أضحك مع منتدى السروراب ونكات مساطيل وكده !!!

قفشات عجيبة

--------------------------------------------------------------------------------

مسطول سالوه رايك شنو فى المراة العصرية ؟ قال ليهم ما تخلوها تمغرب شوية

******
مسطول راقد بى مزااج ومفتح الشبابيك جات طيرة داخلة بالشباك وطلعت بالتانى قال ليها يعنى عملتى شنو؟

******
أتنين مساطيل سايقين عربية صدموا ليهم زول قام السايق قال لصاحبو كدى انزل شوفو مات ؟ داك نزل وقال ليه لف يمين شوية لالا شمال ايوة كدة يلا امشى لى قدام بس كدة مات.

*************
مسطول سايق تاكسى واحد وقفو قال ليهو:
نادى الأسرة من فضلك
رد قاليهو ناديهم براك

*************
عسكرى سعودى سال سودانى مسطول قاليهو انت سودانى رد عليهو لا لبنانى مظلل

***********
مسطول ماسك قسيمة الزواج وقاعد يقلب فيها يمين شمال
زوجته سألتو : بتعمل في شنو يا راجل؟
قال ليها : لا أبدا مافي حاجة
قالت ليهو : كيف مافي حاجة ليك نص ساعة بتقلب في القسيمة داير شنو ؟
رد عليها : بفتش في تاريخ انتهاء الصلاحية

*************
مسطول ابوه مات جا واحد سالو قاليهو الحاصل شنو ؟
رد المسطول لا بسيطة بس الوالد شوية كدة متوفى

**************
مسطول اتصل بوكالة سفر سال السكرتيرة ( لوسمحتى الرحلة بين السودان وكندا بتاخد كم ساعة ؟) قالت ليهو ( لحظة بس) قاليها ( طيب شكرا )

*****************
مسطول بيحكى لى صاحبو : امبارح مشيت شلت الفاتحة مع مدحت صاحبنا ابوهو مات
صاحبو قال ليهو : الجماعة ديل ما مسيحيين
المسطول : عارف عشان كدة كشحتهم ليك بى يايها الكافرون لمن امنو

****************
مسطول سمع ان الانترنت يلقى فيه كل شيء - يوم ضاعت مفاتيحه دخل الانترنت وكتب
بحث:مفاتيح العربيه

************
مسطول جاتو مرتو قالت ليهو انا الولد رسلتو من امبارح يجيب فاصوليا و ما جا اعمل شنو؟....قال ليها ما مشكلة اعملى بطاطس

***********

مسطول اتصل على ناس البوليس قال ليهم يعني لو ما سألنا ما بتسألو

************
قالو اتنين مساطيل جايين بالليل ماشين ايام حظر التجوال قام العسكري وقفهم قال ليهم انتو مين وجايين من وين قامو قالو ليهو نحن جايين من الشغل قال ليهم شغالين وين قالو ليه في التلفزيون قام العسكري قال ليهم لكن التلفزيون زاتو بعد كده مافيهو شغل الارسال انتهي قالو ليهو مانحن زاتنا البنقول وشششششششش

**************
اتنين مساطيل دايرين يمثلو باللغه ا لعربيه الفصحى المسطول الاول : مولاى هناك واحد عند الباب قدانا يريد الخشوش ( الدخول ) التانى ( اكلتك امك اذن له بالخشوش) (ثكلتك)

*****************
مسطول دخل عليه عزرائيل قال ليهو: أنا ملك الموت. رد عليهو قائلا: خلعتني قايلك مباحث

*************
**
*مسطول ماشى فى زقاق مظلم طلع ليهو جن وهو ماحافظ قران غنا ليه طلع البدر علينا.

****************
فياش منعاش - شاع معناش.. شاش منشاعك .. مسطول عاوز يقول: عاش من شافك؟
**************
القاضي للمتهم: أحكي الحاصل شنو؟ المتهم أسمع يا معلم كنا بنلعب طره كجنقا بالشرتيت.. النميتي كبس، اثنين كتبوا قيام.. والفارة الدقس يا هودا ماثل امامكم!!

*************
مسطول وكضاب يقول لصاحبه : مره ضربتنى الكهرباء وطلعت صورتي فى الفاتورة

****************
واحد بتاع سجاره في الحله ::زارع في بيتو شجرة جوافه وفي غنمايه مجنناه جن شديد خلاس قدر مايطرده يجي يلقاها معنكشه في الشجره الجوافه ..لما زهجتو قام جاب الزرديه وقبض الغنمايه وقلع ليها سنونا وفكاها في الشارع وقال ليها والله تاني مخلوطه ماتشربه

*************
واحد مسطول اتصل بى الاستعلامات بالله عندكم مفتاح باريس ردت ليه ايوه قال ليها ممكن تعملوا لى منو نسخة

هههههههههههههههههههههههههههههههههههههههههههه ...
شويــة واقــع من الكرســـي ..
احســن واحــدة حقـــت :

" مسطول ماشى فى زقاق مظلم طلع ليهو جن وهو ماحافظ قران غنا ليه طلع البدر علينا."

