البكى بحرروه اهله

احبتي لدينا عملاقة في الشعر الفصيح والدارجي نريد ان نوثق اعمالهم في هذا المنتدى انتلاقاً من المقولة المشهورة البكى بحرروه اهله.
فكل من بيده قصيدة من قصائد ابناء وبنات السقاي فليمدنا بها عبر هذا المنتدى لكي تعم الفائدة، وقبل البدء في نشر اعمالهم دعونا نبداء بحصرهم والتعريف بهم حتى نشجعهم ونحثهم على تقديم المزيد من الأبداع.
والراي رايكم!!!!!!!

عدد المساهمات : 739 تاريخ التسجيل : 07/03/2009

طرقت موضوع مهم ومهم جدا ولنا عمالقة فى الشعر يعنى زى ماقال لى واحد انتو السروراب وصافين وصف بديع من فترة طويلة سابقة كان لنا منتدى شعرى اسبوعى فى السقاى اعتبره من اروع المنتديات (ليس من قبيل القرد فى عين امو) ولكنها الحقيقة واظنك كنت شاهد عيان انا بتبرع لكم باسماء اثنين ابدوا معهم وسف تاتيكم البقية او ثلاثة الاول موجود عندكم فى الرياض والثانى كذلك واحدهم لدى ديوانه اذا سمح لى سوف ابداء بنشر قصائده وهما مصباح الطيب عبدالسلام والثانى هو عابدين الطيب الحاج ديل فى الرياض فى السقاى الشاعر المبدع جدا :خالد عثمان ابراهيم والشاعرة ميسون صلاح مصطفى نكتفى بهؤلا وسف نواصل البقية وعندى توثيقات لبعض المنتديات اذا تمكنت تقنيا سوف انقلها لمنتدانا شكرا استاذنا ياسر واكيد سوف نوثق لهولا وغيرهم
ولك التحية واكيد البكى بحرروه اهلو ونحنا اهل البكى فعلينا ان نكورك وباصواتعالية حتى نبدا بالتوثيق

مشكور اخي أحمد وفاتحتك مقبولة وين باقي النااااااااااااااااااااااااااااااااااااااس الفاتحة دي ما بتهمكم عزو عليكم الله ساااااااااااااااااااااكت ما ديرنكم تبكو والفراش دا ما بنرفعو دحين اخير تبكو.
وأنا اضيف على ما تفضلة بذكرهم الشاعرة المبدعة نهى عبد الجليل.

عدد المساهمات : 123 تاريخ التسجيل : 30/01/2009

l اسمع يا ود الحاج ويا احمد انتو بتوثقوا لي منو لي ناس ميتين ناس موجودين ومن المفترض يشتركو فى المنتدى ويكتبوا اشعارهم دي ولا شنو ؟

عدد المساهمات : 134 تاريخ التسجيل : 04/03/2009

كلام نزار في محلو لازم مشاركت شعرائنا
في المنتدى *****
وماتنسو ان المنتدى كلما ذاد عدد اعضاءه الفعالين كانت له صلاحية اكبر والاشنو؟؟؟؟؟؟؟؟

أولاد السندس فاتحتكم مقبولة والفقد واحد
وحقيقة الأخ نزار لفت انتباهنا الى أمر مهم جداً قد قفل عنه القائم على أمر المنتدى وهو الإعلان عن المنتدى والتعريف به ونجد كل الإعضاء الذين انضمو الى المنتدى عرفو به بالصطفة باستثناء ابناء جدة وحتى معظم ابناء جدة لم نسمع لهم صوت في هذا المنتدى.
والشيء الثاني فعلاً من الشعراء من توفاهم الله برحمته فمن باب البر بهم ورد الجميل ان نوثق لأعمالهم، ومنهم من قبر في زحمة الدنيا ومشغوليتها وفر منه شيطان الشعر لأسباب عدة ومن اهمها عدم الاهتمام بهم وبأعمالهم ولكلا ظروفه.
وندعو من بيت العزاء هذا لوضع استراتيجية للتعريف بالمنتدى ودعوة اكبر عدد من المثقفين للانضمام اليه حتى لا يصبح شلة من الشلليات ويخرج بلا عودة!!!!!
وما زلنا في انتظار تلقي العزاء لمن يهمه الأمر

