تكفيها المتاوقة وما هي نكته ولا قصة واذا كانت كذلك لرد عليها الكثيرين والجد جد واللعب لعب شدو حيلكم شوية وخلوها الونسة والنكات هوي ها.

عدد المساهمات : 134 تاريخ التسجيل : 04/03/2009

كلامك صاااااااااااااح ياصلاااااااااااح
بس لكل ظروفه
ياسر المفروض انك راس القايده في الرياض علشان انت محامي والمحاميين دائما
لحوحيين وبعرفوا اقنعوا

كنت متأكد وأكاد أجزم أن ودالطيب غير موجود فى الرياض وكمان ودالقاضى برضو مفقود وظروف طارق معروفة وقد أتصلت عليه وياود الطيب كاد أن يحدث لى ماحدث للاخ عبد المحسن الشيخ وسيد احمد زين العابدين (نوبة ) أمّا قصة الاول فقد حضر فى إجازة فى نهاية الثمانينات من السعودية وذهب للعاصمة وعندما عاد وجد كل أهل الحلة فى بكاء فى (الباعوضة ) أولاد الاحمر وقرر الذهاب اليوم الثانى لوحده وعندما دخل على ناس البكا لم يعرفة أى زول ولم يعرف أى زول (لغربتة الطويلة منذ العام 1976م ) وأساساً غير إجتماعى مثل أخوانة أنور وعبد الحفيظ وبعد ساعت وصل أبناء عبدالله ود مضوى المصباح وعلى والامين وسلموا عليهو وبعد داك بدأ الناس يسألوا منو وبعد أن عرفوه ود الشيخ ود عبدالله سلموا عليهو من الاول وعندما رجع البتلاب أطلق عبارتة المشهورة (والله مشيت لى بكا فى الباعوضة قعدت أتلفت ذى الطيرة !!!! ) .
أمّا نوبة كان من رواد (الفولى ) فى نادى البتلاب فى رمضان وكان الفولى مسخن قبل إنشغال شباب الحلة بالاغتراب وغاب سيد أحمد كم سنة ورجع ولم يجد الشلة التى يعرفها ويكاويها ناس بشرى وعبدالعزيز على بابكر وأنور والتازى وعبدالعظيم الهادى وعثمان الهادى وبدأ يلعب وعندما أنتهى القيم حمل جلابيتة وغادر وردد عبارتة المشهورة (لقد مرق الفولى من بطنى !!!) وأنا والله فى غيابكم وعدم التعليق من الجميع كاد المنتدى (ان يمرق من بطنى لا أننى كنت اتلفت ذى الطيرة !!!!)

عدد المساهمات : 308 تاريخ التسجيل : 05/02/2009

مشكووووووووور اخونا بشري مبارك وربنا يجعلها في ميزان حسناتك وحسنات كل المؤمنين

مموضوع الاعفاءت الجمركية هو موضوع مهم وربنا يجعل لنا مخرجا منة

وانا اقترح انو بعد ما الاخ طارق الشريف يقابل الراجل المتبرع ان يخطرنا حتي نسعي ونعمل بعض التدابير الضرورية . ودوما الي الامام لبناء السقاي

» أول مشاركة لى فى بوست منتدى إجتماعيات السقاى
» الاخوان أهل السقاى المثلثة هل تريد أن تجعلها السقاى المسلحة ؟؟؟؟ أقرأ وأدخل هنا
» نداء الى كل الاخوان والاخوات فى السقاى المثلثة ومنتدى أبناء السقاى
» مدرسة السقاى الاولية وشفخانة السقاى
» السقاى المثلثة