هههههههههههههههههههههههههـ .. مشكــور يا خــال على النــكات الرائعــة ..
واحلــى حاجة تعــم البسمــة في وجوهـ الجميــع ..
لكـ التحيـــة .. Cool

أوعه يكون الكرسى إنكسر .
تخريمة : لو شافو صورتك أصحاب أحمد فى بون وبيرمنجهام حا يحلفو لى أحمد أنهم شافو تومو !!! الحكاية شنو بقيتو تشبهو بعض بس فوله وأنقسمت نصيين!!لك تحياتى .

بشرى مبارك كتب:: أوعه يكون الكرسى إنكسر .
تخريمة : لو شافو صورتك أصحاب أحمد فى بون وبيرمنجهام حا يحلفو لى أحمد أنهم شافو تومو !!! الحكاية شنو بقيتو تشبهو بعض بس فوله وأنقسمت نصيين!!لك تحياتى .

كآآآآآآآآآآآآآآآآكـ لالا الكــرسي سليــمـ والحمد لله .. Shocked

تابــع للتخــريمة :
ههههههههـ واللهـ يا خآآل " وخلقنا من الشبــه اربعين " سبحان اللهـ ..
وتانيا احمـد بقرابــة انو اخــوي .. فطبيعي يكــون في تشابهـ بيناتنا . cheers

لــكـ كل الشكــر.. انســت وونســت Smile

أحمد طبعاً عامل فيها بتاع سله وأظن إنت بتاع قدم !!أكان جبدوك أعمامك أبراهيم وعبدالرؤوف حظك لكن أكان جبدك خالك بشرى بتطلع مدرب يا معلق رياضى رقم أننى كنت أحسن من يجهز باصات القون من الوسط ولكن لا أخلو من بطء فى الحركة ولاعب الوسط يحتاج الى السرعة والباص الخطير الاخيرة عندى والاولى لا !! فهل أنت فيك رقش؟؟؟؟؟ مالو والله الكرة بقت تجيب الشىء الفلانى بس ماتبقى الشغل الشاغل تنجض القراية والكورة هواية ومن بيرمنجهام سلام وتحايا .

بشرى مبارك كتب:: أحمد طبعاً عامل فيها بتاع سله وأظن إنت بتاع قدم !!أكان جبدوك أعمامك أبراهيم وعبدالرؤوف حظك لكن أكان جبدك خالك بشرى بتطلع مدرب يا معلق رياضى رقم أننى كنت أحسن من يجهز باصات القون من الوسط ولكن لا أخلو من بطء فى الحركة ولاعب الوسط يحتاج الى السرعة والباص الخطير الاخيرة عندى والاولى لا !! فهل أنت فيك رقش؟؟؟؟؟ مالو والله الكرة بقت تجيب الشىء الفلانى بس ماتبقى الشغل الشاغل تنجض القراية والكورة هواية ومن بيرمنجهام سلام وتحايا .

ايــوآآ انا على خلآآف احمــد في الشي داآ .. انا بتاع كورة وكدآآ ..
وبيني وبينك كدآآ .. وامـي ما تسمعني .. كـم مرة جاتني فرص عشان اخش
نوادي كرة قدم .. وارتفــع تدريجيا في المستوى وكدآآ ..
وما كان معروف امـكن ربنا كان يكتب نصيب والعـب مع الاتحاد السعودي " مأمل شديد مش كدا"
لكـن الوالدة رافضـة الشي دا .. ومعتبرا الكورة ما مستقبـل ..
وبـعد تفكير انا برضو بأيدا في الشي دا ..
والواحد يعتبرا .. هواية .. وتغيير جو ..
وعليكـ السلاآآمـ .. Very Happy

