نرحب بالاخت تيسير عثمان الطيب بنت المرحوم عثمان الطيب المساعد الطبى السابق

الاخت تيسير نرحب بك فى دارك وعارفه المكان كويس الخور تقطعى على أهلك السروراب المركز الصحى وعلى فرن التازى أتناولى ليك رغيف وأمشى على صاحباتك الزمان وزميلاتك أمكن واحدات ما تعرفين من (كمية الشفع ماشاء الله تبارك الله ) وقبل أن أودع ما بخليك بدون أن أستقبلك وسط أهلك بهذا المسدار :

سلام عليك تيسير تيسير... وأبوها الطيب
نترحم عليهو ونذكر........... حديثو قِريّب
كان نعم الطبيب لى...... مريضو ديمة مطّيب
وللواثق وصادق عايزبن نشوفكم قبال الكبر ونشيّب

الاخت تيسير يا حبذا لو عرفتى نفسك أكتر فأنا بحكم مشاركتى معكم (ودقستى الاولى معك ) أعرف عنك بعض الشىء ولكن يا حبذا لو عرفتينا أكثر

عدد المساهمات : 8 تاريخ التسجيل : 19/01/2010

مشكور جنابو على الاستقبال الحافل وعلى المسدار الرائع وهذا ان دل فانما يدل على اصالة اهل ا المنطقة وبالجد اخجلت تواضعنا وسط هذه الحفاوة ومااظن يكون فى تعريف اكثر من الذكرته بس فى قليل من الاضافات عشان اخوانى الصغار الموجودين فى الملتقى انا مابعرفهم لانى تركتهم منذ 14 عام

تيسير عثمان الطيب المساعد الطبى السابق فى شفخانة السقاى البتلاب درست المرحلة الابتدائية فى مدرسة السقاى البتلاب والمتوسطة مدرسة عبد الجليل والثانوى الجيلى الثانوية بنات اولى وثانية امتحنت الشهادة السودانية من مدرسة العيلفون الثانوية خريجة محاسبة جامعة السودان الان فى وزارة التعليم العام ياريت اكون كدة معروفة لدى الجميع وان شاء الله الرؤية وضحت ياكمندان ياهلالابى ولك التحية منى ومن الاسرة ومن منتدى العيلفون lol!

لك الشكر أختى تيسير ونحمد الله أن أعطانا التكنلوجيا لكى نتواصل فأنا كنت قبل 14 سنه أكتب 14 رسالة للاهل فى البتلاب والان أكتب رسالة لتيسير ليقرأها مايزيد عن 100 شخص خلال شهر وعندى يا تيسير بوست فى منتدى أنا سودانى بعنوان قصائد هلالية مريخية قومية البوست فيهو فى حدود 300 قصيده أطلع عليه ما يقارب 7000 شخص(والحالة الدورى واقف والقصائد واقفة ) ويا تيسير الله يستر عليكم من سانت جورج الاثيوبى والله يا تيسير ما شامت وقلبى معاكم وأنا معلنها فى المنتديات أننى مريخابى وأكتب له شعراً عندما ينتصر خارجياً والسبب أن المريخ أنهزم مره فى المغرب وجانى مغربى بعرفو وبشع بى بشعة وأبيت أقول ليهو أنا هلالابى لانو قال لى هزمنا المريخ السودانى !!! ونفس الحال عند العرب لايفرقون بين الفرق وإنما يقولوا الفريق السودانى و(إنت زول سودانى !! أنتهى ) .
تخريمة: تحياتى للاسرة وللصادق والواثق وقولى ليهو بشرى قال ليك كنت مارضنى مرض مع التازى ورغم أنك حريف ولكن ما بتجيب أهداف تبرد لى بطنى مع التازى ومكاواتو وسيرتو والتى عندما أكون مهزوم وأكون جوار منزلكم أكون من الزعل لابسمع لابشوف وكانت لنا أيام قولى لى الواثق ما بقيت مدرب ؟؟