عدد المساهمات : 739 تاريخ التسجيل : 07/03/2009

نسيبنا ود الطيب تخوفك فى الخروج بلا عودة فى محله اوان يكون محصور فىفئة معينة هذه غالبا ماتحدث لان الاعضاء الان فاقوا الاربعين والمشاركين لايتجاوزون اصابع يد واحدة وحتى المواضيع المتناولة مرو تكون فى الخط ومرات تكون خارج الميدان اما الترويج للمنتدى هذا واجبنا جميعا الترويج له وحث الجميع فة تسجيل عضوية والمساهمة الفاعلة ويجب ان يتغير مفهوم الضحك والونسة الحاصل فى المنتدى وان نرتقى لمناقشة قضايا اهم ود الطيب ماترفع الفراش جايين ناس كتار ماوصلو لسة عايزين يعزو ولك كامل التقدير

هوي هــــــــــــــــــــــــا
الفراش ما فيه كشف تعالوا عزو ساااااااااااااااكت
الفراش مجااااااااااااااااااااااااااان والكلام ليك يا المنطط عينيك وكان منططة عيناك ما عارف

ا اهلي العزاز بمنتدي السقاي تحية لكم جميعا واهنئكم بهذا الانجاز الغير مسبوق . ولكم مني العتبى حتي ترضوا والله ماشغلنا منكم الا القاسي. ولكم منى وعدا صادقا ان اعود اليكم بعد السفر الى السودان وتجدوني كما تتمنوا مشاركا فاعلا لاابخل بما املك من محاولات شعرية او فكرية ان وجدت.
وإلا ان تلتقي لكم مني كل الحب جميعا ناس جدة والسودان وقطر والسعودية والسويد والامارات وامريكا . والى الاخوين احمد عبدالعزيز ونزار محمد صديق الحق في نشر ما يرونة مناسبا من محاولاتي الشعرية .وسلام . عبر اخي ياسر الطيب التقيتكم واودعكم .
مصباح الطيب عبد السلام .

عدد المساهمات : 739 تاريخ التسجيل : 07/03/2009

ربنا يوصلك بالسلامة اخونا مصباح ونتمنى لكم اقامة طيبة مع الاهل فى السدودان وعبرك بنحملك امانة السلام لكا الاهل والاحباب بالسقاى وتمشى وتجى بالسلامة يابو حسام ولك منا غالى التحايا

عدد المساهمات : 308 تاريخ التسجيل : 05/02/2009

الفاااااااااااااااااااااااااااااااااااتحة
ابن عمي كنتا عايز اقول ليك البركة فيناوفيكم لاكين لقيت الناس الميتين اكثر من الحيييييييين
وماعارف اقول ليك البركة فيكون في شنو ولا شنووووو
في المركز الصحي الي كان مفروض يبقي مستشفي وبقي خرابة
ولا في مدارس الاساس الي مفروض تكون بداية العمار وبقت بدون اشجار
ولا في شنوووووووووو وشنووووووووووووو
ولا في الناس الي بقت ما بتتلم الا لي مصلحة او بكاء
لاكن يا ود عمي انا بدي الناس موية وشاي لحدي ما نرفع الفراش
واعمل حسابك من الرماااااااااااااااااااااااد
ولك كل حبي

ابو الزوز
ايها المحرية فيك وحرامك خلعني خلني رجعت بسرعة الى اسم المشارك قوية مرررررررررررررة
كما يقول اهلك السعودين.
ومع الشاي والموية كان لقينا حقهن ما بطال.
وقبل ما اودع داير ازكركم بانو الفراش ما فيه كشف يعني مجان ساااااااكت

عدد المساهمات : 123 تاريخ التسجيل : 30/01/2009

الاخ / مصباح
لك عاطر التحايا وينك يارجل والله ليك وحشة .. رجعت اتصلت بيك ولكن لم اجد منك رد .. المهم نشوفك بعد الرجعة من السودان وعقبالنا .
0540502233

