بشرى مبارك
عدد المساهمات : 7557
تاريخ التسجيل : 19/02/2009
العمر : 64
الموقع : أقيم فى بيريطانيا مدينة بيرمنجهام
 |  موضوع: الى أخوانى الاعزاء بمنتدى العبيدية هام وعاجل .  السبت 2 أبريل - 13:57 | |
| خبر هام هام وعاجل من أخووووكم بشرى مبارك إدريس أرجو الاطلاع والرد
--------------------------------------------------------------------------------
أخوانى الاعزاء بمنتدى العبيدية تعلمون أن إرتباطى بالعبيدية لم يكن وليد المنتدى فقد بدأ منذ السبعينات بل أن لنا أهل وطين بين بربر والعبيدية وأذكر أننا زرنا حبوبتنا عليها رحمه فى قريه لاتبعد كثيراً من العبيدية وقد وجدنا حاجة حليمة عليها رحمة الله تعرفها وأوصلنا أهل الزين لها والان ومنذ فتره أرتبطت معكم وبكم وبينكم من خلال منتدى العبيدية والذى أحس فيه بإنتماء قوى مثله مثل منتدى السقاى وتعلمون وشائح الارتباط الاسرى والتصاهر التام بين السقاى والعبيدية من أسره أحمد على الكرار حامد القوى وغيرهم .
أخوانى إبن أخى إيهاب عبدالله عبدالله إدريس يدير فى العبيدية كسارة حجر تخص عمنا الفاتح على بابكر والعم الفاتح على كان معلماً فى العام 68فى بربر الوسطى ومعه عبدالرحيم محمد حسين وزير الدفاع الحالى العم الفاتخ خريج آداب جامعة الخرطوم ودفعه على عثمان محمد طه وكان مترجماً فى شركة أرامكو فى مدينية الجبيل الصناعية وعاد للسودان فى العام 1985م وهو من كبار الاخوان المسلمين وكان نائب الدائرة تنازل للدكتور عوض أحمد الجاز وحاج الفاتح كما يحلو للوالده أن تطلق عليه منذ 1973م عندما حج وهو طالب جامعى حاج الفاتح من الزاهدين جداً فى المال فكم عرضت عليه مناصب رفضها .
أخوانى أرجو أن تهتموا بأمر إبن أخى إيهاب وتعدلو ليهو عوجو وتسألوا منو وعايز كل زول فى المنتدى يدنى رد فى الموضوع ده وبلومكم وبشكركم بيهو وتلفون إيهاب هو0912565782 عايزين نشوف همه الجعلين ويا شيخ أبعجة ويا أبراهيم حسن الزبير ويا آل الزبير ود أخوى ما تقصروا معاهو والاخ عبدالله كنت بتحدث معاهو البارح وهو أستاذ اللغة الانجليزية فى المدارس الخاصه فى بحرى مدرسه رفيده على ما أعتقد قال لى بكلم الزين وبتصل عليهو وأنا قت أنجض الموضوع معاكم .
أفيدكم أن إيهاب خريج جامعى من جامعة النيلين قسم المحاسبه وكانوا مقميين بالسعودية الرياض وإيهاب مولود فى الرياض ولكن أندرش فى الجامعة وأصبح واقع نار، وفى الاجازه الفاتت لى فى أغسطس فى السودان لعبت معاهم أربعتاشر فى النادى ليقيتو ماشاء الله تبارك الله أحرف من أبوهو .
أيهاب من المجوودين للقرآن الكريم وحافظ كم جزء (عندما زرتهم فى الرياض العام 2000م ) ما عارف أسع حافظ أم تفلت منه القرآن فى السودان .
عندنا عمنا عبدالرحمن إدريس بابكر مسؤول من الجامع والاذان وأعلانات الوفيات وله عبارت مأثوره ومنها ذات مره سرح فى المكرفون وقال يا جماعة المرحوم ده كان واصاااااال أصلو !!وأنا أقول ليكم إيهاب ده ضيف بينكم أصلو وما تخلو قفاهو أعوج وعيال جعل معروفيين فى الواجب آها دايرين أخونا الزينكو يزعل منّكم ؟؟!! خليتكم عافيه الى حين أن أصلكم فى العبيدية وآكل معاكم لقمه دافيه ومشيه حافيه وشربه شافيه ولو لقيت فرصه دهب السكنه صافيه!! ومن برمنجهام سلام سلام سلام . بشرى مبارك إدريس بابكر. | |
|
