من بيرمنجهام سلام

كنت قد قضيت ثلاثه أسابيع فى بون أنجزت بعد المهام العمليه حيث أننى أنوى فى عمل مشروع مشترك بين بون وبيرمنجهام وربما السودان أسأل الله التوفيق وقد كانت المهمة جيده وبداية طيبة نسأل الله أن تككل بالنجاح .

--------------------------------------------------------------------------------

الحمد لله أن عدت اليكم ووجدتكم على الصحة والعافية وأرجو خلال الثلاثة أسابيع التى غبت فيها عنكم أن أعزى كل من فقد عزيزاً وأبارك لكل من شاف جديداً من زواج ونجاح وولادة وزيادة وأن أكفر لكل مرضانا وأسال لهم الشفاء العاجل والذى يحمله لهم الحمام الزاجل @@@@@ وأتمنى أن تطيب النفوس ويكثر أهل المساجد المحافظين على الصلاوات وأن يزاد حفظة القران حفظاُ وعدداً ونحن نستقبل الاجازة الصيفية أناشد أبنائى الطلبه أن يستفيدوا من الاجازة فى زياده المعلومات الثقافية وحفظ القران وزيارة مساجد الله فى الصلوات الخمس وأن يتعاهد الشباب بحضور صلاتى الصبح والعشاء فى المساجد ويتنافسوا على ذلك مثل تنافسهم على تشجيع الهلال والمريخ ويتذكروا أن الدنيا فانية ولاينفع فيها إلا العمل الصالح ولهم فى وفاة اللاعب أيداهور العبرة والموعظة .

عدد المساهمات : 42 تاريخ التسجيل : 04/12/2009

بشرانا يا خله ... بشرى الليلة جانا راجع
سفرك يا ما بهدلنا... واقلق منا المضاجع
فى بعدك اشتكت (المنابر) وزادت فينا المواجع
نسأل ليك المولى يحفظ ..ومشروعك يكون (للفقر) حلو ناجع.

الاخ الغالى الدكتور عبدالجليل صاحب المسادير والذى كاد أن يصبح الحوار الغلب شيخو لك التحية وشكراً على المسدار وأحاول أن أردة لك :

لهلبت المنتدى وطلقت فيهو النار
وفى أمر التنافس والله ماك محتار
لو داير أرد لازمنى فتح فتح أسفار
وخايف فى التنافس أمرق عديل أصفار

عدد المساهمات : 8 تاريخ التسجيل : 19/01/2010

[التحية الخالصة ليك ياكمندان وحمد الله الف على السلامة وان شاء الله باالتوفيق يارب وانا اقول مشاركاتك ليه بقت قليلة الا بلصدفة لقيت مشاركة فى منتدى العيلفون من اخونا صديق السر بعنوان البشرى لمن يجد بشرى شكلك كدة منتدى العيلفون مرق من بطنك بالجد ياسيادتو ماقدر دا اتحفنا بموضوع او اتنين على الاقل ولك التحية مرة اخرى ولافراد الاسرة الكريمة

الاخت تيسير عثمان الطيب التحية وللاسرة الكريمة وأشكرك على المشاركة والسؤال عنى
*بخصوص منتدى العيلفون وللاسف الشديد حظرتنى الادارة لاننى طلبت منهم أن يحالوا التخفيف من الضغط على الناس وحذف مواضيعهم!!!!!! وكان الحظر إسبوع وحقيقة كنت أنتظر أن ينتهى الاسبوع ولكن تجدد الحظر لمده 6 شهور فأرجو أن تنقلى عنى أننى أحتج على هذا الحظر فلا فخر مثل بشرى لايجوز حظرة !!! وعلى العموم كتبت قصيدة سوف أذهب الان لصلاة الظهر وبعد الصلاة سوف أنزل القصيدة وهى موجودة فى منتدى أمضوابان وناس أمضوابان قالوا لى والله لانرغب أن ترجع للعيلفون فأنت مسجل عندنا بعقد إحتراف !!!

