جيب مسدار وأدخل الدار(الدار المقصود منتدى العيلفون )

عندما فكرت فى هذا البوست قبل ثلاثة شهور ودشنته فى كل المنتديات التى أشارك فيها تفاعل معه الجميع عدا مشتركى منتدى السقاى !!!(والحاله قبل الاضطراب الاخير والحرد !!! حرد اللوبا)
رأيت أن أنقل لكم من منتدى العيلفون والبوست نزلتو البارح لتعرفوا كيف الناس بتفاعلوا مع البوستات وبفهموا اللعبات وبقدموا الشربات !!!

--------------------------------------------------------------------------------

الاخوان الاكارم بالعيلفون الفكرة ساهله جداً وبدأتها فى منتدى السقاى وتعلم كثيرين كتابة المسادير من عدم والان نبدأ بأول مسدار وعايزين الجماعة ينجرو فوقو وهكذا :
أنا جيتكم جديد شايلنى شوق وحنين
وما بخلف وعد وما تقولو لى ضنين
لو شفت الظرافة بجيب وبملاْ الهين
ولو شفت المساخة بقعد ولو لى حين

أكان للظرافة ظراااااااااف وماهينين
بنملالك جرابك لامن تقول اًاًاًميييين
وإن درت المساخة قنب قصادي الحين
يافزيت براك يا كبيتو دمع العين

المشاركة الأصلية كتبت بواسطة بشرى مبارك ادريس

الاخوان الاكارم بالعيلفون الفكرة ساهله جداً وبدأتها فى منتدى السقاى وتعلم كثيرين كتابة المسادير من عدم والان نبدأ بأول مسدار وعايزين الجماعة ينجرو فوقو وهكذا :
أنا جيتكم جديد شايلنى شوق وحنين
وما بخلف وعد وما تقولو لى ضنين
لو شفت الظرافة بجيب وبملاْ الهين
ولو شفت المساخة بقعد ولو لى حين

مرحب بيك حبابك نحن مبسوطين
السقاي أهلنا إن كنتو ما عارفين
يا اخوانا لازم نكون يد واحدة متحدين
بظرافتك ومساختك برضو مشتاقين

ياهو ده (الشغل ) الليهو عشمانين
وما قصرتو طب والله مُسدارين
ما تقيف الكتابة وتقولو ما دايرين
خلونا نشوفكم وفى الغربة محتارين

بلـــدك بعيـــــد يابشــــري ســـاكن بــــون
ياحليــــلو بشـــري البي البعـــاد ممكــــون
قايلك قريب اتاريك في بلد الضباب مسجون
بنمسدر ليــك نونسك وجنبك قـــراب بنكون

المشاركة الأصلية كتبت بواسطة حماده بخيت

بنمسدر ليــك نونسك وجنبك قـــراب بنكون

حمادة الفنان بنمسدر ليك دي زي نمسكل ليك

بلـــدك بعيـــــد يابشــــري ســـاكن بــــون
ياحليــــلو بشـــري البي البعـــاد ممكــــون
قايلك قريب اتاريك في بلد الضباب مسجون
بنمسدر ليــك نونسك وجنبك قـــراب بنكون

والله العظيم حمادة بخيت خطير فى المسادير لدرجة أننى قلت المره دى ما أرد بس أعلق مندهش والله لوما تعدينا الخمسين كنا جبنا سيرة (أغنية فلانة الفلانية ) أيام الهجيج فى التمانينات وحضورها من حفله لى حفله من نادى الضابط لى كل الاندية جوار المطار والكوريلا 83 الزرقاء شعار الهلال !!!!

ياربى الصعاب..... دايماً عليك بتهون
حماده الهميم والجوهر الجوهر المكنون
مسدر ما تقيف ما تقف.. ورينا كل فنون
وفى حب الظُراف.. أنا قالو لى مجنون

كتب أبو مازن
حمادة جاك مسدارو كارب تب
شعرو ماشاء الله قول يا رب
ينزل معتق سلس اصلو ما بينضب
يكيل الشعر زي البكيل في حب

ما شاء الله عيني باردة يا حمادة متمكن في الشعر ربنا يحفظك من كل مكروه ويزيدك من علمه آمييين

كتب أبو مازن
--------------------------------------------------------------------------------

ديل ناس العيلفون ,, ناسا كرام بلحيل
يكرموا الضيف ,, إن طب هجعة ليل
شافعهم إن حبى ,, بسموه جمل الشيل
أهل الشهامة ,, كل جيل يورث جيل

كتب زاهر الطيب
--------------------------------------------------------------------------------

احييك اخي بشرى انا قبل شهر فتحت بوست ولم اجد التفاعل بعنوان ( مسدار من تاليفك ) لكن لطالما اتحرك برجع وأشارك معاكم ....

