منى سلمان وتنملحى جربا (من الرآى العام )

أضف تعليقك طباعة الموضوع أرسل الموضوع
(قراءة: تعليق: 14 طباعة: إرسال: )
التعليقات

--------------------------------------------------------------------------------

1/ ابومحمد الشنداوى - (جدة) - 5/5/2010
ياخالة اسف اقصد يا استاذة منى/ لك التحية والتقدير ، لازم تسمعى كلام الناس الكبار لان الشجر الكبار فيهو (الصمغ) كنا عاوزين نعرف حاجة عن تجربتك انت فى فنون الطبخ ما عارف لية ما وضحتيها، مزيداً من التقديم استااااااااااااااااااااذتى

--------------------------------------------------------------------------------


2/ ابومحمد الشنداوى - (جدة) - 5/5/2010
الحاقا لتعليقى اعلاه هاك وصفة سريعة لعلاج الالتهاب الرئوى وامراض الصدر عموماً حسب ما شفناهوا من حبوباتنا واماتنا نسال الله لهن الرحمة والمغفرة (ذيت سمسم دافئ +طحين مستكة+ملح) يمسح الطفل جيداً ويلف صدره بى جريدة (آى ) الجريدة الواحدة دى !! وممكن الراى العام مافى مشاكل ودمتى,,,,

--------------------------------------------------------------------------------


3/ حسن الصادق - (الامارات) - 5/5/2010
السيدة الفضلى/منى ماعارف كلما اقرأ كتاباتك اتذكر حبوبتي الله يرحمها فهي كانت عندها نوادر كتيره ومن ضمنها أنها كانت تحب النعام ادم ففي احد الايام وكان ذلك في نهاية الخمسينات فرشت برش الصلاة لتصلي وكان المذياع شغال برنامج ربوع السودان وعندما دخلت في الصلاة صدح النعام من المذياع بإحدى اغانيها المفضله وماكان منها إلا أن بدأت فى الرقيص وهنا ضحكت عماتنا وخالاتنا الذين شهدوا هذا الموقف وعندما انتهت الاغنيه سالوها ده شنو العملتيهوا ده يمه ردت عليهم ببساطه الصلاه ملحوقة لكن النعام ده ألم فيهو وين الارحمها الله وغفر لها .كذلك لى صديق قال حبوبته كانت تصلي وعندما رفعت من السجود كان العنقريب خلفها فضربت فيهو وهي قايمه فما كان منها الاأن قالت للعنقريب (أى يضربك الضريب) وواصلت صلاتها شوفو بساطة وطيب وحلاوة أهلنا ديل الله يرحمهم ويرحمنا جميعا.

--------------------------------------------------------------------------------


4/ السودانى - (( الامارات)) - 5/5/2010
وكمان نسيتى القرض العزيزه منى سبحان الله فى القرض أسرار يعالج النزلات سواء كان بالبخور أو المضغ ولكن نحـمد الله المسحتى إبنك بالمـلح فقط تعـرفى لو كشـحتى مـع الملح شـوية قـرض كـان (الكشحه بالرمده ) وعندنا مثل بيقول ( التسوى كريت فى القرض تلقاهو فوق جلدها ) عليك أمان الله كان اليوم كله تعديهو فى لقيط ( السبيب ) .

--------------------------------------------------------------------------------


5/ أحمد عبد الباري - (السعودية) - 5/5/2010
رش الملح على (ساس) المبنى الجديد والبيوت الجديدة قبل سكنها يساعد في طرد النمل الأبيض (الأرضة). أقمت شهرا في بيت أرملة في جامايكا كانت تؤجره للسواح وطالبي العلم. وعندما قررت الرحيل قامت برش حوش البيت بالملح (الدراش) مع الماء وعندما سألتها عن ذلك قالت لي أن هذا الملح سوف يساعد في مجيئك مرة أخرى. صراحة مازلت أحن إلى الرجوع إلى هناك.