الاخ ود الطيب الحاج لك الشكر على فتح هذا المجال للمبدعين ونترك الاحياء ان يكتبوا بأنفسهم او بعد ان يعطعوا الموافقة .أمّا الاموات عليهم رحمة الله فيقوم أحد أفراد الاسرة بهذا الامر وعلى العموم أنا سوف اكتب كل محاولاتى الشعرية وأخرها أكثر من عمل كتبتة فى رحلتى فى مهمتى الاخيرة فى بيرمنجهام وعموماً الوالدة الجودلية محمد بابكر متعها الله بالصحه والعافية هى التى تعلمت منها المحاولات الشعرية وأعرف أن خالتى أمنة زوجة العم عبدالرحمن ادريس تكتب الشعر وسوف أحاول أن اقدم بعض أشعارها .

جنابو بشرى تعظيم سلام
وما قصرت وأهلنا في البتلاب معروف فيهم الهمة والسرعة في أداء الواجب وخصوصاً واجب العزاء وما بالك عندما يكنون اصحاب العزاء والبكى حقهم بشمروا وبخلو الجاي والجاي وبقعدوى في الفراش لمن يترفع ويتموا الناقصة وما غريب عليك اهتمامك ونسعد ان تكون أول من نوثق له من أبنائنا الشعراء الأفزاز التي انجبتهم أرضنا الطيبة، فهلا تكرمت بذلك حتى يكون لك قدم السبق كما عرفناكم دوماً.
وتقبل سلام أهلك في الرياض واحسن الله عزاكم في عمتنا واسكنها الله فسيح جناته مع الشهداء والصديقين.

--------------------------------------------------------------------------------

التوربين فتح فى مروى كيف بشّر
نودع للظلام وفى ريفنا نتبختر
ونزرع كم زروع مانخلى للبنجر
والسودان مشى وماظنو يتأخر
نودع للعدم اللينا كم كسّر
شاحدين الكريم يحسّن المظهر
ونشوف المصانع العاملة والبنشر
ونشوف الاضاءة الرايعة والمنظر
ونشوف المدارس فى قرى بربر
وتضىء المساجد وأمامنا شيخ أزهر
ودعنا الظلام اللينا كم كشّر
ومادايرين فى تانى مواطن اتحسّر
فى جنوب البلاد الصبح قد أسفر
وفى شرق البلاد أدروب يهز بشّر
وفى غرب البلاد آذآنا كم كبّر
وفى إستادالقضارف حكمنا كم صفّر
وفى مطار النهود طيارنا كيف سفّر
ومن ميناء سواكن أسحاق عبر عمّر
ومااتخلف هناك وطاف لمس مرمر
ورجع ارض المحنة وبيها إتفشّر
ورجع أرض المحنة وبيها إتفشّر

الرجوع الى المقدمة

bushra mubark

--------------------------------------------------------------------------------

هذة القصيدة كتبتها فى يوم 22 رمضان 1423هجرية الموافق 27.11.2002 (بون) فى شكل رسالة للاخ العميد شرطة ناصر محمد يوسف زميلى ودفعتى منذ الكباشى المتوسطة مروراً بالجيلى الثانوية ثم كلية الشرطة وكنا فى الجيلى فى فصل واحد فى الفترة من 1975 وحتى 1978م وفى داخلية واحدة هى داخلية دجلة عنبر (بغداد) وكنا مجموعة من الاصدقاء ناصر محمد يوسف من الكباشى وعبدالله الطيب بابكر من الزيداب وزين العابدين حسن الزبير من ابناء العبيدية وعبدالعظيم الهادى عبدالرحيم من السقاى البتلاب وشخصى الضعيف من السقاى البتلاب أيضاً والقصيدة بعنوان ذكريات دجلة فإلى القصيدة :
الاخ العزيز ناصر يامن بعشرتة نفاخر
لانه كان نعم من يُعاشر
فقد كانت صداقة ولم نكن بها نُفاشر
وكانت ومازالت كالسواتر
وتظل فى قوة الطيورالكواسر
وفى حنيّية الطير المهاجر
وفى رقة عودة الزول المسافر
فقد جمعت فأوعت فى الصف والمحابر
عبد الله,بشرى, الزين, عبدالعظيم,وناصر
وكنا ومازلنا إيقاعاً جميلاً ولم يكن بيننا مشاتر
فنسأل الله أن يبارك فى اولادنا فى الربوع والبوادر
وأن يجمع شملنا وشمل من مُسافر
وأن يعيد لنا حلاوة أيامنا الغوابر
وأن يورثها لاولادنا كابراً بعد كابر
bushra mubark

