أعرف الشاعر من بيت الشعر

النيمة دى إسمو (ودالشيخ) قال: [
مرحبتين حبابك فى النيمـــة إتفضـــــل
وادينا الكتير وعلينا ماتبخــــــــــــــــل
تلقى الفوايد جد عطور مع الصنـــــدل
تقيل همبريب والموية بالجـــــــــــردل
وان جاك وجع البطن نديك من الحرجل
اخوانك كتير قدام من كسلا والبركـــل
تم التعارف بيك وللجميع توصــــــــــل
ونكون جمبع اخوان على المولى نتوكل
فى نيالا فى حلفا فى مريدى تتجــــــول
فى طمبرة وطابت فى مدنى ناس شنكل
نكون جميع فى حوش فى النيمة نتقدل
لا ازيد ولا انقص مما خطه يراع ود الشيخ
واتمسك بحديث ود صغيرون اللهم زدنا ولا تنقصنا
واعرج على قول خدوري بالمحبة نتواصل حباب الاستاذ بهاء الدين مضوى المحامى
السؤال هو لو اتطلع أى زميل لى من دفعتى فى الشرطة سوف يعرف من أحد أبيات هذة القصيدة أننى كتبتها فما هو البيت ؟؟؟ ولماذا . تحياتى للاخ العميد شرطة عباس الطيب وأحيية من بون وأتمنى أن يزورنا فى منتدى السقاى ويمكنكم الاستعانة به .

جنابو عندنا قايتو مساء الخير
عنوان الموضوع مثير والسؤال اكثر اثارة والأجابة خليها على الله ونقول بعد التوكل على الله البيت هو:
فى طمبرة وطابت فى مدنى ناس شنكل
والتعليل: لآن سنكل الاسم الوحيد الذي ورد في القصيدة بالتحديد وذكرت منطقته وهي ود مدني وربنا يسترنا من شناكل المانيا في الكرة طبعاً.
وما تنسانا من هدية مغتربين اروبا الكاربا اكيد.

عدد المساهمات : 308 تاريخ التسجيل : 05/02/2009

جنابو بشري مساك الله بالخير
الرد والله اعلم في كلمة يراع ود الشيخ وهذا حسب اللقب الذي اطلق عليك وانت في المطار

لا ازيد ولا انقص مما خطه يراع ود الشيخ
وإذا كانت الاجابة صحيحة انا هديتي صعبة شديد

ولك كل الود

الاخ مزمل صديق والله ما قصرت وأجتهدت وأنا بديت أتحسس فى الميزانية حتى أوفى بالهدية التى تطلبها وغالى والطلب رخيص أجتهد (لكن البنات ما شافنك ) يعن بالعربى كدى (عرضت برة الدارة ) والسبب أن الجملة التى أخترتها كانت خارج نص قصيدتى وقد أضافها أحد المتداخلين فى موقع النيمة وأظنه(حسن الامين ) واذا راجعت المقال ونص الترحيب تجد القصيدة قافيتها غير ماجاء به بيتك ..... تخريمة دى مقدمه ليك علشان تدخل باب الشعر لكن الجائزة طلعت منها وأسلك درب المحامين مابدوك عوجه .

جنابو اشواقي الكثيرة
ياخوي وكت جابتلها تحسس جيوب دحين ادينا فرصة تانية واصلو الهدية عليك عليك:
البيت هو:
وان جاك وجع البطن نديك من الحرجل
والسبب لشهرة منطقتنا بالعلاج بهذا الحرجل واظنك في دفعتك كنت طبيب الدفعة البلدي، وكان صدق ما ذهبت اليه ربنا يستر على مصارين الضباط العالجتهم.
وهل هنالك فرصة ثلاثة ولا خلاص الهدية طارت.

ياود الطيب ياخى إنت ماكنت ماشى كويس لدرجة أننى قلت إنك لقيت واحد دفعتى وكلمك لكن عايز تعمل (حركات محامين ) والله أجابتك الاولى (ناقصة بس التلج ) على وزن الواحد ما يقولوليهو العرس متين ؟ يقول والله لميت كل شى بس ناقص لى حق التلج !!!! وانت وقعت فى البيت والاسم بس ناقصك حتة فعلاً مايحلها ليك الاّ ضابط من الدفعة 46 التى تخرجت يوم 3.1.1982وكان أول الدفعة محمد الحسن حمدنالله الذى ترك الشرطة فى رتبة المقدم العام 1995م وأغترب فى (الكمرون ) ماتقول بلعب كورة وأنّما كان تاجراً ومامشت معاهو وغادرها الى بريطانيا وكان الطيش (مكير أوان ) والذى توفى هو ودفعتنا كو ألفايو مون وأحدهم دينكاوى والاخر شلكاوى ودارت بينهم مشكلة (بداية عهد الانقاذ) وجهز كل ضابط مجموعة من أبناء قبيلتة ودارت بينهم معركة طاحنة توفى فيها مكير أوان فى الحال وتوفى كو ألفايو مون فى المستشفى متأثراً بجراحة وهذة والله قصة حقيقية (مانجرتة ) أنا بنجر المسادير بس !!!!!! . وعلى العموم الخيارات عندى لكن قلت (القافل ليهو جرّة ) دة كمان كلام كوشتينة وحاتقول والله جنابو ده حيرنا الكشتينة سيدة والكتابة فى المنتديات والكتابة عن صلاة الجمعة وسورة يسن (والله التقول مفتاح إنجليزى ) هرشك !!!!! الى اللقاء

» قتلتى كل الريدة قصيدة منقولة من الراكوبة أتمنى أن تعجبكم لم أعرف شاعرها
» سجل دخولك ببيت ..من الشعر
» خاااااااااااااااااص لحواء خلطة تطويل وتنعيم الشعر
» بشرى مبارك وبدايات كتابة الشعر
» الشعر الجاهلي قضاياه وظواهره الفنية