يا والى الخرطوم الدكتور عبدالرحمن الخضر ما زال الفراخ فى الخرطوم أغلى منه فى المانيا

أذكر فى العام 2008م كان الاخ أمين الماحى عائداً من إجازة فى السودان وكان يشكو مر الشكوى من الغلاء الطاحن فى السودان فسألته عن سعر الفراخ لكى أضع مقارنه فوجدت أن سعر الفرخة الواحده فى المانيا يعادل سعر فرختين فى السودان.
فى العام 2009م على ما أعتقد تم تعيين الدكتور عبدالرحمن الخضر والياً للخرطوم خلفاً للدكتور عبدالحليم المتعافى فرفع الاخير شعار الاكتفاء والرخصة للفراخ !!نزلت إجازتى الاخيرة فى أول يوليو وكان من ضمن أحلامى الاستمتاع بفراخ الدكتور الخضر الرخيص وأنا فى السوق وجدت فى إحدى السوبرماركت مايفيد بوجودالفراخ بسعر 11 ألف جنية للكليو!!فضربت الحكاية باليورو وجدتها معقوله وقتها أى فى حدود3 يورو تقريباً ولكن عندما دخلت هالنى الامر فأخذت فرختين ووزنها التاجر وقال لى كل فرخة فيها كيلو و200 جرام وسألته عن السعر فكان 18 ألف!!!يعنى الفرخة أصبحت ب5 يورو تقريباً !!فى المانيا الفرخة من كيلو حتى كيلو ونصف سعرها واحد ونحنا أساساً نتحاشى الفراخ الكبيرة ونقول الفرخة التى توزن تكون غير جيده وقوية فى اللحم ولا تستوى بالساهل !!أخذت فرختين لكن تانى ما كررت الحكاية !!!.
اليوم طلبت منى المدام أن أذهب لمحل تركى فتح جديد إسمو (ميفلانه) والجماعة محرفيين الاسم بقولو محل (مولانا التركى ) وبما أن المحل على مقربة من المنزل صليت العصر وتحركت عليه وكان قصدى أجيب لى غرضين الاول الفراخ الذى طلبته المدام والغرض الثانى دعيت بعض الاخوان لندوه عن السودان والاستفتاء وعايز أختار بسكويتات وكيك لزوم الشاى والمرطبات الذى سوف نقدمه للضيوف .
وجدت ماشاء الله الاتراك(أبو الرخاء ) وجدت عرض ثلاثه فرخات بسعر 5 يورو يعنى ثلاثة فرخات بسعر فرخة واحدة فى السودان فأخذت الثلاثة والبسكويتات وحاسبت الخزينه وكدت أن أقول لهم أنا عندى ليكم عرض عالمى أمشو السودان بيعو الفرخة الواحدة بسعر الثلاثة فرخات فى المانيا بس أدونى حقى وما تنسو تكلموا والى الخرطوم ربما زاد سعر الفرخة الان من 18 جنية .