الاخت تيسير عثمان طبعاً تعرفى سيدأحمد زين العابدين (نوبه ) وزوجته سمية بالمناسبة عندهم بناتم كان زواجن الشهر الفات حاولى باركى ليهم ، سيدأحمد مشهور بإطلاق القفشات والتى يتداولها الناس ردحاً من الزمن !! فى التمانينات كانت الكرة الطايرة فى نادى البتلاب فى رمضان عامرة جداً وسيدأحمد بقول للكره الطائرة (الفولى ) من الكلمة الانجليزية وكان سيداحمد فاكهة الفولى وفى سنه أغترب أهم أبناء الحله أنور الشيخ ، عبدالعظيم الهادى ، عبدالحفيظ الشيخ ، عماد محمد إدريس فى مصر فى الجامعة ومعه أبوالقاسم حمد أضافة لكمال وعبدالعزيز على وعبدالمحسن وكنت أنا فى المطار لا أظهر كثيراً فجاء نوبة وتلفت ولم يجد ناسو المتعود عليهم وحاول يلعب وجد أولاد عاملين قوانين الفولى الصحيحة والتى لايعرفها نوبه !!فما كان منه إلا وطلع ولبس جلابيتو وقال (لقد مرق الفولى من بطنى !!!) فأنا يا تيسير لقد مرق منتدى العيلفون من بطنى بسبب الجدل العقيم فى هلال مريخ وبسبب حذف مساديرى مع مجموعة من الاخوان دون توضيح السبب أو الاعتزار لنا !! لذلك أصبحت أشارك بدون نفس وبمواضيع كلها منقوله !!! فأرجو أن تعذرينى .

عدد المساهمات : 8 تاريخ التسجيل : 19/01/2010

جنابو لك التحية ولافراد الاسرة الكريمة اولا عبرك بزجى اطيب التهانى والتبريكات للاخ الكريم صاحب النكتة سيداحمد (نوبة) وبقول ليه الف مبروك للعروسات وان شاء الله بيت مال وعيال ويااخ بشرى لك العتبى حتى ترضى وان شاء الله منتدى العيلفون مايمرق من بطنك زى ماقلت وهذا بمثابة اعتذار بالنيابة عن القائمين بامر المنتدى واكيد فى ظروف منعتهم من نشر مشاركاتك ولعل المانع خير بس رجاءا ماتحرمنا من ابداعاتك المميزة التى لها طعم خاص اصبحنا مدمنين عديييييييييل كدى وربنا يمتعك بالصحة والعافية ويرد غربتك (ملاحظة: وين اولاد وبنات السقاى المشاركات فى المنتدى محصورة على عدد قليل قول ليهم خلوا النوم ودايرين نشوفهم زيك حيوية ونشاط ماشاء الله مراسلتكم:تيسير عثمان منتدى العيلفون

1000 مليوون مرحب بي أختنا تيسير بنت المرحوم عثمان الرجل الذي لم يبخل علي السقاي بشئ رحمه الله بقدر ماأعطي وجعلها الله في ميزان حسانته ..
الف مليون مرحب بيك بين اهلك وناسك وياريت لو تبلغي أخي وزميلي أحمد بالمنتدي لكي نتواصل معه بعد غياب دام سنين وسنين .
أحمد عثمان الطيب درس معنا الابتدائي بمدرسة السقاي البتلاب وقد فارقنا ونحن بالصف الثالث الابتدائي علي ما أذكر ولم نتقابل طيلة تلك السنين الا أن قمنا في عام 2007م بزيارتهم بمنزلهم العامر بالعيلفون ورحبوا بنا ترحيبآ حارآ وكانما اتينا لهم بالدنيا كلها وبعد ذلك جلسوا جميعآ يسألون عن السقاي واهلها فردآ فردآ ..
تحياتي ليك أخت تيسير والسلام أمانه للوالده والاخوان الصادق والواثق وأحمد

شكراً أختى تيسير وسوف أحاول أن أواصل دون إنقطاع ولكن الكتابة فى المنتديات مزاج إذا وجدت مجموعه عكرت صفو هذا المزاج بالحذف أو المناكفات التى لاطائل منها والنقل الكثير دون التركيز على الابداع الشخصى سوف يقل المردود ولكن سوف أواصل وأتمنى أن لا أنقطع .[b]

تيسير مالك نحنا ما حذفنا ليك أى مسدار!!!!! أنقطعتى مالك رغم أننى ماشاء الله ألاحظ حضورك اليومى وفى صباح كل يوم إن شاءالله عايزة تدينا (بستان أحمد ودعبدالحفيظ الشيخ ) الذى وعدنا قبل 6 شهور بمشاركات شعرية وبدأ فعلاً بقصيده وأدخلت له فيها بعض التعديلات وكان سعيداً بذلك إضافة لاخبار الهلال والتى كانت فى قمتها ورغم ذلك أختفى حتى لحق بستانو آمات طه !! أتمنى أن نقرأ ليك الجديد وبالعدم الرد على سامى وتعزيتة فى جدوالطيب يوسف سامى ود الماحى الطيب وأمو فايزة بيت الطيب إدريس أظنك تعريفيها كويس .

