مسادير فى الهلال من منتدى العيلفون بمشاركة بشرى مبارك إدريس

رباعيات فوز الهلال .. ( ممنوع دخول الوصيفاب )..

اللهم ارزقنى حبك ، وحب من يحبك ، وحب عمل يقربنى الى حبك ..




تلاتة أقوان حلاااال خلو الوصيف في محنة
والإستاد خلاص سوينا حقنا نحنا
جوة القلعة غنينا وعرضنا فرحنا
كان تموها اربعة هسه كان إرتحنا


__________________

اللهم إني قد عفوت عمّن ظلمني من عبادك في قليل أو كثير ، أو قديم أو حديث ، أو سرِ أو علانية ، فاعف عني يا رب ..



اللهم ارزقنى حبك ، وحب من يحبك ، وحب عمل يقربنى الى حبك ..




كابتنا الحريف من الوسط ختاها
مرت موزة يا ناس الله ما احلاها
الحلبي العجوز يا حليلو فات خلاها
كتمت فيهو لحق الليلة أمات طه
__________________

اللهم ارزقنى حبك ، وحب من يحبك ، وحب عمل يقربنى الى حبك ..



يا عبد اللطيف عذبت جدو معاكا
والجمهور سكت خليتو يبكي وراكا
كورة عجيبة هزت لي جبال التاكا
دخلت جوة وجدو حليلو قعد إتباكا
__________________


اللهم ارزقنى حبك ، وحب من يحبك ، وحب عمل يقربنى الى حبك ..



كاريكا إنطلق والباشا ماشي وراهو
إتقدم عكس والباشا لسه معاهو
الحضري إتلبش من الحريف الجاهو
بشة الراقي عاد يا الحضري ما بتنساهو
__________________

كان جن كان تعصب المهم في بالي
مـــــع سيد البلد الموجو بهدر عالي
الخــــــلا النميم فوق الهلال يحلالي
جنسيتي وقبيلتي ودمي زاتو هلالي
__________________

فـــــــــــوقك يا الهلال ببدع واجدع نمي
ما بعشق سواك كورة وازيد في همي
اســـــــــمك انتصار حالي وبرددو فمي
معروف الــــهلال عشقي وفصيلة دمي
__________________


اللهم ارزقنى حبك ، وحب من يحبك ، وحب عمل يقربنى الى حبك ..
عــــــــاشق الملايين فيك فن الكوره
فـــــيك دفاع صمود الخلفهم مستوره
فيك هجوم بيلعب بي حماس وخطوره
كيف اترك هواك واعشق فريق (.....)




(....) حيفهموها براهم وما في داعي نتمها ..
__________________

اللهم ارزقنى حبك ، وحب من يحبك ، وحب عمل يقربنى الى حبك ..
اصلي عشقتو والعاشق مع معشوقو
مـعاني الانتصار والهيبه شفتها فوقو
الـمريخ خلاااص للانتصارات شوقو
مــــــن سيد البلد مر الهزيمه بضوقو
__________________

اللهم إني قد عفوت عمّن ظلمني من عبادك في قليل أو كثير ، أو قديم أو حديث ، أو سرِ أو علانية ، فاعف عني يا رب ..

اللهم ارزقنى حبك ، وحب من يحبك ، وحب عمل يقربنى الى حبك ..
ياك سيـــــــد البلد لليرضى والياباكَ
وياك الانتــــــصار الما بطولو علاكَ
فيك كاريـــكا هداف يوصل اي شباكَ
منو بخـــافو حراس المرمي والسيرباكَ
__________________

اللهم إني قد عفوت عمّن ظلمني من عبادك في قليل أو كثير ، أو قديم أو حديث ، أو سرِ أو علانية ، فاعف عني يا رب ..


الحضري العجوز يا حليلو فكت منو
إتجلكن خلاس أصبح كبير في سنو
إعلام الضلال في الفارغة ساي نافخنو
سجم أم الدلاقين البكون راجنو
__________________

يا حليلا الجماهير قفلت أنوارا
تتزاوغ تفوت من العيون تضارى
قالوا الحلبي عذبنا وتركنا حياري
دا الراجل كبر شوفولو بس نضارة

ود البشرى
__________________

اللهم ارزقنى حبك ، وحب من يحبك ، وحب عمل يقربنى الى حبك ..




وليك ياعشقي دايما در غناي وقصيدي
وحـبك غصب عني ودون ارادتي وايدي
مهـــما قلت فيك من احـــرفي وتمجيدي
ازرق لـــون هواي ودمي البيملا وريدي