حوار شعرى بين جعفر بدرى الامين وبشرى مبارك إدريس

يا جعفر أخوى أنا باب الزعل ساديهو
وشياطنو الكبير بى حبل المسد شاديهو
ما جربت أخاصم قط وفايلى وفايلى ما قاديهو
دايماً مع الصحاب هاتف خاطب نت وكيف الاخو أعاديهو
ويا جعفر أخوى إت ناس الدم عدييل والله نسيوتو ما عاديهو

والله يا جعفر بدرى أنا بكتب مسادير كتيرة جداً ومنذ أن بدأت أكتب مسادير فى المنتديات والله لو علمت إحصائية لل14 ألف موضوع التى كتبتها فى المنتديات أجد أن المسادير تشكل ربع المواضيع التى كتبتها ويصادف فى اليوم الواحد وفى منتدى واحد أكتب 10 مسادير خاصه عندما أجد من يرد على مثلك ونوال تناد وغيرهم كثر فى هذا المنتدى إلا أن هناك مسدار يستوقفنى كل فترة وأرجع أطالعة أكثر من مره وأجد نفسى وأنا كاتبة يعجبنى جداً وصراحة عجبنى هذا المسدار الذى كتبه لك عاليه ورجعت بعد نصف ساعة لكى أضيف هذا الكلام فأرجو أن أسمع رأيك فيه وبصراحة . ومن بيرمنجهام سلام .

--------------------------------------------------------------------------------

من كتر الرود أعزرنى ليك مارجعت
ومسدارك ظريفك وكيف فيهو إتجدعت
ما مشحود عليو ردك ظريف خفيف أبدعت
واصل فيو واصل وما بقدر أفوتو وفيهو ما مضعت

ردك جميل كلماتو فيها روعه وبراعه
مسادير حتى ود ضحوى يرجى سماعه
كلمات اصيله ما لصيق ولاها صناعه
نابعه من القليب زيدنا منها كل ساعه