بشرى مبارك
عدد المساهمات : 7557 تاريخ التسجيل : 19/02/2009 العمر : 64 الموقع : أقيم فى بيريطانيا مدينة بيرمنجهام
| موضوع: المطرب الرائع شكر الله يعطر سماء بيرمنجهام فى وداع عبدالكريم محمد عبدالكريم الإثنين 1 أكتوبر - 5:16 | |
|
--------------------------------------------------------------------------------
بالامس وفى مساء من أمسيات بيرمنجهام صدح المطرب شكر الله وبدأ بأغنية الرائع الذرى أبراهيم عوض (ليه بنهرب من مصيرنا ) !! فضحك من كان قريب منى وكنا قد ذهبنا قبل بداية الاحتفال لمسجد مجاور وصلينا العشاء !!والمصيبة أننا أكتشفنا أن المسجد (مسجد شيعة ) فأخترنا ركناً قصياً وهم فى درسهم صلينا العشاء وخرجنا (والحجار تعتر للواحد تلك التى يسجدوا عليها !!!!) . الاخ الذى ضحك هو جارى وصديقى وفردتى فى كل التحركات وحضور مباريات الهلال هو الاخ أبوبكر بشرى السيد أخواله آل جاموس بالجزيرة إسلانج . حكى لى زواج خاله فى الجزيرة فى نهاية الثمانينات وبداية التسعينات عندما صدح المطرب الرائع أبراهيم عوض وتغنى برائعته (ليه بنهرب من مصيرنا !!) . فذكر لى بعد نهاية الفاصل هذه القصه وأيام شبابه !!وكاد أن يقول لى حليلنا وحليل شبابنا وقد بدأت الصلعه تظهر وكده !!المهم بعد الفاصل قدمت قصيدة للمحتفى به الاخ عبدالكريم محمد الكريم والذى سبق أن قدمت لكم زواجة قبل سنتين (وأكان ما قدمتو هنا بفتشو وأجيبو ليكم ) المهم عبدالكريم المناسبة هذه المره هو رجوع طوعى للسودان بعد حصوله على وظيفة من شركة بريطانية لها فرع فى الخرطوم والاخ عبدالكريم حاصل على ماجستير فى الادارة !!سوف تجدون خلال اليوم القصيدة وقصيدة أخرى للمصطفى صلى الله عليه وسلم .
والان الى قصيدة الاخ عبدالكريم محمد عبدالكريم فى وداعة الى مهمته العملية بالسودان السبت 29 سبتمبر 2012م :
العنوان فى وداع عبدالكريم محمد عبدالكريم
عبدالكريم من رحمة المولى الكريم نعم الولد كان الاسم الاسم عبدالكريم من صُغرو معرووف هو الهمييم مع الصحاب معرووف حميم فى الكورة بارع نجمو تييم فى المدرسة كان فى الصميم فى بحرى معروف بالزعيم ما بعرف الكاس والنديم وجانا الخبر شايلو النسيم مع عتمه الليل البهيم ناوى السفر السفر عبدالكريم دعواتنا للمولى المولى الرحيم جايين حضور رجال حرييم دى الدنيا ما بدوم النعييم لو بى مرادنا هنا اليقييم لى أخوانو دايماً هو الرحيم فى خطو دايماً مستقيم وفى الوسامة هو الوسيم ما سمعنا من قال لىّ خصييم رحمالك يا المولى الرحييم عبدك فقير عبدالكريم ***************** أديهو من خيرك يكون ممدوود بينا كان كريم ودايماً بحب الجوود بكتب ليهو شعرى وسطرى ما مشحوود يارب يا كريم يحقق مرادو ويكمّل المقصود ولى أم العيال يديها كل منشوود فى الجامعة الشهادة والمال ولا معدوود فى الجامعة الشهادة والمال ولا معدوود
| |
|