بشرى مبارك
عدد المساهمات : 7557
تاريخ التسجيل : 19/02/2009
العمر : 64
الموقع : أقيم فى بيريطانيا مدينة بيرمنجهام
 |  موضوع: رسالة من الشاعر عبدالله عبدالرحمن عبدالله منتدى أنا سودانى ورد بشرى مبارك عليه  الإثنين 19 أبريل - 15:43 | |
| بسم الله الرحمن الرحيم
رسالة للسيد الرئيس
صوتَ ليك
ومآلى بعد الله عليك
وانا صوتى قارى كتاب مُناى
قُبال يجيك
وانا صوتى ليك
ترعى المبادى تكون وفى
الزين لاهلك تصطفى
والشين مخاصمك مُنْتفِى
بى سمح رعيتك تحتفى
فى اتراحا ظاهر و ما خفى
صوتنا ليك
والكُلْ بقت آمالو فيك
يالجيت بأمر المشورة
شتلاتنا راجياك تمطرة
وصحرا الأمانى تخضرا
واحلام شبابنا تفسرا
للوحدة عايزنك ضرا
نتلمَّ فيهو محاورة
وننعم نتائج مُثمرة
نمى الفضايل وانشرا
الحوجة بالخير بشرا
اخطاءنا ربك بغفرا
جهِز مواعين الشِرا
بيع واشرى واحمى المشترى
وسُبُلْ التزاوج سهِلا
وطُرق التراحم مهلا
وطنك معافى سليم هلا
،،،،،،،،،،،،،،،،،،،،،،،
للنهضة طاقتك وفرا
وسفاسف القول اجهلا
الأُمة راجياك تحملا
فوق للثريا توصلا
تاهت وانتَ البوصلة
موصولة بيك رحم وصِلة
ارعاها اكفى المسألة
عايش هموما واسألا
وجاوبها كل الاسئلة
،،،،،،،،،،،،،،،،،،،،،،،،،،
أجلس تلاميذ الفصول
وخريج يحول
على حالو حول
آمالو بلفاها الذبول
وظِف ربيبات الحجول
العِفة بالحوجة بتزول!!
والعصمة ما فاتت رسول !!
،،،،،،،،،،،،،،،،،،،،،،
جهز مُعينات الفصول
خلى الخريف وكتين يدور
نرجاهو بى فرحة وسرور
شِدنا المجارى بنينا خور
و شبكة مياهنا الفيها قول
غيرها من جيد العصور
،،،،،،،،،،،،،،،،،،،،،،،،
نوِّرنا .. نورت العُقول
حسِن مُعينات الدخول
مَكنْ المصانع يوم يدور
خيراتنا ما بتستثنى زول
سودانا فيهو الخير مهول
النيل بفيض بسقى الحقول
ومطرنا ساقينا وهطول
،،،،،،،،،،،،،،،،،،،،،،،،،،
شيل الزراعة معاكَ همْ
واديها من فكرك سهم
شجرة هشابك قدرا
التمرة حسِن صدرا
والترعة ارجع احفرا
ابنى المشاريع خضرا
وحواشة القطن نورا
،،،،،،،،،،،،،،،،،،،،،،
و جهِز بنوكك حضِرا
خلى السياسات حاضرة
ما فيها منتج مُزدرى
،،،،،،،،،،،،،،،،،،،،،،،
وسِّع مواعين الفهم
الثروة نميها بفهم
واهتمَّ بى كل البهم
نوع مصادرك ودا الاهم
،،،،،،،،،،،،،،،،،،،،،،،،،
حسِّن للعمال الاجور
واضبط مواعيد الحضور
وامنع مواعين الفجور
ومظهر فتاتك ليهو دور
رغبها فى احسن ظهور
والصحة اس التنمية
خليها فى ذهنك حضور
،،،،،،،،،،،،،،،،،،،،،،،،،،
بترولنا جد كان الاساس
طلع الدهب وجاى النحاس
وبحرنا ما خاتيهو ماس
ووضعنا للنهضة الاساس
،،،،،،،،،،،،،،،،،،،،،،،،،،
يا قمرا ضوت لينا ليل
يالجيت عملت المستحيل
احلام بقت واقع جميل
صحراء نمت شجرًا ظليل
الخطوة بتمشيكا ميل
والحمل مهما كان تقيل
ما بسوى حاجة من القبيل
اشلاء ضحايا دموعنا سيل
وتمَّ السلام مرحب حليل
وللأمن معدوم البديل
وللوحدة ما تاه الدليل
،،،،،،،،،،،،،،،،،،
صوتَ ليك
ومآلى بعد الله عليك
وانا صوتى قارى كتاب مُناى
قُبال يجيك
16/4/2010
| |
|
بشرى مبارك
عدد المساهمات : 7557
تاريخ التسجيل : 19/02/2009
العمر : 64
الموقع : أقيم فى بيريطانيا مدينة بيرمنجهام
| | موضوع: رد: رسالة من الشاعر عبدالله عبدالرحمن عبدالله منتدى أنا سودانى ورد بشرى مبارك عليه الإثنين 19 أبريل - 15:45 | |
| الاخ عبدالله عبدالرحمن عبدالله لك الود والتحية وأرد عليك شعراً لانك رايع كعادتك:
والله رايع إنت جد
بى شعرك الما ليهو حد
زاد الرئيس زاد فى العدد
والحاله راجين يومو غد
والحيل بشيل ما شافو هد
وبحرنا زايد وكلو مد
كورتنا بى شدادنا شد
والعابنا عديناها عد
فيها الدهب وجبنا السعد
يا كاكى وإسماعيل لبد
ياسيدا يا أكرم مدد
رافعنو كاس رافنو جد
والروعة فى كل البلد
والروعةفى كل البلد | |
|