--------------------------------------------------------------------------------

المحتل الغاصب الفى عدوانك زدت الحد
أعلم أن حماس سوف تقود النصر اليوم أو غد
حماس الزرعت شتل الصبر وشتل الجد
حاتجنى ثمارو قريب فى يافا وحيفا واللد
حماس المسكت جمر الحق وحق الوعد
ووعد الارض وأرض الجد... ستبقى الند
رغم الفارق فى التسليح لكن الايمان حايهد
يهد كل الباطل وحكام العرب ودول الضد
والبترول وقروشو المابتحمى ولاتسد
لاتسد رمق الجائع فى غزة ولاتقد
تقد عين المغتصب الظالم الزايد فى الشّد
وشدة وحاتزول ياأبطال غزة وحانعد
قتلى المغتصب الصهيونى الغاشم وحا نعد
ونوصل أرقام والشجرالحجر وكل مانمد
وكل مانمد نلقاهو معانا يكبر
وذى ماكبّرشهداء غزة يكبر
ويكون عينا وايدنا ولينا يدبر
ولى صبر أبطال غزة يذكر
ولى كل مزاج حاكم عربى يعكر
ولى كل رصيد بالمليار ليهو يصفّر
والمحتل الغاصب ليهو يسفّر

شاركنا فى احتفالنا الاخير مجموعة طيبة من الاخوان من بلجيكا (بروكسل وجنت) وقررنا ان نشاركهم احتفالاتهم بالاستقلال والسلام يوم السبت 31 .01.2009 وبالفعل اجتمعنا الثلاثاء الماضى26.1 وقمنا بتقييم احتفالنا الاخير وكذلك المشاركة مع الاخوان فى بروكسل واستقر الرأى على تأجير بص 35 راكب للسفر به ان شاء الله . كتبت هذة القصيدة وسوف أقنع ابنى أحمد بشرى مبارك لكى يقدمها للحضور خاصة انه يدرس فى مدرسة عربية ودرس من الصف السادس حتى الثامن فى مدارس القبس (بحرى) وأمتحن امتحان الاساس فى العام 2006 .2007 وحرز 274 من 280 والآن يدرس فى أكاديمية الملك فهد بون.
من بون لى بروكسل
من بون لى بروكسل جينا مجموعة
ورافعين راية الوطن والهامة مرفوعة
واستقلال بلدنا فى ريفة فى ربوعة
وأهو السودان جمعنا والوحدة مشروعة
******************
وفى وحدة بلادنا مستقبل أجيالنا
مانفرط فى أرضو ونجرجر أذيالنا
فى جنوب البلاد كم رآيعة أفيالنا
نعمر كل بلادنا ونرصف لاأميالنا
******************
المامن بلدنا طمعان فى البلد
تكون ليهو الرصيد للبت والولد
شوف كيف المزارع والنيل والمدد
وشوف كيف السواعد شىء ماليهو حد
راجين الاشارة من أكثر أمارة نودع للنكد
ويكون سودانا عامر والخير بالعدد
وتكون الوحدة جاذبة لى يوم الابد
فرقنا الدخيل وفى الظلمات لبد
هو الشيطان عديل والشيطان حسد
هو الشيطان عديل والشيطان حسد

