عندما هرب ود أهلنا الشاب الافريقى وقفز من سور المحطة وإرتفاعة متر ونصف !!!!

مدينة بون حالها حال كل المدن فى العالم ومشكلة المواقف إمّا غالية نار أوعدم!! عندما أرغب فى الذهاب الى وسط بون أفضل الترام من الذهاب بسيارتى وقبل أسبوعين ذهبت لإحد المكاتب وسط بون وعندما قررت العودة وأنا فى طريقى للمحطة أستوقفنى منظر مدهش ومضحك وهو أننى شاهدت (أحد الافارقة الشباب ) يقفز من سور محطة الترام وأرتفاعة متر ونصف وينزل على الزلط ولحسن حظة كانت السيارات فى وضع (استوب ) وجرى بسرعة خلال السيارات وفك البيرق بصورة يحسدها عليه أى بطل أولمبى فى سباق 1000متر حواجز وصراحة وأنا أشاهذ منظر (قريبى من اللون ) دخلت فى حرج وقدرت أن الراجل خطف ما خفّ وزنة وغلا ثمنة !!!! ولكن عندما دخلت المحطة عرفت الحاصل وهو أنه هرب من 5 ألمان هم (كنترول التذاكر ) والراجل قبضوة بدون تذكرة وعندما نزلوا المحطة لعمل إجراءات الغرامة من وثائقة الثبوتية غافلهم وقفذ وهم يشاهدون هذا المنظر ولايستطيع أى واحد فيهم أن (يسكوا )!!! والغرامة زادت من 40 يورو الى 60 يورو وهى ثمن التذكرة الشهرية وهنا تذكرت أيام أبو رجيلة فى السودان والمرحوم (سليم ) نسأل الله له الرحمة وكان علية الرحمة صعباً جداً وأكان ما لقى عندك تذكرة أو ضاعت منك ... حاتقطع حا تقطع وتذكرت الاخ عبد المجيد عباس والمقالب التى يعملها فى ركاب خط الجيلى عندما ينادى الجيلى الجيلى ويتدكس الناس ويكون البص ما ماشى الجيلى !!!!! كانت أيام عندما نذهب من الجيلى الثانوية ونحضر الفلم العربى فى السينما الوطنية بحرى أو سينما حلفايا ونعود الداخلية كأن شيئاً لم يكن . نرجع للموضوع وهو أن ود أهلنا هرب من الجماعة وأنا قعدت مرات أقول بركة الهرب ومرات أقول أن سلوكة غير حضارى ، لانه كان الاجدر أن يكون قاطع تذكرتة وحتى أذا حدث له ماحدث كان (يسردب ويستلم الغرامة الجامدة وتبقى ليهو توبة ) فما قولكم أنتم أرجو الافادة ؟؟؟؟؟

عدد المساهمات : 154 تاريخ التسجيل : 21/02/2009

هسع الزول النطه متر ونص ده يابشري كان بقي بتاع قوي ما احسن ليه من المساككه دي ، لكين بيني وبينك يا اخوي 60 يورو دي ما قطع عديل ده ليه الحق ينط من جدار برلين زاتو .

عدد المساهمات : 308 تاريخ التسجيل : 05/02/2009

مشكور جنابووو علي الموضوع وربنا يجعل لينا مترو انفاق في السودان

بالغريزة البشرية التي تميل الي العنصرية برضووووو بقول بركة الهرب منهم
ديل ما يستاهلو . وبعد شوية تروق وتقول هو الجابرووووو شنو للجري والمسساسكة
يدفع بي كرامة ويمشئ ويشاكل لمن يكون دافع ومثل هذا الموقف يزكرني كرم اهلنا في السقاي
وتعصبهم عندما يحصل موقف مماثل لاي شخص مع الكمساري ويكتر الكلام يقوم واحد من اهلنا ويدفع ويقول لي الكمساري قفل خشمك دا ولا بكسرو ليك santa

عدد المساهمات : 17 تاريخ التسجيل : 01/09/2009

المجهود الفكه بيهو البيرق كان بيوصلوا كداري عديل والا شنو

المجهود أم رقم الغرامة الكبير (60 يورو هى قيمة التذكرة لكل الشهر ) ولكن الطمع والجشع وصراحة ماكان أهل البلد يعرفوا الركوب (الملح) الاّ بعد أن ظهر الاجانب وعلموهم !!!!!!!

» بعشرة لاعبيين أهلى شندى يتلاعب بالهلال الافريقى الذى يقابل الافريقى التونسى
» المريخ ونصف دسته من الاهداف فى الاتحاد مدنى
» الشاب جدو ,, ياشداد !
» عاطر الود للجميع
» رثاء الشاب محمود حسن سعد