قصيده تجعل كل هلالابى نار مولعة ويهتف الله أكبر ثم الوطن ثم الهلال

قصيده تجعل كل هلالابى نار مولعة ويهتف الله أكبر ثم الوطن ثم الهلال

-----------القصيده كتبتها قبل مباراة الهلال وأول أغسطس العام الماضى وكانت مباره هامة الفوز فيها يؤهل الهلال لدور الثمانية وهى نفس أهمية مباراه اليوم وأذكر أن المباراه أنتهت بفوز الهلال 2.صفر وهدف أمبيلى الخطير وتمريرة هيثم مصطفى الاخطر نريد اليوم من أمبيلى هدفين مثل أهداف أفريكاسبورت وأثنين من سادومبا أو عمر الجريف أو مهند الطاهر أو سيدا هبثم مصطفى أو بشة والكشة ولا نقبل أقل من أربعة لان مباراه الرد سوف تكون فى الاسماعيلية وما أدراك ما الاسماعيلية ومصر والفرق المصرية وكذلك الجماهير لذلك أحسن (ننجّض) فى المقبرة ونقول والله سمحة المقدرة فإلى القصيدة وأتمنى أن تصل نجوم الهلال وجماهير الهلال .--------------------------------------------------------------------


حتى أساهم وانا فى بون رغم البون حتى اساهم فى رفع معنويات أهل الهلال لاعبين وإدارة وأقطاب ومشجعين وجمهور متعطش وحتى الوطنيين من المريخاب وغيرهم والذين لاشك يقفون معنا اليوم رأيت أن اكتب هذه القصيدة وسوف اسعى ان تصل مقاطعها الاولى الى الجماهير فى الاستاد حتى ترددها بلحن الراحل مصطفى سيد احمد (والله نحنا مع الطيور المابتعرف ليها خرطة ولا فى ايده جواز سفر ) والان الى القصيدة :
إيدى فى أيدك إيدى فى إيدك نشجع
يلا نحنا مع الهجوم المابيعرف ليهو وقفة
وكلو كاسح .... مرة باصة ومرة عكسة
وفن أصيل ..زى منزول وديم وعباس هو جكسا
يا هلال الموجو كاسح فيهوشرقة وطعمو فرحة
أحرز الهدف المبكر جمهورو صاحى ومافى سرحة
دفاع مكرّب مافى غفلة كتابو .... كتابو صفحة
فرمل الخصم العنبد..... كبحو ..كبحو كبحة
والوسط ياسيدا وزّع أوعة أوعة تخطى أوعة أوعة
الجناح فرفار خطير .... مرة كورنر فى ثانية لمحة
والهجوم يطلق مدافع ...... مدافع فيها لوعة
والهدف من بدرى لازم ... وبالفرح حانبكى دمعة
مامهم لو نبكى فرحة وألف فرحة وتانى فرحة
وما بنقيف من دون نشجع ..... أصلو برهة
عودنا أخوان سيدا باصة ... باصة وديمة سمحة
وكم هدف والخصم تاية ..... تاية جاتو قُرحة
*************************
*************************
يلا يا تشجيع يا راقى ياراقى ... ما بنقيف
قبل ما يبدأ يبدأ اللعب .... أبدع يا سيف
أهدافك الرايعة .... الرايعة العجيبة ورينا كيف؟؟؟؟؟
مرة بالرأس .. ومرة صاروخ يا عمر ود الجريف
قبل ما يبدأ اللقاء كتبت شعرى كتبت شعرى للحريف
وإن شاء الله منصورين تلاتة منصورين تلاتة يالطيف
وبالفرح نمرق نغنى رحلة عصافير رحلة عصافير الخريف
فى موسم الشوق الحلو ... ويالهلال يالهلال إنت الظريف
وللنهائى نكون هناك نكون هناك إنت ما إنت الحليف
معروف هناك فى كل ديار فى كل ديار صيف أو خريف
معروف بتزرع للفرح ... وتزرع الفرح النضيف
أمواجك الدايماً بتكسح دايماً بتكسح هدو قيف هدو قيف
أمواجك الدايماً بتكسح دايماً بتكسح هدو قيف هدو قيف
اقسم بالله العظيم سمعت الان الساعة 11.14 دقيقة فى الفضائية السودانية مقطع مصطفى سيد أحمد الذى كتبة فى بداية هذة القصيدة (والله نحنا مع الطيور المابتعرف ليها خرطة ولا فى إيدة جواز سفر أيدى فى إيدك نغنى ) والان تشدو روضة الحاج شعراً قوافل خيمة الاوطان !!!!!