لفة مع بداية الخريف

مواصلة لي برنامج صلة الارحام .... الجمعة الفاتت كانت عبارة عن لمة فطور جماعي في الحلة عند جدنا الشيخ عبد الله احمد علي وكان اللمة قوية والاقوي كانت الجبنة من ست ابوها (الرخا) بت الشيخ ....جبنة ما شاء الله تعدل الراس بعد الفطور كانت اللفة الي التمانيات الي الجد عبد الله محمد عبد الله من بعد المغرب رغم ان التراب هابي وزرتنا مطرة في التمانيات والونسة احلوت مع الجو الخريفي وكانت المطرة قوية وشربنا شاي المغرب والجد ما قصر من الحكاوي والقصص القديمة وبعدها اتجهنا الي منزل العم عبد الرحمن الطيب البتل (ناس ست الشفة) وبرضو دبلنا شاي اللبن مع الجو الرهيب و الناس بدت تضع برنامج لي الاسابيع القادمة وانشاء الله اللمة تتواصل ومن هذا المنتدي الشكر لكل من ذهب معنا ... الدكتور مامون عبد الله والاخ خالد عز الدين والاخ طارق عبد الله والاخ الامين عبد المنعم والاخ محمد عبد الله والاخ الطيب عبد الرحمن والاخ مدثر عبد السميع والاخ حسن عبد المحسن والي كل الاخوان الذين لم يشاركو.........

واصلو فى الزيارة واصلو صله أرحام
وصى رسولنا بيها وصى وأرمو تمام
سلمو لى معاكم لى كل أخو وكل ناس قدام
وسنة جميله رايعة والاجر كل كل أيام

تسلم الخال بشري علي المسدار الرايع....

اسعد الله ايامكم الاخ دحدوح وادم عليكم الفرحة وتحياتي لكل من ذكرت

تسلم الاخ العزيز مصعب

ربنا يخليك لينا يادحدوح والله الزيارات الاجتماعية جميلة شديد وندمان جدا اني مامشيت معاكم الجمع الفاتت لانو كنت معزوم عرس واحد صاحبنا في الموردة غرب لكن الجمعة الجاية معاكم معاكم

عدد المساهمات : 101 تاريخ التسجيل : 06/07/2009

ماشاء الله لفة بدرابية كاربة شدوا حيلكم لابد من مواصلة الارحام والارحام اصبحوا منتشرة فى مساحة واسعة ... أحمد عبدالحفيظ يظهر يوم ويغيب سنة المرة الفاتت ظهر قال بلوا رؤسكم من اليوم داك رؤسنا مبلولة لما الصابون نزل لينا فى عيونا .... ارجع لبريدك الخاص يا أحمد سوف تجد فيه رسالة قديمة ارجو ان ترد عليها

والله يا خال يوسف احمد ده ماسورة لكن ما مصدقين كلامي اسي من اسي يا احمد عندنا برنامج الجمعة الجاية بس كدي ما تجي انت وادريس ومحمد الجمعة الجاية ما تقول لي مشيت ابو عشر لانل ملاحظ الايامات ده مشيك علي الجزير كتر كل ما اسال بقولو لي احمد في الجزيرة ....

والله يا دحدوح أنا الفى بيرمنجهام البعيده عارف أحمد (أكبر زوغنجى فى أفريقيا والوطن العربى )
والله أمكانيتو دى لو لقى كورة أبوهو زمان يحل مشكله الهلال فى الهجوم لكن أظنو (منظراتى كبير ) ولكن والله يا دحدوح والله كتاب زى ما قال أبوهو زمان والله فى الكتابة ما بتصاقع !!لكن الطريقة البتخلى يقعد لينا فى الواطة ويكتب شنو ؟؟
تخريمة : كان عثمان الهادى عبدالرحيم جناح خطير لكن مشكلتو بسبق الكورة وسريع أكتر من اللازم فأقترح زين العابدين الشيخ أن يربط عثمان (حجار فى كرعيهو عشان يتقل شوية ما يفوت الكورة ) لذلك أنا أقترح أن نربط أحمد عبدالحفيظ فى بيتم حتى يكتب لنا موضوعيين تلاته وبعدها يذهب معكم لمشواركم القادم وتحياتى للجميع .

عدد المساهمات : 4 تاريخ التسجيل : 28/06/2009

يادحدوح من الان ان بسال المرة الجاية ماشين وين ومتين عشان الواحد يدبر اوضاعوا من بدري ولا ماكده

» يااحنٌ الناس !!!
» البكى بحرروه اهله
» من بون وبدون مسدار أرحب بأبناء الاستاذ أبوالقاسم حمد والاخت أمينة مبارك
» بداية الإعداد للموسم الجديد
» مسدار بداية العام الجديد