قصيدة من هلالابى للارباب صلاح إدريس مهداه بصفة خاصة للاخ سامى الماحى

قصيدة واحد هلالي كان منتظر قنبلة صلاح إدريس !!!

--------------------------------------------------------------------------------

ياصلاح ادريس كفاية...نحنا ما ناقصين قنابل
مره بس حقق منايا ...وتلقي حبنا في المقابل
في الهجوم عزز سلاحك..ود سريع قناص ونابل
خلي يوسف في جناحك ..وفي الشمال عثمانو وابل
جد نوثق لي نجاحك...ونبقي كلنا عبدو قابل

صدعتا راسنا من الصباح
وين المفاجأه يا صلاح
مرات سعيد مرات قلق
يا زول حرام راسنا اتفلق
ايداهو مين موبوتو مين
كملتا كل الاوكسجين
وكوركنا لمن صوتنا راح
ويين المفاجأه يا صلاح
يمكن تكون ميسي الحريف
او دره من درر الوصيف
الدافي ما بنفع اكيد
وما اظنو محتاجين سعيد
سيد البلد حلق بعيد
وكل البدور هيبة وسماح
وبالغتا جد كده يا صلاح
كل الهلال في الانتظار
بس ما تكون لعبه وهظار
او طرفه منك او مزاح
بالغتا جد كده يا صلاح
يوسف محمد ما وصل
ورينا ياخ ايه الحصل
كددتنا الدوم والبصل
كرهتنا العيش والملاح
وبالغتا جد كده يا صلاح
اربابنا حبنا ليك كبير
قدمتا للازرق كتير
حوت الهلال ما بياكلو صير
وما طبعنا البكي والنواح
وبالغتا جد كده يا صلاح
خليك مصادم في الدوام
يا فارس الهول والصدام
هوت لو رجع نرفع تمام
من بعدو جد خلص الكلام
وفجر قنابلك بارتياح
وبالغتا جد كده يا صلاح
قدمتا واجزلتا الصنيع
وتاريخك ابدا ما بضيع
بس يا حبيب خليك سريع
وريهو معني العزه صاح
وبالغتا جد كده يا صلاح
ادهشتا عشاق الهلال
وارهبتا ناس مريخ جمال
جننتا يا راقي النصاح
وبالغتا جد كده يا صلاح
هوي يا صلاح ادريس كفاك
فاكر الهلال حقك براك
جننتنا وبعدين معاك
والركبه كل الفيها ساح
وبعدين معاك كده يا صلاح
وبالغتا جد كده يا صلاح

والله ياخال مافي أي كلام قلته وأوفيت وليك التحية وبالجد مافي حاجة أحلي من كدة وشوف المصيبة الكبري قالو عايزين أعيرو سامي عبدالله عليك الله دا كلام ؟
المصدر جريدة قون اليوم

» الاخ سامى الماحى مازالت مفاجأت صلاح إدريس شغالة مطرة ورعد !!!!!
» أول مشاركة لى فى منتدى السقاى الرياضة كانت قصيدة للارباب صلاح إدريس
» الهلال (جنازة بحر ) قصيدة من بشرى مبارك إدريس
» الاخ / سامى الماحى
» التحية للرايع سامى الماحى الطيب يوسف