--------------------------------------------------------------------------------


6/ الأرباب - (البحرين) - 5/5/2010
التحيه لكى أستاذه منى ، و تعالى نسألك انتى بتجيبى الكلام ده من وين كلام حبوبات قديم من سنة حفرو البحر . وكنا نظن أن هذا الكلام الجميل و التعابير حقت الحبوبات هذه انتهت مع أهلها الذين تركوا هذه الفانيه . ولو قلنا أنكى تربية حبوبات يساورنا الشك و نقول لأنفسنا كيف تكون منى تربية حبوبات وهى زمنها كلو عدتو قرايه وكمان فى قاهرة المعز بلد الحضاره ذاتها ( البى حقوها و كورة وضوها ) . و الظاهر عليك نسيتى شقيق الملح المابفارقو أبدآ و ما ذكر الملح الا و معه ( القرض ) و ليكن فى علمك فى هذا الزمن كثر الحسد و العين لذلك كثرى من هذين التوأمين

--------------------------------------------------------------------------------


7/ عبدالله الفاضل - (الجزيرة - العيكووووورة) - 5/5/2010
حريم كتيرات للاسف مابعرفن اطبخن ولا حتي حلة ام تكشوا ولا القطر قام ولا بعرفن اكشنن البصلة يعني طالعات من المولد بلا بصل ولا حنبق ( والحنيق ده للحناكيش يعني زي العنب ) وحنبق بلدنا ولا عنب الناس ، والمشتهي الحنيطير يطير فر ( شنو يعني الحنيطير ) والله مابعرفو بالرغم من اني بعيد كل البعد عن الحنكشة والمتحنكشين عشان ماتتهموني زورا وبهتانا ، بالمناسبة قالت اختنا مني في ناس مهيمين ومعناها طبعا مرض بجي للجداد زي سمير وسمير ده زاتو قالوا الجماعة ياهو انفلونزا الطيور ، واي بت عرسوهوا ومابتعرف تطبخ وتعوس الكسرة ان شاء الله راجلا اعرس فيها بس كيتا عليها كده عشان تعرف حاجة ، وبمناسبة الملح في ناس تموت فيهو وتحبو حبا جما وتجري وراهو جري الوحوش ، وطبعا الملح الكتير معروف بجيب الضغط لكن بالرغم من خطورتو برضوا في ناس بتكتر منو كان لقوهو. وحزر الاطباء والدكاترة الكشفوا القلب ولقوهو زايد ضرب من كترة تناول الابيضين ( الملح والسكر ) انت يالابيض ضميرك صافي زي قلب الرضيع والرضيع زاتو بحب الملح لانو بيرضع الحليب مجانا ونايم في العسل .

--------------------------------------------------------------------------------


8/ بشرى مبارك إدريس - (بيريطانيا (بيرمنجهام )) - 5/5/2010
الاخت والاستاذه منى سلمان أبدأ حيث أنتهى مقالك ولا أقلل من مقامك !!: ده شنو ياربى ؟؟ والاجابه ده يأستاذه مامن الملح الملح بعالج نعم لكن ما بالكشحه وأسألى دكتور كمال حنفى وتكونى إنت (رقيتى لى ولدك وقريتى ليهو ونسيتى !!) والرقيه لاشك وقبل ذلك أستجابه الله للدعاء فى الرقيه وقراءة ما تيسر ولو قلت لينا الرقيه كان يكون أحسن أم خفت (ينكسرن فيك نسوان الحله ويسونّك شيخة منى هى ديييك البتكتب فى الرآى العام والله تدييك فاتحة أكان عندك سرطان تشيلو ليك وبعد شويه نفتشك ليك فى التأريخ ما نلم فيك ) وتبقو حيرانك شنو ما عارف ومحياتك جايه من بير القضارف ونحنا ننتظر طلتك لكن يوصفلو لينا فيلتك التى تبرع ليك بها أمير سعودى أديتى مرتو وبتو الفاتحة بعد أن حضر الى السودان بطائره خاصه ولم ينسى أن يبارك للرئيس الفوز أولاً وبعد داك جاكم والحمد لله ربنا أستجاب وخلال شهر من عودته للسعوديه مرتو وبتو الكانن كاضمات من مس شيطانى بقن ينضمن ويقولن والله السودان أتاريهو مظلوم ونسوانو مظلومات برضو وطوالى طلبن من أبو العيال الامير أن يكون البياض فيلا جاهزة من الاحياء الجديده فقط تكلفتها 2 مليون دولار مبروووك عليك

--------------------------------------------------------------------------------


9/ SHREEF AHMED MUSA - (FRANC) - 5/5/2010
very nice texte.let us remember our old tradition.Becouse alot of pepole thy don-t no about it..

