الشاعر مبارك أبراهيم الامين ورحيل العصافير(نقلاً من منتدى أنا سودانى )

--------------------------------------------------------------------------------
عيونك شارده ليه بس من عيوني؟؟

وجفونك نايمة ليه صاحيات جفوني؟؟

اِنت فني الزاهي بي فرحي وشجوني

ضيفي رصيدي لي رصيدك وما مهم تزداد ديوني

«°·.¸.•°°·.¸¸.•°°·.¸.•°»

من يوم رحيلك والعصافير الكانو زي حبات عيوني

فراقك اِنت حار عليّ وهم كمان بالنار كوني

بي وجودك كانت سعادتي وياما كم هم اسعدوني

اِلا بس تراني صابر اْتمني لو في النوم اِجوني

«°·.¸.•°°·.¸¸.•°°·.¸.•°»

الأيام الحلوة ولت والربيع ماعاد غصوني

والسمندل والحميراء زي وداعكم ودعوني

ياما كان والكان دا كان كيف اْكون وكيف تكوني

الله وحده للغيب بيعلم ياكريم بس كون في عوني

«°·.¸.•°°·.¸¸.•°°·.¸.•°»

الشمس زي ماغبتو غابت وللقمر زايد جنوني

اْنا صرت عاشق للكواكب لي مداركم اْجذبوني

قالوا دي الأيام دول ساعة صفاكم اذكروني

لا دام سعد لا دام حزن ساعة حزنكم حزنوني

«°·.¸.•°°·.¸¸.•°°·.¸.•°»

الحواس الخمسة غابت مابحس لو تجرحوني

والنجيم مع اْمو روح لا اِرتاحوا هم لا ريحوني

الغربة طالت ولسه ماشة ضاعت سنيني واْيضا سنوني

متين ياعزة نرجع واْشيل عيونك في عيوني

» الشاعر مبارك أبراهيم الامين من منتدى ودبهاى ومسدار وكلام ومعاهو الصديق وصفية
» نقلاً من منتدى ودبهاى والاخ مبارك أبراهيم الامين عن بشرى مبارك إدريس
» رسالة من الشاعر عبدالله عبدالرحمن عبدالله منتدى أنا سودانى ورد بشرى مبارك عليه
» ماذا كتب بشير أبراهيم التوم من منتدى سودانى للأبد لبشرى مبارك إدريس ؟؟
» الشاعر خالد يوسف عبداالله من منتدى أنا سودانى