مسدار للاخت نوال تناد منتدى السروراب لنشاطها الكبير ومواضيعها الثره

--------------------------------------------------------------------------------

بسم الله أبتديت قولي السمح والزين
----------------------------------------
أنا بت الكرام نفوسنا ديمة أبية ....
بي اخواني وبي أخواتي و تاني نفسي غنية .....
دايما أصلي و اسلم عليه نبيا ....
أنا بت ود سرور في النسبة سرورابية ....
------
مرحب بشرى أخوي الداره يوت مغشية ....
مصباح الفريق يوقد صباح وعشية ....
زايد في المقام ،، طالق قفاي ووشيا ...
إن دخلتلو ضيفا يكفيك ،،مرارة وشية ..
------
سمح الذكرى ،، المروة فيك محرية ..
من زمنا قديم سيرة أبوك مطرية ...
تتبارك في الأيام ،، الصحة والذرية ..
جبار للخواطر ،، و ياها فيك محرية ..
------
مرحب بشرى خوي مرحب خريف الرازة ...
سيف النصر السنين،، بيه القبايل هازة ..
ود أماتي الحنان ،، بلتنا وسعيدة و عازة ..
أبشري يا نوال ،، أخوانك كتار وبيهم عازة ...