أنا مابخاف من الظلام ولا البسوق الليل لجام
فى مدادى حلو الكلام وللجميع راد السلام
مابخون العشره أبداً ومابكوس ليهو انتقام
ولو معاى قصرت مرة ليك مابقطع كلام
ولو طلقت على اسودك أطلق عليك برضو الحمام
ولو نقضت على عهودك أنسج معاك كل انسجام
لو سألت على مرة أسال عليك والشوق هيام
ولورفعت اليد لتدعو ادعو ليك يوم الصيام
فى سجودك لو طريتنى أدعو ليك وأنا فى القيام
وفى نهارى كتبت حبه وبرضو بكتب فى الظلام
والحكم ما ظنو خاين وبرضو للحكم احترام
بيهو نور منتدانا يلا نغريهو السلام
بيهو نور منتدانا يلا نغريهو السلام

بسم الله الرحمن الرحيم
الأخ صلاح سليمان تحية طيبة هذه القصيدة رثاء في
وفاة المغفور له عمر محمد علي الشيخ الذي توفى في
رمضان 1428هجرية إثر حادث حركة وهو شقيق جارنا وصديقنا
في بون الأخ أبوبكر محمد علي الشيخ والمرحوم
عمر عليه الرحمة متزوج بنت خاله رجل الأعمال
المعروف الحاج علي محمد الحسن أبرسي

