نقلاً من منتدى ودبهاى والاخ مبارك أبراهيم الامين عن بشرى مبارك إدريس

بشري مبارك ( رجل بقامة وطن)

--------------------------------------------------------------------------------

اليوم السعيـــد شرفني بشـــــــــــــــــري بحرفو
ده النيــــــــــــــــــل العظيم يا شبابنا منو أغرفو
يا الصـــديق نادي الشباب الما بعرفوهو يعرفو
ده ممثلنا في الخــــــارج شايل منتدانا في كتفو.
,,,,,,,,,,,,,,,,,,,,,,,,,,,,,,,,,,,,,,,,,,,,,,,

-------كتب الصديق أبراهيم دفع الله-------------------------------------------------------------------------

لله درك أديبنا المبارك فقد وضعت النقاط فوق الحروف فقد قال صلى الله عليه وسلم{{ اجلسوا الناس أماكنهم}} وقال ايضاً {{ من لا يشكر الناس لا يشكر الله }} فانت قد وفيت جزاك الله خير
حقيقة عندما يكون الكلام عن جنابو بشري تستعصي كل الحروف خجلا وتتواري متاهات الكلام خلف الوجدان فهو بحق مورد الوطنية الأصيلة وأكبر من ان تحتويه الحروف
فهو احد الدعامات الأساسية في هذا الصرح وبوتقة وقنديل عطاء لاينطفئ لقد فرض علينا إحترامه
نسأل الله له دوام الصحة والعافية أن يحفظه من كل شر
أخي مبارك لك كل الشكر والأمتنان

--------------------------------------------------------------------------------

جنابو بشري كالقمر يضئ لنا كل الظلمات
وكالبحر كلما اخذ منه إزداد ملأ المساحات
وكالشموع تحترق لتضئ وتعم الساحات
وكالبدر حين يلوح وينتشر بكل الفضاءات

------------كتب الشاعر الصديق أبراهيم دفع الله--------------------------------------------------------------------

اقتباس:
المشاركة الأصلية كتبت بواسطة الصديق ابراهيم دفع الله
لله درك أديبنا المبارك فقد وضعت النقاط فوق الحروف فقد قال صلى الله عليه وسلم{{ اجلسوا الناس أماكنهم}} وقال ايضاً {{ من لا يشكر الناس لا يشكر الله }} فانت قد وفيت جزاك الله خير
حقيقة عندما يكون الكلام عن جنابو بشري تستعصي كل الحروف خجلا وتتواري متاهات الكلام خلف الوجدان فهو بحق مورد الوطنية الأصيلة وأكبر من ان تحتويه الحروف
فهو احد الدعامات الأساسية في هذا الصرح وبوتقة وقنديل عطاء لاينطفئ لقد فرض علينا إحترامه
نسأل الله له دوام الصحة والعافية أن يحفظه من كل شر
أخي مبارك لك كل الشكر والأمتنان

صدقت مهما نقول حروف في حقـــــــــو برضو قليلآ
بشري جاي من بلد الخيـــــــــــر الديمــــة دافق نيلآ
جاهد في الوطن وخــــــارج الوطن للتائه بقالو دليلا
يارب يرجع للوطن مرتاح البال وعمـرو يبقي طويلا.
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,

--------------------------------------------------------------------------------

انت ياجنابو التوب العشارى الـباهـى زيقو
وانت فـراج هموم الــرجال وكـتــين يـضــيقو
وانت والله الساتر المامون على بنوت فريقو
وياعم بشرى انت الاس والاساس والمنور لودبهاى طريقو

التوقيع : صفيه كرم الله

---------كتب بشرى مبارك إدريس-----------------------------------------------------------------------