--------------------------------------------------------------------------------


10/ معتز - (-السودان) - 5/5/2010
منوية لك التحية.للملح فوائد كثيرة يستخدم .انا بعرف الملح بنعالجبو وجع الحلق بالقرقرة لانو بزيد الضغط الاسوزى خارج اللوزة فتتحرك الموية من اللوزة للخارج فيقل الاحتقان فيقل الالم

--------------------------------------------------------------------------------


11/ مها عبد الرحيم - (المركز القومي للبحوث) - 5/5/2010
لدي قريبة تداعي اولادها بادعية جميلة جدا فكا نت تقول للاول انشاء الله بالسماعة التقص رقبتك و للثانى انشاء اللة بالدبابير التقص كتفك و الثالث انشاءالله بالمسطرة الماتفارق ايدك الغريبة الاول طلع دكتور و الثاني ضابط شرطة و الثالث مهندس دا الدعا بتاع الامهات ولا بلاش

--------------------------------------------------------------------------------


12/ أبو محمد - ( الخرطوم - السودان) - 5/5/2010
الأستاذة الفضلي مني : حقيقة موضوعك جميل ، و انا اقول ليك انو عمتك دي ما مخرفة و لا حاجة ، نحن في الشمالية و الي عهدنا هذا لا نستطبب من النزلات و الالتهابات الا بالملح و زيت السمسم . القرض و الكمون الاسود تعملو بخور مع القرض ، أما الملح و الزيت تعملو مسوح و مرات بنخلطهم بحب الشاي بس يكون جديد- يعني ما تفالة - و التفالة لغير الناطقين بها هو حب الشاي الراجع بعد استخدامه ، عليك أمان الله نقوم بعدها زي الحصين و لا مضاد حيوي و لا يحزنون . شفتي كيف ! ، و بعدين عندي شقيقتي مغتربة كل ما تجي السودان و ترجع تشيل كمية لا يستهان بها من القرض بتغليه في النار و تحمم بيه العيال قالت عن تجربة بيعمل ليهم وقاية من الامراض ، مع العلم بان النصيحة تقول اسال مجرب و لا تسال طبيب .

--------------------------------------------------------------------------------


13/ معاوية قسم - (السعودية) - 5/5/2010
حبوبة منى ... ظاهر إنك غاشانا بالصورة دي ساي ... لكن الكلام دا لا شك أنه كلام حبوبات وحبوبات قديمات وموغلات في القدم ولسن من الحديثات ناس حبوبة رانية وحبوبة رشا ... بعدين إنت اليومين ديل شابكانا دعا ومداعاة حكايتك شنو ... أما بخصوص حكاية أم وجدان وملاح الرجلة .. لن يفوت علينا بأن سبب الهجوم على وجدان من قبل أمها لصرف هجمات الزوج عنها هي ... كما أن رد الزوج في دفاعه عن وجدان بأن إبن الوز عوام والعكس صحيح ..

--------------------------------------------------------------------------------


14/ محمد يوسف - (السعودية - الرياض) - 5/5/2010
لك التحية استاذة : منى وربنا احفظك واديك العافية واخليك لوليداتك والله انا من اشد المعجبين بكتابابك وبتعاليق القراء خاصة ود العيكورة , ود خالتى جانا زيارة من الامارات وزوجتو يا دوب شبه عروسه امبارح بالليل طلب منها اليوم انها تعمل لينا حلة رجلة عشان كده قلت ما دام الغداء الليلة فيهو مجازفة احسن نعمل شيرنق مع الزملاء فى الشغل ونجيب غداء من المطعم وفعلا ده الحصل جبنا جردل كنتاكى واتغدينا قبل شوية , و لو سألونى اتغديت بره ليه بديهم صورة المقال وبقول ليهم بدل ما ادعو عليها بدعوة منى سلمان ((تنملحى جربا )) قلت احسن اتغداء بره ولا رايك شنو