رثاء في وفاة المغفور له بإذن الله

عمر محمد علي الشيخ

:بعنوان

حار فراقك يا عمر

حار فراقك يا عمر

حار فراقك زي جمر

حار فراقك ونحنا لازمين الصبر

كنت أدعو ربنا يديك العمر

وسريع أشوفك والحال يسر

حار فراقك يا عمر

حار فراقك زي جمر

من بعدك الأيام كُتر

ومن بعدك الحال ما يسر

من بعدك الحلو يبقى مر

كنت في طبعك كريم وطبع الكريم قُصر العمر

كنــــت ضــــو تشـــــرق مــع ضـو الفجُــــــر

والليلـــــة غـــاب ضــــوك مــــع حُلـو السمر

والله ضُقنا المُر كتير لكن ُفراقك هو الأمر

والله يــــــــوم شكــــــرك علينا نزل أحــــر

ويــــــارب يلزمنــــــا الصبر وكـل الصبر

وندعو ليك في كــــــــل سجود طول العمـــــر

في الجنة إنت مع الكرام البررة والفاروق عمر

حـــــــــــار فراقــــــــك يا عمر

حــــــــار فراقـــــــــك زي جمر

حار فراقك ونحن لازمين الصبر

كلمات

رائد شرطة(م) بشرى مبارك إدريس

السكرتير الثقافي والرياضي والإعلامي

للجالية السودانية بألمانيا الإتحادية

بـــــــــــــــــــــــــون

صديق وجار الأخ أبوبكر محمد علي الشيخ

شقيـــق المرحوم عمر محمد علـــــي الشيخ

26th Aug 2007

نساء ورجال حول كمبال

--------------------------------------------------------------------------------

أفادنا الأخ أبوبكر محمد علي الشيخ أن قريبه (من أسرة الكوارتة) الأخ

عمر علي كمبال وحرمه محاسن عبدالرحمن عبدالرحيم سوف يصلو

بالطائرة المصرية يوم الأحد 18\5 وبعد وصولهم ذهبنا وسلمنا

عليهم مع تمنيات بالتوفيق في إجراء العملية للأخ عمر كمبال (تبديل

شرايين صناعية للأرجل ومعالجة جرح ملتهب) وبحمد الله

تم إجراء العملية ونجحت وكان أن وقف السودانيين أصحاب الأخ

أبوبكر محمد علي الشيخ موقفا رائعا في المستشفى قبل وبعد

العملية ومازالو حتى الآن وقد هزني هذا الموقف وكتبت هذه القصيدة

بعنوان

نساء ورجال حول كمبال

السوداني دايما في طبعو سامي ونادر

للخير لي أخوه تلقاهو ديمة يبادر

في لقى في عدم تلقاهو دايما شاكر

في شدة ورخاء أيوب يكون هو الصابر

الثلاثاء 20\5\2008*** *** ***

شوف أخوان أبوبكر لي عمر كيف هبو

رافعين الرؤوس ما هانوا أو إدبو

لو شفت الحديث تقول معاهو اتربو

وحالا طمنو أيمان عصام كيف لبو

الأربعاء 21\5\2008*** *** ***

العملية طالت شفقت لي محاسن

ما انقطع الرنين الخطو دايما ساخن

كمبال لو وقف يضرب شقيقه محاسن

وأمو عايزه تسمعو رغم البعيدة أماكن

*** *** ***

في آخر المساء بالسلامة طلع

في الإنعاش رقادو ما خفنا جانا هلع

ندعو ليلنا كلو نامن صباحنا طلع

يزيدك صحة عافية يديك مروة منع

الخميس 22\5\2008*** *** ***

صباح الخميس ما أدونا خبرا زين

محاسن أم عيالو قالت أقبل وين

أقول للناس شنو ناس سوداني أم ناس زين

والعملية تاني؟وتاني كمان ساعتين

أدوني النصيحة عشان أرد لي فطين

*** *** ***

بعد ما راجعو الشريان سلك واتقطر

نزل الدم عديل جهازو قرا واتنتر

فرحت أم عيالو ردت عليها السستر

قالت كلو (مضبوط) يلا أمشو السنتر

*** *** ***

ضحكت والسرور واضح وما بتخفى

ردت وسلمت كان الخطوط تتكفى

من كل البلاد أسلاك هي ما بتتلفى

عايزين صحتو اللي القبايل كفى

الجمعة 23\5\2008*** *** ***

يوم الجمعة جينا مسرعين لسلامو

في الإنعاش دخلنا سمعنا حتى كلامو

أجهزة (ما خمج) والمولى من أنعامو

يديك صحة عافية تسمع مديح وأنغامو

*** *** ***

كل يوم زايدين سرور أبوعمر ومحاسن

لي صحة عمر يقوم يحوم ويلاسن

إيدو في الكرم زي سحابو المازن

راجيين عودتو أهلو العيارم وازن

ناس على ود الحسن الزايد فضايلو محاسن

الأحد 25\5\2008*** *** ***

الليلة الزيارة بالأحد ماشين

نكف عين الحسود نملا ونكيل العين

نشوف صحة عمر كل يوم في حالا زين

والأجراس تزيد كل يوم تزيد في رنين

والرد من لسانو وطمن الخايفين

وبدأ بي أمو سلم طالب الرضا وتأمين

تدعو ليهو بالصحة وتقول عايدين

واجو عايدين اجو عايدين بالصحة عايدين

واجو عايدين اجو عايدين لي حي المهندسين

واجو عايدين نقوله آمين نقوله آمين

رائد شرطة (م) بشرى مبارك إدريس

السكرتير الثقافي والإعلامي والرياضي

للجالية السودانية بألمانيا الاتحادية

بـــــــــون

bushra mubark

جنابو بشر
حقيقة البيان بالعمل كما يحلو لكم ذلك.
وكنا نتوقع ان تكون مشاركات كالمطر الا انها كانت كالسيل العرمرم واديك العافية وحق لنا ان نفرح بهذه التجربة الشعرية المتفردة وسوف نوثق لها بشكل جيد انشاء الله.
ودمت

مشكور اخونا ود الحاج لشحذ الهمم ومشكور اخونا بشرى للمشاركات
وليس المشاركة وقصائد جميلة ومعبرة واعجبني اكثر قصيدة سد مروي
واقترح أن تفرد للقصائد بوست خاص بك في منتدى الشعر حتى يسهل الوصول
اليها والتعقيب ولكم التحية

شيخ طارق
سعدنا بمروك وابتساماتك الساحره وهنالك الكثير من الموضعات المتعلقة بالمنتدى التي تحتاج الى مراجعة حتى تسهل على الاعضاء والزوار تصفح المنتدى بفاعلية ويسر.
نرجو الترتيب لذلك وانتم ابخس به منا

» تكريم صادف اهله
» 2000 unkle mohamed altayib welcome