أولاً أعذرونى والله ماشُفت البوست إلا الليله لانى بقيت أدخل سريع أنزّل موضوع أو إتنين وأكون جارى يا على الكورس يا على الواجب يا على الشغل، وبالمناسبة ما عارف حكاية المديح الشغاله معاى الايام دى شنو الاخ الاستاذ فاروق عبدالله بلال كتب موضوع كارب ورائع فى الاشاده بشخصى الضعيف !!!ماتشيلنى الهاشمية أقوم أنزل الانتخابات (غايتو إنتخابات الهلال دى فاتتنى لكن الجاية أنا فى نصها ) وعلى العموم والله عشان أرد على مساديركم الرائعة والاروع ما فيها مسدار صفية كرم الله شخصياً والله مسدار صفيه ده إلا أمشى الحج وبعدو أسجل ليهم زياره فى تبوك بس ما يكون فى موسم برد والله قالوا عندهم برد يقول لى برد بريطانيا والمانيا جيب ليك بطانيتين!!!.
على العموم كدى أسع خلونى أدردش معاكم وأقول ليكم بالجد كده الكتبتو ده كلو لو فينى أكان كده أهلى ما بختهم وجيدلهم وهنيئاً لهم (زى ما بقول صديقى فى ألمانيا عزالدين العبيد ) ،والله يا جماعة أنا لو رائع أنا رائع من روعتكم وفرحان بى فرحتكم وشايل من الانفاس الطيبة نفسكم لو أنا طليت بدعوه من صديق صديق ما هو ولدكم وقاضى غرضكم وشاعركم مبارك ودالامين جد يتبارك وشعرو الرايع نسانا زعلنا وماشفنا حردكم ويارب ما نشوفو وكيفن بنشوفو وإنتو العافية الشافية مرضكم وأنت الشربه الشافية قرضكم ومن برمنجهام سلام .

----كتب الاخ الصديق أبراهيم دفع الله----------------------------------------------------------------------------

جنابو بشري مبارك
قد أبعث فينا الجمال بإرسال خيطه اللماع بكتاباته الشفيفة التي تمنحنا السكينة وتحيل ليلنا إلي مخمل وثير
جنابو بشري رحلة حافلة بالإبداع والعطاء الأدبي والإنساني فهو ذو خبرة طويلة وتاريخ مشرف تعلمنا من رؤاه الإبداعية الكثير فهو نجم لامع في عالم الشعر والأدب ونهر لا ينضب ومشعل لا ينطفي وقنديل ونبراس نهتدي بهما ، منذ أن وطأت قدماه هذا المربد المسحور ظل يكتب ويكشف عن فتنة جسد اللغة التي تهدهد فرائضنا الجوعى فمفرداته مختلفة الطعم تمنحنا العبق برش عطرها الجذاب الذي يفوح ويعطر جوانحنا فهنا يكمن السر
نسأل الله أن يطول في عمره ويحفظة لعياله
التوقيع : الصديق ابراهيم دفع الله

--------------------------------------------------------------------------------

الاعزاء بمنتدى ودبهاى بقيادة الربان الماهر الصديق أبراهيم دفع الله ومن الصديق تعلمنا العطاء بلا حدود وطيبة الاعمام والجدود وهمة زى همة فهود ، صراحة أرتحت كثيراً للردود وما فيكم واحد مشحود الشاعر مبارك أبراهيم الامين يكتب وكأنة يعزف على العود وهو متدفق بلا حدود .
أما (قريبتى ) صفية كرم الله فهى ست الكرم والجود فالتحية لكم جميعاً وصراحة أداعب صديقنا عوض جلاس فى منتدى البركل وهو يقيم فى مدينة تبوك وفى إحدى بوستاتة الكاربة وموضوعها الجو عندكم كييف فى رمضان ؟؟!!؟؟تحدث عن (تبوك ) ووعدته إذا حضرت المملكة فى أى وقت إن شاء الله فسوف أزور مدينة تبوك ولاشك أننى سوف أكون سعيداً بزيارة أسرة أم عسجد ومن الان تحياتى لهم الى أن يتحقق المراد والتحية مره أخرى للأخ الشاعر مبارك أبراهيم الامين فاتح البوست والذى كتب فى حقى مسادير عجزت أن أردها لأنها قويه فلا أستطيع أن أقول له غير إذا كنت أنا لذلك فأنت أضعاف ما كتبت عنى فبارك الله فيك أخى الكريم .
أما (قريبتى ) الاخت الراقية الواعية بنت الاصول صفية كرم الله فلا أستطيع أن أجازيها إلا بأن أقول لها (أسأل الله أن يكرمك بأخ لعسجد وبعده أخت لعسجد حتى تقر عينك وعين أبو عسجد إن شاء الله ) .