والقصيدة تقول يالحظروك حبى وقالوا السبب شنو والله ماعارف ؟؟:

والله مانى الكعب الكعب ومانى المتكل بالشعب
جيت عيلفون شايل شعر شايل مشاعر من حقب
لكنى ما لقيت المراد آيه. حا أقول؟؟ والرد كعب
حظرونى قال ردك غريب دايماً تجيب قولاً صعب
طرونى قال مفلس كلام دايماً ترد من غير سبب
ونحنا ما عايزين مشاكل المنتدى مابير بير قرب
*****************************************

تنشل على كيفك تقوم تقوم من غير من غير كلام
وتكتب على كيفك سطور.. من غير من غير نظام
المنتدى فيهو الادارة الادارة شغل ..... شغل تمام
لو شفنا زول من خط مرق مرق..... ياهو الحرام
محظور كلامو ولينا يرجع....... يرجع بى إحترام
ورجعت بس لى كلمة واحده بس أعتذر وأقول سلام
ورجعت بس لى كلمة واحده بس أعتذر وأقول سلام

وهذا الاعتذار أتمنى أن يقبل ويرسل للادارة فى شكل إسترحام ويتم رفع الحظر فى أسرع مايمكن وأكرر الخاسر منتدى العيلفون وأهل العيلفون وليس بشرى مبارك وبالله التوفيق والله من وراء القصد .رائد شرطة معاش بشرى مبارك إدريس السكرتير الاعلامى والثقافى والرياضى للجالية السودانية بالمانيا الاتحادية بون ورئيس قسم شرطة العيلفون وأمضوباًن الاسبق . ومن بيرمنجهام سلام .

الاخت تيسير عثمان الطيب تحية طيبة وأكتب الان الساعة 9:19 صباحاً عندة وعندكم 12:19 وشايفك فى منتدى السقاى أظنك تقرى مستعجله أريد منك إفادة عن موضوع حظرى من منتدى العيلفون والذى كان إسبوع فقط وأستمر 6 شهور !!! بدون أى سبب مقنع فإذا كان ناس العيلفون ما عايزين بشرى مبارك فى المنتدى أريد أن أسمع منهم فرداً فرداً ومنك إنتى برضو وأرجو أن تنقلى كل حديثى هذا الذى كتبته قبل أيام والقصيدة أيضاً وكلام اليوم أنقليهو الى منتدى العيلفون لكى أسمع رأى أبومازن ودكتور بدرالدين والبقية من أبناء العيلفون وأيضاً رأى الادارة التى حظرتنى ويوضحوا الاسباب على الملا حتى نعرف من كان على حق !!!! لكى شكرى وآسف للازعاج . أخوك بشرى مبارك إدريس من بيرمنجهام سلام .

عدد المساهمات : 8 تاريخ التسجيل : 19/01/2010

الاخ بشرى تحية خالصة بالنسبة لموضوع الحظر نقلت كل المعلومات لتو ضيح الامر وطلبت الافادة لكن الى الان لم يصل الرد واكيد فى لبس فى الموضوع نتمنى انو يزول فى القريب العاجل لسبب واحد لايخفى على احد فى منتدى العيلفون تعتبر ياكمندان دعامة اساسية للمنتدى بطرحك المتميز وقلمك المتفرد وانضمامك للمنتدى شى يسعدنا ويشرفنا وان شاء الله قريبا نشاهد مشاركاتك الله لايحرمنا منها

رسالة إدارية
لقد تم حظرك للسبب التالي:
استفزاز الادارة والتطاول عليها

التاريخ الذي سيتم رفع الحظر فيه: 12-08-2010, 01:00 AM
الاخت تيسير تحية طيبة وشكراً على الرد والمتابعة وأكرر أن المتضرر منتدى العيلفون وأهل العيلفون والمتابعين لمواضيع بشرى مبارك فى منتدى العيلفون !! أنا تصلنى دعوات من أخوان أصدقاء وزملاء فى الشرطة للاشتراك فى منتدياتهم وأخر تلبية كانت لمنتدى البركل أرسلت لك الرسالة التى وصلتنى من أول يوم فى الحظر وكان التأريخ الاول اٍسبوع وقبل أن ينتهى الاسبوع تحول الى هذا التأريخ فأرجو أن تنزلى كل الموضوع فى بوست خاص بأسم من بشرى مبارك المحظور وخاطرو مكسور !!!!

