رثاء الحاجة مدينة ابراهيم (ودبلتنا)

كنت فى بيرمنجهام وأستعد للذهاب الى لندن للمرة الثانية لزيارة زملاء فى الشرطة والجيش منهم الاخ العقيد جعفر صديق الذى يعمل ضابط جوازات (دبلوماسى ملحق إدارى ) فى السفارة السودانية لندن وبرضو مخطط للسفر الى (بروستول ) حيث الزملاء محمد الحسن حمدنالله (أول الدفعة 46 ومعه أيضاً فى نفس المدنية أُسامة عبدالوهاب ) تخريمة .... كانوا ساعدوكم فى حل المسابقة !!!!! . وأنا أستعد أتصلت المدام من بون لتقول لى أن صالح أخوك أتصل وقال أمك الجودلية فى المستشفى أرتفع عليها السكرى وعليك الاتصال بصالح أو منيرة وبالفعل أتصلت وأطمأنيت على صحة الوالدة وأنا فى لندن مع الاخ معتز بعد ان ذكرت له الامر وأحضر لى كرت وواصلت إتصالاتى وأنا مع الاتصالات يوم الجمعة يفيدنى صالح أن الحاجة مدينة توفيت اليوم والناس عادوا الان من المقابر وأنا مع الوالدة والدكتور قال (لاتخبروها حتى يستقر السكرى فلم أستطع تعزيتها واتصلت على الاسرة وعزيتهم ورغم أننى كنت ضيفاً ولكن (الدموع لاتعرف أنك ضيف ونزلت دموعى بغزارة ) حتى شاطرنى صديقى معتز حيدر عباس فله منى الشكر والتقدير
يعد يومين أستطعت تعزية الوالدة وقد تحسنت حالتها بحمد الله وكتبت هذة الابيات ولم تصل الاسرة واتمنى أن تصلهم من خلال منتدى السقاى والتى تقول :
جانى الخبر فى غربتى ينعى إلىّ أُمّى مدينة
يوم جمعة فى أطيب أيام والجمعة كانت جد حزينة
وقعدت أرجع بالسنين وأتذكر أيامة الحنينة
المولى أجعل قبرها روضة وجنان راحة وسكينة
والمولى ألزمنا الصبر والصبر أرسلة لى أمينة
***********************
وأطلب دعاء من كل حفيد ومن كل قريب والبعيد الكان بجينا
الموت حق على الرقاب.... والصبر نسألة اليقينا
الوالدة ماعرفت خبر ....... أعطيها صبر الصابرينا
صبر الصحابة أولو النهى ........ صبراً يزيد الخاشعينا
المولى أربط قلبها ............ ليخفف الدمع السخينا
لى خالنا عبد الحى نذكر ...... والذكرى زاد الذاكرينا
لى أمنة وأم كلتوم كمان ....... والوالدة لليد رافعينا
فى كل صلاة فى كل سجود ......... ندعو وندعو سائلينا
فى الجنة فى الفردوس هناك ........مع الكرام الخالدينا
فى الجنة فى الفردوس هناك .......مع الكرام الخالدينا

عدد المساهمات : 17 تاريخ التسجيل : 08/03/2009

رحم الله الحاجة مدينة واسكنها فسيح جناته وانزلها منزلا حسنا بي الشهداء والصديقين
ااامين

جنابو
تقبل الله موتانا وموتاكم وكل من عليها فان ونيبقى وجه ربك ذو الجلال والاكرام، وهو حال الدنيا ولكن ما يجعل ام الخبر صعب واكثر ايلاما على الانسان تلقيه وهو بعيد عن الأهل في بلد الغربة.
تخريمة:
ام علي فاتحتك مقبولة لكن وين ابو علي سهران لحدي الصباح في الحفلة انتي ما شايفة شغلك.

عدد المساهمات : 17 تاريخ التسجيل : 08/03/2009

ما كلو منك انت عامل راسك الكبير دا

عدد المساهمات : 167 تاريخ التسجيل : 30/03/2009

تعازينا الحاره لكل الاهل والاحباب
وكل من عليها فان ويبقي وجه ربك ذو الجلال والاكرام
ببالغ الحزن تلقينا من منتدانا وفات الوالده لها الرحمه
وربنا يلهم اهلنا الصبر والسلوان ويسكنها فسيح جناته
مع الصديقين والشهداء ,,,,,,,,,,,, ااااااااااااامين

عارفين في بلاد الغربه ام علي

ما عارفين ام علي دي ولا ابو علي دا عندكم منو ؟
المقصود نحنا اهل مفروض يكون ود فلان او بنت فلان والباقي معروف علي الجميع فلان.......

» صفحات ودبلتنا ماهو ودبلتنا وماهى غابة ودبلتنا
» لوري ود الحاجة
» الحاجة والدييييك والمساطييييل
» في ذمة الله الحاجة الرضيه الجاك
» وفاة الحاجة فاطمة عثمان