والله يا حمد أبنى أنا ما عارف الحصل ليكم يا شباب الزمن ده شنو ؟؟؟ والله نحنا كنا فى الثانوى العام رجال (الواحد شنبو يبرمو عدييل كده !!) والله لما جينا الثانوى العالى أظن تانى شكلنا ما أتغير كتير ومن الثانوى العام زول الكورة (الحريف أتعرف والماعندو أى مستوى أتعرف ) فى الثانوى العالى أتذكر عمك أبراهيم حمد كان ثييردباك البتلاب وداخلية دجله بالجيلى الثانوية (بنفس حجمة الان لو ما كان زمان صحة وشباب وعافية أكتر ) زمان الجامعات نادرة كل الناس من الثانوى العالى بشوف ليهو شغل أو كلية نظامية . لكن بتغيير الزمن أصبح الطالب لابد أن يدرس الجامعة والمشكلة أنو بعد ما يتخرج من الجامعة تقول ليهو أُوف يقع!!! ولكن حاول أن تقطع أكبر شوط فى الدراسة فإذا واصلت فى مستواك ووجدته متحسن فى الناحيتين يمكنك التواصل ولكن المشكلة أن اللعب فى الاندية الكبرى يحتاج الى تدرج ويبدأ من الثانوى العالى من الصف الاول . على العموم لما تمشى السودان جهز حالك لكى تلعب فى التالته فريق السقاى حتى تساعد مقداد عماد محمد إدريس فى الهجوم طبعاً أخوك حسن أبراهيم حمد لعب فى الثالثة مدافع (ظهير أعتقد ) أتمنى لك التوفيق ونصيحة أمك أشتغل بيها لانها ما شافت الكورة أتعشى منها زوول من أهلك !!!

إنت يا حمد الاتحاد السعودى ده فى جده البوديك ليهو شنو ؟؟ أم بتحلم ساكت ؟؟ ما تقول الشباب أو النصر أو الهلال أو الرياض !!ما تنسى خالك ناقش !!!ما تقول أنا فى الكورة إعلامياً مابتصاقع !!!

عدد المساهمات : 4 تاريخ التسجيل : 22/06/2011

so funny and verry nice group

يا سيدة تحياتى وشكراً على مرورك ، رغم أننى لم أعرف عجبتك النكات أم الكلام بين بشرى مبارك والولد حمد ود أمينة شقيقتى الصغرى فى السعودية الرياض ؟؟ على العموم كترى لينا من المرور بالانجليزى عمك عندو إمتحانات لغة إنجليزية الايام دى والليلة مسافر من بون المانيا الى برمنخهام بريطانيا والامتحانات إن شاء الله يوم 26 القادم بعد أربعة أيام .

عدد المساهمات : 72 تاريخ التسجيل : 06/11/2009

مسطول سايق ليه عربية باليل قام عمل حادث سالو الشرطي بتاع المرور ليه خاشي في العربية قاليهو شفت النورين بتاعين العربية قايلهم موترين

طيييب ما المسطول أكيد عارف أنو الموترين البمشو مع بعض ديل (تشريفة لمسؤل كبيير ) مش كان أحسن ليهو يجنّب على الشارع !!ده مسطول والله معارضة مسلحة !!!!!!.

عدد المساهمات : 72 تاريخ التسجيل : 06/11/2009

بشرى مبارك كتب:: طيييب ما المسطول أكيد عارف أنو الموترين البمشو مع بعض ديل (تشريفة لمسؤل كبيير ) مش كان أحسن ليهو يجنّب على الشارع !!ده مسطول والله معارضة مسلحة !!!!!!.

مسطول إنتحاري . .

عدد المساهمات : 4 تاريخ التسجيل : 18/09/2011

احلى نكتة في نظري بتاعت المسطول مع الطيرة ياخي دا زول متضايق خلاص والقشة ظاهر انها ما شديدة .. وبمناسبة الكور ة عليك الله يا بشرى ما ضعنا نحن ساكت , الايام دي كان سوينا لينا بيت في الصافية لكن يا حليل ( العافية )

أيام الشباب والكلية والعافية والمروه ربنا يزيد المروة ويدوم علينا نعمة التواصل عبر العالم الذى أصبح قرية واحده وفى رواية أخرى (حوش واحد) فبالله هل كنت تتخيل أن تلتقى بشرى مبارك بعد غياب 20 عام إلا لقاء عابر لمده ساعتين فى العام 2003م فى مكتب العميد شرطة سمير عبدالكريم فى البطاقة والسجل المدنى الخرطوم والحمد لله الآن بيننا تواصل وقد يمتد إن شاء الله بعد دخولك الاسكابى وأكان ما قدرت بخلى أحمد ولدى 17 سنه دخل كليه الهندسة جامعة بيرمنجهام يشرح ليك الكيفية رغم أنه أختار أو سوف يختار هندسة الطيران وأخته إسراء 19 سنه أختارت الهندسة معمار خليتك عافية وشنو ما بتاع نكات معرووف ما تدينا حاجه !!؟؟ .

» شعراء السروراب نقلاً من منتدى السروراب
» ياجماعة منتدى أمضواًبان لحق آمات مثل منتدى إبناء السقاى السروراب الحاصل شنو؟؟؟
» شعر منقول منتدى منتدى السروراب
» منتدى السقاى المنتدى الفاشل
» رسالة أم مسطوله نقلاً من منتدى السروراب