عدد المساهمات : 8 تاريخ التسجيل : 19/01/2010

اخى بشرى لك التحية والتقدير مشكور جدا على التفقد وانا ماانقطعت لكن ظروف خارج الارادة (ظروف العمل) وان شاء الله ماانقطع عن التواصل معكم وعبرك برسل التحايا لاخى سامى وهو خارج ارض الوطن وانشاء الله باالتوفيق وبشكرو على الترحيب الحار الذى عهدناه دائما فى اهلنا ناس السقاى وبعزيه فى وفاة الفقيد الطيب يوسف ربنا يتغمده بواسع رحمته وينزله منازل الصديقين والشهداء والصالحين فى سدر مخضود وطلح منضود وظل ممدود وماء مسكوب وفاكهة كثيرة لا مقطوعة ولا ممنوعة اللهم اااااااااامين وللاسرة الكريمة الصبر وحسن العزاء

ماشاء الله ياجنابو مشاركاتك مميزة فى منتدى ود بهاى وشبكة الجعليين ماكنت عارفة انك جعلى طلعت ودعمى بس ان شاء الله ماتكون عندك الحماقة زينا كدة اصلو دى علامة الجودة ولك التحايا مرة اخرى

شكراً أختى الاستاذه تيسير على الرد السريع وعقبال كده تردوا على سانت جورج بهدف فى عقر دارة !!! مشاركاتى بحمدالله متواجده فى العديد من المنتديات هل تسمحى لى أن أقدمك لمنتدى ودبهادى ومنتدى دار جعل؟؟ أم تكتفى (بالمتاوقة ) . الحماقة بس زيى حقتك وحقت ودالدابى !!! بتاع منى سلمان بس (بدون إستعمال اليد!!)وأضيفى إليها أن زوجتى خالده فرح أبوسنينة (الرباطابية ) قالت لى والله ماشاء الله بقيت الحوار الغلب شيخو فى المساخة والرد السريع طبعاً الرباطاب ما بقولو مساخة بقولو سرعة بديهة (إسم الدلع للمساخة !!!)أشارك برضو بالردود على الرآى العام السودانية والمزاج رايق بسبب (أننى عذابى مع وقف التنفيذ ) الى حين حضور المدام وإسلام وأيمن من المانيا بون وأنا شغال كلها ساعتين وإسراء وأحمد فى الكليات يطلعوا الصباح يرجعوا بعد صلاة المغرب لذلك أملا فراغى بالمنتديات والشعر والقصة !!والله ذكرتينى القصة المفروض أكتب الحلقة 50 من رحلتى من المانيا الى السودان والناس واقفين معاى فى أسوان وخلاص داخل على الباخرة الى حلفا وقبلها أديك أخر نكته:
جنوبى إسمو جون ومرتو إسمة شول جوهم ناس التعداد قالوا لى جون ياجون عايزين نعرف عندك كم من الاطفال ؟ فرد عليهم والله أنا وشول ده عذابة ساااااااكت!! ما عندنا أولاد !! وكان يعتقد أن العذابى هو المتزوج وماعندو أولاد!!!!!! اللهم أخلف على كل متزوج لم ينجب بالذرية وأخلف على أخواتنا بدخول عش الزوجية وعلى أخواننا بالتحرك على العرس وتحمّل المسئولية فى ظل البنات الشغالات والبيوت الجنب البقالات وبعد شوية المرتب بالريالات وربنا يخفف السعد ويحقق الوعد ويعود من إبتعد ويسهل على من إجتهد ومانام وقعد آمين وأرجو أن أستأذنك بالمغادرة.

البركة في الجميع أختي تيسير والفقد واحد