قصيدة السقاي عسي ولعلي أن تغفر طول غيابي

لو كانت الأيام بترجع
كنته أهديتك محنه
وكنته أهديتك غناوي
من قليبي الليكي حنه
لو كانت الأيام بترجع
كنته صارحتك بي حناني
وبي هيامي الليكي جنه
كنته مابارحتك دقيقه
كنته ماخليت طريقه
كيف أبارحك وكيف أصارحك!
إنتي ما أملي ودوايا
إنتي ماعشقي ومنايا
إنتي ماحبي وسر عذابي الملاذمني في شقايا
إنتي أحلي
إنتي أغلي
إنتي أطهر
إنتي أنبل من كتاباتي وبكايا
بس كيف ؟
أيامنا ترجع _
ما أظن أيامنا ترجع
هل صحي الأيام بترجع!
أنا مابلومك ومابعاتبك
عشان رحلته
ظروف دنياك أكبر من رؤايا
الإ إنتي يالسقاي
لسه باقيا لسه لسه
وبكره برضوا باقيه باقيه
في خواطري وفي مسامعي وفي جوايا
مهما كانت الظروف بتحرم
والظروف لينا بتعلم
إنتي خالده في دواخلي
وحاتك إنتي لابنساك ولابقدر
ولا مره عنك أتنكر
بحفظك إنتي بيت بيت
وأكوس لي أهلي وارحامي أتذكر
وللأصحاب والأحباب أسابق الزمن وأسال
وللميدان وللدكان وللمدرسه وللفوده برضوا نصل
أشتهينا لمة الأحباب والأقراب في زمنآ بخيل وأشتر
يارب يارب نرجع ونملي عيونا فيك
لانك إنتي كل الحب وفيك الحنان وأكتر_

الأخوه الأعزاء الأعضاء الغالين دومآ رافعين رأية المنتدي الساده الكرام الخال الغالي بشري والأخوان مصعب الزبير ودحدوح وإدريس عبدالمتعال وباقي العقد الفريد والأخوة الأعضاء الجدد وعلي رأسهم زميلي كما أدعوه أنا (الفاشل) عبدالقادر الحسن السماني وهذااللقب غير مصرح بالنطق به والأعضاء الجدد مرحبآ بكم في منتداكم وأعزرونا إنها أتت متأخره ولكن والله مابيدي زحمه ولخمة راس وإمتحاني بعد 6 أيام والحمدلله ولكن وجدت عزائي الوحيد أن يغتفر لي غيابي بقصيدتي في السقاي وأتمني أن تنال رضاكم ولست أدري إن كانت قصيده أم خاطره أم جرسه مني ونترك هذا التقييم للبروف الخال بشري لأنه الأدري بها ولكم من كل الود والشوق ولاتنسو دعواتكم لي أخوكم دومآ_
سامي الماحي الطيب يوسف
الأمباير_ كامنهالي_ بنقلور_الهند[center]

الاخ الاكرم سامى الماحى حمد الله على السلامة والله أنا قلت سامى ده شالتو الهاشمية ومشى نزل فى الدائرة الانتخابية الفاز فيها عوض الجاز فى السقاى الدائرة 20 الريف الشمالى وقال أكان ما فزت أضيف فى سيرتى الذاتية نائب مرشح ولكن ما فاز!! وأهو الحمد لله ظهرت وطلعنا نحنا الفايزين بى ظهورك وقصيدتك وخليك جاهز الاسبوع الجاى كلو كور المريخ والامل يوم الجمعة والهلال والاسملعيلى بالاحد ونتمنى أن تكون مستعد للتعليق والجماعة المريخاب الايام دى منطلقة فيهم حمى إسمها (حمى الترجى ) خلت الوالى يمشى يفتح الموضوع تانى مع الحضرى وأظنو بعد ما فاز أول خطوه سوف يعملها تغيير لوائح شداد والسماح بحارس مصرى (إستثناء أن يلعب فى الاندية السودانية ).
أما القصيده فجميله سلمها بين الخواطر والقصيده (يعنى خاتفه لونيين ) لكن والله حلوه منك يعنى الزنقة والغيبة الجاية تجينا قصيدك مولعة نار عدييييل كده .

شكرا العضو المتميز دوما الاخ والصديق والمبحت الاكبر سامي الماحي علي هذه السيمفونية الرايعة شوية كدي وتفوت اسحق الحلنقي وبالنسبة لي صاحبك الفاشل قدورة بقي بتاع حبص ومسامير وربنا يسهل عليهو هو الايامات ده جاري ورا جواز سفر لانو مسافر السعودية وفي النهاية الشكر لكل الاعضاء جدد وقدامى وبقول ليهم انشاء الله التواصل يدوم بينا كمان وكمان....

الأحباب والأهل الطيبيبن علي مر السنين
متعكم الله بالصحه ودوام العافيه

الخال الغالي دومآ بشري لك مني كل الود والإشادة والتقدير
حقيقه أعذرني هذه الأيام لإني عندي إمتحانات حاتبدا إنشاء الله يوم 27 وترقبني في شهر مايو لأن لدي الكثير والمثير لنتناوله ونتناقشه في هذه الدوحه الرائعه أما بالنسبه للهلال فإنشاء الله فايزين ومنصورين والنهائي إنشاءالله بالمقبره وسوف أكون من الحضور إنشاءالله
وقلوبنا معاك ياأمل السودان
وحبايبنا وضلنا الحمي وصلت كم!
أخوناالمبحت الأكبر دحدوح لك كل الشكر وأنتا تمدني بالأخبار وتطمئنني علي الأهل والأحباب وعن أخونا)الفاشل( ماكنا ليك هذاالأسم غيرمصرح بالنطق به ربنا يوفقه ويهون ليه أمورو ونشوفوا ناجح للحد البعيد وواصل يادحدوح وأرفع ليناالريبورتات أول بي أول
والسلام ختام وماتنسونا من صالح الدعوات