بالهاتف الاستاذ الوجية عماد محمد إدريس يسأل عن الدكتور عبدالجليل (عبدالمجيد أخوى)

حاولت عدة مرات أن أرسل للاخ والاستاذ عماد محمد إدريس لكى يرجع لى ظناً منى أنه (مرطب وقد أستلم أستحقاق مراقبة الانتخابات)ولكن فتحت الخط من جابنى وبعد الونسة الطويله علمت منه أنه لم يقبض هو المجموعة الطيبة من أبناء السقاى التى عملت معه والموضوع وما فيهو أنهم تبرعوا (بخروف بعد وصول الحسبة وحتى الان لم تصل ومجدى والتازى وعبدالملك الصبر اليبل الابرى ما عندهم !!!وجدت الاستاذ عماد ومعه شله كاربة فى سيارة مجدى محمد عبيدالله فى مهمة تخص مجدى.
تحدثت مع الاستاذ عماد وبدأت بالسؤال التقليدى هل الانتخابات كانت مزورة؟؟
فكان رده لا والله أبداً لم يكن هناك تزوير إطلاقاً ولكن الملاحظ الفارق الكبير بين الاصوات بين مرشحى المؤتمر الوطنى ومنافسيهم من الاحزاب الاخرى فمثلاً أحرز الدكتور عوض الجاز فى الدائرة 20 الريف الشمالى بحرى من السقاى وحتى واوسى 37ألف مقابل 3 ألأف للمرشح محمد الحسن عثمان أتحادى ديمقراطى .
كان المحور الثانى الاخ الدكتور عبدالجليل قسم السيد ومشاركاتة الرائعة فى منتدى السقاى والسروراب غرب والقفشات التى تدور بينى وبينه فقد أطلق على (بتاع اللبن وأطلقت عليه الحوار الغلب شيخو) وعلى العموم من أظرف من لاقيت فى المنتديات .
الاستاذ عماد يسلم عليك وقال ليك يا مريخابى يا فاشل لابد ووووين من الترجى أوعة تكون مسكتك حمى الترجى الحايمة فى البلد والظهرت مع الانتخابات والله يستر ليكم من الخمسات والستات !!! قالوا هلالاب مرضانين مشوا لى وداعية ترمى ليهم الودع لى مباراة الترجى مع المريخ قالت ليهم والله مرة أشوف لى 7 ومره خمسة دايرين ياتو رقم قالو ليها أقل من الارقام الكبيرة دى ما عندك (ما عندك فكه ) قالت ليهم والله مشيت أفتش الفكة لقيت الحكاية سته !! والمشكلة مش فى السته المشكله فى الصايمة والله يستر !!!.
الاخ الدكتور عبدالجليل غايتو الترجى ده لو مرقتو منو أضبحو من أسع خروفين وعليك الله حضرنا المرارة بالشطة والدكوه !!!
* بعد الاستاذ عماد محمد إدريس أستلم كبير موظفى الضرائب ببحرى الاخ مجدى محمد عبيد الله ليشكرنى على مشاركاتى الكثيرة فى منتدى البركل فقلت له كنت أمنّى نفسى أن يكون منتدى السقاى بهذا المستوى فلما لم أجد (سلوى ) وجدت البركل فشكراً للبركل تحت وفوق وأعملوا حسابكم مجدى بعد إسبوع سوف يشرّف شخصياً ومعاهو اللاب توب بتاعو لابيهو معاهو ووعدنى وعد قاطع بالكتابة والمشاركة إن شاء الله يكتب تتجاذبنى الاشواق كمركب بخيت . وأتمنى أن يقضى بينكم فى البركل إجازة ظريفة وسوف أسعى أن تكون الاجازة القادمة برفقة مجدى الى البركل إن شاء الله .

عدد المساهمات : 42 تاريخ التسجيل : 04/12/2009

ازيك يا شيخنا... يا اظرف ظريف
البشوفك يقول ..ساكن فى ريف
وشايل فى كتفك شوال رغيف
ورينى !! انت طباخ ... ولا شيف !
****************
ولو مرة فى الوست جاك ورقا مخيف ؟!
وزاملت زولا كيشة وكمان نحيف
حتوا الاتو ..وجوك زى بحرا مالو قيف
جسمك برد... عقلك شرد ..الاسنا كيف؟!
*********************
التلقون ضرب وجانى صوت [ود عاتى ]
قال لى ... لى زمن مع بشرى بيك نهاتى
ونجتر فى الزكريات ...فى المضى والآتى
وانا خوفى من الترجى ... يغلبنا بالستات .

الاخ الدكتور عبدالجليل تحية طيبة والحمد لله الفكتك (حمى الترجى وثبت شوية عشان تقدر تشوف المباراة وتتدرج تصلى الجمعة تقبل منا ومنكم وسلم لى على الامين جكسا والخطبة إن شاء الله ماتفوتو ) والان أنجر لك هذا المسدار عسى أن يطمئنك أو يجهجهك زياده واللهم لاشماته :

خوفى من الترجى وهجومو داك بالجد بالجد مخيف
لكن عمشنا فى المولى... وبعد الاله الاله كم حريف
كلتشى والنفطى..... وقلق وسعودى هداف ما بقيف
جيبو الدرون قونين لقون.. برضو قول بس يا لطيف

» عبدالجليل أخوى هاك المسدار ده على وزن عبدالمجيد أخوى !!!
» الاستاذ عماد محمد إدريس يترقى الى متاوق أول والتازى زين العابدين يهاتفنى مباركاً
» رداً على الاخوان عماد محمد إدريس وحسن محجوب حسن (قصيدة طبعاً )
» حييوا معى الاستاذ عبدالجليل فضل السيد وأسرتة الكريمة
» أنتقل الى جوار ربه اليوم الاستاذ عبدالمجيد عبدالرازق له الرحمة