مسدار إنتصار الهلال والله كتبتة قبل ثلاثة أيام

مسدار الانتصار والله العظيم كتبتو فى مفكرتى قبل تلاته أيام وكنت متوقع 2.صفر لكن من سا

--------------------------------------------------------------------------------

والله العظيم ما طالبنى حليفة كنت متفائل جداً بهذا الانتصار لذلك كتبت المسدار قبل تلاته أيام بى قلب قوى وكنت أتوقع الاهداف من سادومبا وأمبيلى . والان الى المسدار وأهدية الى كل الهلالاب وخاصة عمر مبيوع وشقيقة ووالدتهم أزاهر إسماعيل تناد حيث أفادت عمتهم نوال تناد أنهم يفرحون عندما ينتصر الهلال :

أدينا الوصيف مرتبو مرتبو المعروف
أتنين فى الشباك والكى صبح مخلوف
يوم وقف الجميع وقفوا وكانوا كانوا إلوف
سيدا وأخوانو حضور والموية والموية بالشادوف
والله فرحنا فرحنا طربنا هللنا هاتفنا وصفقنا بيها كفوف
[b]

سيــــدا واللـــه
ألف مبــــروووكـ الانتصار العظيم

عدد المساهمات : 8 تاريخ التسجيل : 19/01/2010

تحياتنا الخالصة ياجنابو والف مبروك الفوز حاجة والله ماتحلموا بيها عشان كدة طايرين من الفرح والمعروف انو فريقكم تعبان والدليل على ذلك هزيمتكم من فرق دون المستوى لكن نقول شنو دا حال المستديرة مبروك مرة تانية ياكمندان وتحياتى للاسرة الكريمة

حمد الله على سلامتك وظهورك أختنا تيسير عثمان الطيب والله فرحتنا بعودتك أكثر من فرحتنا بإلانتصار عليكم الاخير والله فعلاً كنا فى أمس الحاجة للثلاثة نقاط والحمد لله حصلنا عليها رغم ضعف فريقنا غلبناكم وهلال مريخ لاتخضع لمثل هذه الحسابات تحياتى للاسرة وباين الغُلب عامل فيكم عمايل معلييش نحنا قررنا المرتب (رطلين ) حايكون ثابت فى كل مره وتحياتى لهلالاب العيلفون فى المنتدى .