الهلال (جنازة بحر ) قصيدة من بشرى مبارك إدريس

--------------------------------------------------------------------------------

لعب الهلال وفاز 3.1 وصراحة ورغم أننى تابعت المباراة مع هلالابى متحمس هو الاخ طارق ابوالحسن كان معنا فى ميونيخ سابقاً وغادر الى النرويج ومنها الى بيرمنجهام قبل عام . أجمع كل من تابع المباراة أن الهلال (جنازة بحر ) ولذلك كتبت هذة الابيات ولمن لايعرفنى أننى لاأجامل إطلاقاً وعندما يكون الهلال نار أكتب قصيدة ذى النار وكلها ثناء ومدح وفى حاله الفشل والعرض المرض ماعندى غير هذا الهجاء وربما يعتقد بعض الهلالاب قصيرى النظر أننى (حولت للمريخ ) والى المسدار :
حققنا ليهو الانتصار
بى عرض ضعيف ما شفنا نار
هلالنا ماشى فى إنحدار
يالديبة أدينا إعتذار
وخافين عليك من الشمار
مالو الهلال فى الدارة حار
وين الشباب وين النضار
وين المفرهد ذى خضار
ياسيدا راجيك كم غمار
وتيمك بشوفو بلا عمار
وبعد الخضار خوفى يطلع لى عدار
وما أشوف من الدهب السوار
وما أشوف من الدهب السوار

عدد المساهمات : 39 تاريخ التسجيل : 23/03/2009

[size=24]انشاء الله الخدار مابيبقى عدار شوية كدة وبنقدل وبنسكت الخشام

قولو اااااااااااامين[/size]

الابن والاخ هشام تحية طيبة أرسلها لك من بون الى نيالا (لو إنت مازلت وأنا فى اشتياق لى شوفتك وين إنت؟) أرجو إذا كنت فى نيالا أن ترسل تحياتى لدفعتى وصديقى العميد شرطة خالد عبدالله شريف والاخ العميد محمد عيسى أتيم .
أرجو أن تشرح للاخوان معنى كلمة (عدار ) شرحاً مفصلاً . بعدين أهلنا البتلاب لم يتكرم واحد منهم خلافنا حتى الان بالدخول والبتلاب معروفين عندهم مشكلة فى العوم والبحر كمان برضو عندهم مشكلة فى الكتابة ؟؟؟ تخريمة أنور الشيخ غرق مرة فى البحر قصاد الحلة وبدأ عبد الحفيظ أخوة يكورك لى اولاد السقاى السروراب لكى ينقذوة ولكنهم ردوا على عبدالحفيظ وقالوا ليهو (خليهو يبغبغ شوية ) وفى الغطسة الاخيرة لحقو به والان حى يرزق فى حوطة سدير فى السعودية

هذا ما عهدناه في الهلال سوى مرة او مرتين
في مواجهة الاهلي المصرى سوى ذلك
لاشئ يذكر

» قصيدة لمنتخب الجزائر الفايز (بشرى مبارك إدريس ) من بون رغم البون
» قصيدة للشباب من أجل القدوم على الزواج كلمات بشرى مبارك إدريس
» كفارة ليك يازووول قصيدة للبرنس هيثم مصطفى من بشرى مبارك إدريس
» قصيدة الوحدة ما بالغصب كلمات بشرى مبارك إدريس
» قصيدة مأساة الطفلة أم شوايل && كلمات بشرى مبارك إدريس