بشرى مبارك
عدد المساهمات : 7557
تاريخ التسجيل : 19/02/2009
العمر : 64
الموقع : أقيم فى بيريطانيا مدينة بيرمنجهام
 |  موضوع: الطالب الحربى ضابط الغد قصيدة بمناسبة تخرج محمد السر المهدى ملازم أول  الأربعاء 18 أغسطس - 23:52 | |
| فى 3 أغسطس وفى إستاد المريخ الرايع كان تخريج الدفعة 3 جامعيين والدفعة 11 من طلبة كلية الهندسة وقد كتبتب هذه القصيدة وسجلتها بإذاعة قوات الشعب المسلحة وإبننا محمد السر المهدى عبدالمتعال والدتة راضية مبارك إدريس شقيقتى التى تكبرنى وقد قضى محمد وأخوانه عام ونصف العام بالكلية الحربية وتخرجوا فى رتبة االملازم أول وقد تم توزيع محمد مع 30 من الزملاء بالوحده المشتركة المدمجة ومقرها المنشية الخرطوم مزيداً من التوفيق . القصيده أطلع عليها الاخ العميد عثمان الامين أبو عبدالله وقد أُعجب بها خاصة الابيات التى تتحدث عن إستاد المريخ رغم أن المريخ هذه الايام ملك الهزائم المحمولة جواً وبراً !!فإلى القصيدة :
الضابط الهمام مبروووك عليك وصلت
ورفعت علم بلادك وبيهو بيهو إتفشرّت
التعلمجى الهميم لى مزاجو ما عكرّت
والضابط المحاضر لى إشارتو كم فسرّت
من مصنع رجال رجال للمولى ديمة شكرت
ولى جدك عوض قائد أصيل أصيل عبرّت
أخوانك إسود ومع الاسود مع الاسود طفرت
وفى عرين الاسود الاسود سكنت وإتحكرّت
قبالك إسود واقفين محل واقفين محل قبلت
وأسأل عمر البشير فى كتابو كم سطرت
حافظيين للعهود فى الشك فى الشك ولا ساورت
قادة قادة يميين رجال رجال وبيهم إتأثرت
وحدو كبرو معاهم يميين يميين هللت
حانخوض اللهيب ولبسى لبسى كم بللت
بى عرق الكفاح كان ماسى ماسى أو أصبحت
************************
بى أخوان سلاحى ديمه أفخر أباهى
ديل أخوان عدييل لو كان دهانى الداهى
حمداً للإله الإله بالخوه ما قول ساهى
بيهم جد سعيد جد سعيد وحمدت ديمه إلهى
************************
الجيش جيش وطن وللوطن شمرنا
ودايماً فى إجتهاد وليهو كم عمّرنا
لى كل أعداء بلادنا طردنا كم دمرنا
بعرفنا العدو فى عيونا لو حمرّنا
وبعرفنا العدو فى عيونا لو حمرّنا
وفى وحدة بلادنا وحدة بلادنا أصلو ما قصرنا
************************
يا عمر المشير قايدنا رأس الدوله
وكم خاض المعارك وفيها كسب الجوله
كم جال فى البلاد معروف وصادق قوله
وكم حمد الآله وشاكر شاكر وقال لاحوله
************************
زار كل البلاد وللدول للدول ما قصّر
أوأوكامبو الغشيم خلاهو كيف إتحسّر
شاحد المولى الكريم قانونو يبقى مكسّر
ومايفهم نصوصو وللنصوص ما فسّر
************************
أخوان السلاح تراب الوطن عزووها
والهمّة بتزيد دايماً كتير كتير علوها
ابنخزل رئيسنا مابنقبل نقبل القالوها
ومابسّلم سودانى سودانى حتى لو بلوها
************************
أسد أفريقيا زمجر ونحن جد جد أشبالو
ولو نتر الاسد الاسد يلقانا نحنا رجالو
نحنا الفينا راكز وما بفوتو تب شبالو
والله البجينا يخسر عدييل رأس مالو
************************
إستاد المريخ فيهو فيهو إتخرجنا
بى روعه بناهو أصلو ما أحرجنا
طابورنا الرصين مافيهو إترجرجنا
ومافينا الهويّن أو قدر قدر دحرجنا
************************
أهلنا الحضور بالفرح بالفرح زغرتو
وكبرتو الإله وبالسرور بالسرور عبرتو
لى أولادكم دوام دوام بالفهم الفهم دبرتو
أجنو ثمار عرقكم وأصلو أصلو ما قصرتو
*************************
برجع بالسلام والوداع الوداع لى رئيسنا
وياعمر البشير عقبال نجييك لى عريسنا
ديل أدو القسم حافظيين كمان لى ميسنا
فرحانيين دوام وننفض كمان لى كيسنا
فرحانيين دوام وننفض دوام لى كيسنا | |
|
