يا فيصل عبدالوهاب الاسكابى خبرو شنو؟؟؟

الاخ العميد شرطة معاش فيصل عبدالوهاب لك الود وأنت من سنار وأنا من بيرمنجهام وأنت الان داخل فى منتدى السقاى وما عارفك بتقرأ وين من مواضيع صاحبك الماعندها حد !!!على العموم أدخل الاسكابى حتى أتحدث معك صوت وصوره وتشوف الصلعة حدها وين ؟؟!!!وممكن أدخّل معاك على جويلى من أمريكا وبالمناسبة جابو ليهو ولد قبل شهر لكن ملحنى فى السماية !!!! ما عزمنى .

بدخول الاميرالاى زاد زوار منتدى السقاى
واصل فى حضورك وأكتب وزيدو غناى
من سنار هناك معروف ظريف ظريف حجاى
أكتب لينا يومى وسطرك جد ظريف وأوعه من باى باى

بمسدر ليك وأقول ساعدنى يا حكاى
وأكتب من قصص فى الشرطة إنت قفاى
مشيت خليتو فيصل رائد وضابط عظيم ظاهر وما ختاى
فكاك الشبك حكاى فى الكلام معروف بين رافقتو فارساً يمين سواى

لو جابك درب على البنادر سلم
على كل دفعتنا ما أشوف زميل متألم
قول ليهم سلام منى ليهم سلّم على الاخوان جميع وماتنسى زولنا معلم
وين (إسم المعلم ) من ما اتخرجت تب ما لمحتو يسلّم

عدد المساهمات : 4 تاريخ التسجيل : 18/09/2011

عظمة على عظمة ( يا سيد ) والله مقدرة فائقة على تحريك المنتديات والمواضيع ,, ما شاء الله يا بشرى عيني باردة عليك وتشرفني غاية واقول (that is my brother )

الأخ جنابو بشري لك التحية(رد الاخ الصديق أبراهيم دفع الله منتدى ودبهاى )
هذه بمثابة رسالة عتاب موجه لشخصي فأنا اتقبل أي عتاب او أي نقد بصدر رحب والحمد لله
نرحب بصديقك ودفعك الأخ الكريم العميد/ فيصل عبدالوهاب ونتمني ان ينتمي إلي دارنا المتواضعة ويكون عضو معنا بالمنتدي
لكن يبدو لي أن العميد فيصل لم يكتمل تسجيله بالمنتدي فالعضوية لا تفعل إلا لمن يكمل التسجيل ويظهر إسمه بالمنتدي
علي حسب ما فهمته من رسالته أنه حاول التسجيل عدة مرات ولن يفلح في التسجيل فقد واجهته مشكلة في التسجيل
إلا وهي التحقق من الصورة
فمن أحد بنود التسجيل موضوعة صورة بها أحرف إنجليزية {{ capital ــــ small }} وأرقام ويشترط عليك أن تكتبها كما هي موجودة طبق الأصل ، وإذا لم تكتب بطريقتها الصحيحة فسوف لا يتم التسجيل
علي سبيل المثال
التحقق من الصورة.

رجاء ادخل الستة أرقام أو الحروف الظاهرة في الصورة. تحديث الصورة

هذه الصور يا اخي جنابو هي العقبة الكبري في التسجيل لكن سأحاول حذفها من بنود التسجيل حتي يتمكن العضو من التسجيل بكل سهولة ويُسر
حاول أرسل لي رقم موبائل العميد في رسالة خاصة حتي أتمكن من مساعدته في التسجيل
صادق وُدي
أرادب من التحايا

» حديث هام وخطير أدلى به دفعتى العميد شرطة معاش فيصل عبدالوهاب عوض الله
» دفعتى العميد شرطة معاش (الاميرلاى بمنتدى تنقسى ) فيصل عبدالوهاب يرد على تواجدى بالمنتدى
» الاستاذ حسن عبدالوهاب والاستاذ عبدالله كجوك يشرفون بون
» هل بقى فى السودان عاقل والدكتور عبدالوهاب الافندى من القدس العربى
» عاجل الشفاء لكابتن السودان والمريخ فيصل العجب