انا من بكان ما شكـو فيـه اتنيـن
وجيت لي بلد تملا الـراس والعيـن
الدبيبة والعيلفون باقيالي زي روحين
تلقاهم في جسـد ديمـا مجتمعيـن

كتب زاهر الطيب
بشرى اخوي الليلة دابي عرفتك
صقرا في الجو واحد حارس كتفك
فحل في الشعر سميتك ووصفتك
شرفت بيك إن شاء الله اكون شرفتك

كتب بشرى مبارك
--------------------------------------------------------------------------------

يا زاهر أخوى شكراً على تقديرك
وأيدنا مع بعض لا تأخيرى لا تأخيرك
نقوم فيها البكور ونملأ بعيرى بعيرك
نفرغ فى الديار وما فى البشينك اضيرك

كتب زاهر الطيب
اصيل ود بلد الف كتر خيرك
فارقت الوطن مسكته انت لغيرك
واقف هناك في الغربة الله يجيرك
معدن نفيس حرام يتم تصديرك

كتب زاهر الطيب:

احييك مثنى وثلاث ورباع شاركت ايضا في منتديات كثيرة منها ( .......... ) نسيت انه ممنوع ذكر منتدى اخر من غير إذن هذه من قوانين المنتديات لكن ابحث في قوقل واكتب ( الشيخ فرح ) دوبيت مسدار وطبعت منهم ديوانين من الحوارات ...

وأخيرا فتحت في الفيس بوك لي ( عمك تنقو ) وعندي فيه 5028 عضو فيها شعر قصصي عن عمّك تنقو ....
احييك مثنى وثلاث ورباع شاركت ايضا في منتديات كثيرة منها ( .......... ) نسيت انه ممنوع ذكر منتدى اخر من غير إذن هذه من قوانين المنتديات لكن ابحث في قوقل واكتب ( الشيخ فرح ) دوبيت مسدار وطبعت منهم ديوانين من الحوارات ...

وأخيرا فتحت في الفيس بوك لي ( عمك تنقو ) وعندي فيه 5028 عضو فيها شعر قصصي عن عمّك تنقو ....

انا لما كتبت هذا ليس طلبا لشئ في نفسي ولا احب أن اكون رأسا يقطع أو ذيلا يداس عليه بالارجل ... فأنت تملك موهبة اكثر مني لا شك ... ولا ضير ان يكون البوست واحد والهدف هو واحد وإن شاء الله تجدني معاك ما ( ود قرنق ) هاهاهاهاههااها وسعدت جدا بيك ويلا يدا بيد لنتبادل الهواية في كتابة الشعر والمسدار وما شاء الله في مواهب مدفونه ظهرت ...

خالص تحياتي
اخوك /زاهر الطيب بركات

انا لما كتبت هذا ليس طلبا لشئ في نفسي ولا احب أن اكون رأسا يقطع أو ذيلا يداس عليه بالارجل ... فأنت تملك موهبة اكثر مني لا شك ... ولا ضير ان يكون البوست واحد والهدف هو واحد وإن شاء الله تجدني معاك ما ( ود قرنق ) هاهاهاهاههااها وسعدت جدا بيك ويلا يدا بيد لنتبادل الهواية في كتابة الشعر والمسدار وما شاء الله في مواهب مدفونه ظهرت ...

خالص تحياتي
اخوك /زاهر الطيب بركات

[b]

كتب معتصم شرف الدين:
خلاص يا جماعة كل القلوب اتصافت
البوست القديم مع الجديد اتلاقت
ما دايرين عتاب يلانا ننسى الفاتت
جيبو الغاليات خلو العدو يتهافت

الاخوة الاعزاء الحبيب زاهر الطيب والاديب بشرى ادريس لكم التحية والف مرحب بيكم بين اهلكم واخوانكم ونشكر لكم جدا اهتمامكم بهذا المنتدى كما نشكر لكم هذه البوستات الرائعة والمشاركات الراقية فدمتم لنا فخرا.
تحياتي،،،
معتصم شرف الدين

» مسدار من منتدى العيلفون
» بوست بعنوان منو الجابك لينا يابشرى منتدى العيلفون وأطلب منكم زيارة منتدى العيلفون
» الدانقا نقلاً من منتدى العيلفون
» مسدار لكل من يدخل الدار ..... ويحاول ويعور عين الشيطان!!!!!!
» تسمية العيلفون من منتدى العيلفون