عدد المساهمات : 42 تاريخ التسجيل : 04/12/2009

اخى سعادة الكمندان بشرى مبارك ادريس ...تحياتى ومودتى.
انا من اكثر المعجبين بكتاباتك عبر المنتديات ولذلك تجدنى اشارك فى بعض المنتديات التى انت عضو فيها ومعظم مشاركاتى عبارة عن ردود لمواضيعك الجميلة الشاملة وعندما سافرت الى بون انكشف حالنا عديل , وبقينا نتاوق يوميا هنا وهناك لعلنا نظفر بصيد سمين ((بوست)) ( مثل ايام الطفولة عندما كنا نشرك للدباس على مشارف تقا الفول المصرى (الدباس هو القمرى كبير الحجم -دى ترجمة على الشريط)وعندما نجد القلوبية (الشرك ) قد اصطاد دباسة حجم عائلى نجى جاريين (ولا ابوبكر كاكى ) للامساك بالصيد الثمين ومن شدة الفرح نكاد نطير والكرعين يبقن اكبر من النعلات (كما يقول كابلى )
فرحى بالدباس الثمين زمااااان زى فرحى ببوست كامل الدسم بتوقيع سيد اللبن(وهو لقب اطلقته على بشرى - توضيح للمشاهدين والمشاهدات زى ناس تيسير عثمان الطيب ) ...قى زول بيقدر يستغنى عن سيد اللبن وكمان لبنو (خالى موية وبنسلين)
يا ناس العيلفون بالغتوا عديل فى زول عاقل بيحظر بشرى (فى مدرب بيقعد ميسى احتياطى ؟؟؟!!!!) بشرانا ولا ميسى ...على اى حال نديكم مهلة اسبوع لفك الحظر وجبر الخاطر لانو بشرى بحبكم ونحن ذاتنا بنحبوا وياريت المياه ترجع لمجاريها .......قف
كنت داير انجر مسدار كارب بهذه المناسبة لكن وصلنى الان خبر وفاة العم / محمد فضل الله ود عجيلاوى( بالعامرية) والد دكتور احمد محمد فضل الله واخوانه ((انا لله وانا اليه راجعون )).

لله درك أيها الدكتور الرايع وبقدرما تألمت لغياب المبدعين ودالقاضى وودالطيب وأشرف جادالله لتأسيسهم منتدى السقاى السروراب وتركنا فى منتدى السقاى المثلثة والكبرى وبحمدالله ربنا والله كريم وأدانا كاتب بحجم عائلى تفوق تعليقاته وظرافتها وعمقها وخفة دمها تفوق مواضيعى وأقسم بالله العظيم أننى زى الاخ عبدالعاطى الشايقى الكان معانا فى بون ورحل برلين وعبدالعاطى رغم أنه درس الجامعة وعمل ماجستير فى الزراعة فى المانيا الشرقية سابقاً والله تشوفو قاعد فى البيت بى عراقى الساكوبيس تقول جاء من التحتانية أسع !!!!! وتتلفت عشان تشوف شوال القش بتاعو والملودة والخنجر ختاهن وين !!! عبدالعاطى ما إن ينتهى الغداء وقبل ما تشيل نوال حرمة الصينة بتاعة الغداء يقول ليها يا (نوّال نوّال وين الشاى ؟؟وهو كلامو تقيل ونوال خفيف والله سينما سينما لم تسمعو يتكلم معاها وهى ترد !!) نوال تقول ليهو يا عبدالعاطى متين الغداء دة دخل بطنك ؟؟ يقول ليها أنا بتغدى مخصوص عشان أشرب الشاى !! أهديته مرة براد شاى سعودى عندما نزل معى سعودين فى منزلى أبان تواجدى عذابى(نظام بزنس وكده ) والله العظيم عبدالعاطى من الفرح كأنى أهديته مرسيدس أخر موديل ويستمتع عندما يعمل الشاى لوحده ويكشح الشاى الحب فى البراد وبعد داك يصفيهو فى التيرمس !! لذلك أستمع أنا بتعليق الدكتور عبدالجليل وعندما ألحظ أنه دخل على المنتدى أكاد( أدودر) فيهو مثل ما كان يدودر الاخ مطيع البشير للقمرى فى غابة أولاد بلتنا حتى (جاتو أزمة ) فقال أحد الظرفاء من دودير القمرى النهار كلو والعصرية هو يدودر فى القمرى!!!!! وأرجو أن تشرح للاجيال من 40 وما دون (دودير القمرى ) ولك ودى وتحياتى وعليك الله ما بنقدر ندودر ما تغب التعليق وعزى وتعال نحنا فى الانتظار والبركة فيكم وود عمى عماد لازماهو الجية للاخ الدكتور أحمد محمد فضل الله وأنا عزيت فى منتدى السروراب وفى اللحظة التى هميت بنفل العزاء قمت أنت باللازم فبارك الله فيك وأحسن الله العزاء وأرجو أن توصله من سطور الى كلام بى لسانك للدكتور أحمد والاخ قمر وقول ليهو بتتذكرنى . لك ودى وأنت الابداع والحوار الغلب شيخو .