مرحب بالاخ الرشيد الزين فى الزمن الضايع !!!!!

نحىّ الاخ الرشيد الزين الامام والذى قدمت أبنتة الفاضلة (وقطعت المركب قدامو ) ونحييك تحية (خجلانة كدى !!! ) لاننا صراحة من البارح ما عارفين رأسنا من قعرنا !!!!!ناس قالوا لينا السقاى أتغيرت بقت الطريفى !!! وكنا ما فاهمين (المدير ليوم واحد ده منو ) كدى أسأل لينا يحى المك أمكن مديرنا الجديد دة صاحبو؟؟؟؟ وغايتو أكان صاحبو يحى المك (بنظر فى الامر وما حايكون فى دك !! لكن خلاف ذلك إنت وصلت مع دك الورق وغايتو كدى أحضر معانا زفة المنتدى ما بقول مثواة الاخير !!! ولكن ربما التغيير بتاع أوباما الذى (أتحيير فيهو !!!!) على العموم رغم أنك ضيف والضيف مكروم لوفهمت حاجة ورينا ؟؟؟؟؟

الاخ الرشيد (وأخيراً ) أختصر الاخ محمد صديق الحكاية وقال بالحرف الواحد يابشرى أطلع من السقاى واقطع الخور وأعمل منتدى فى البتلاب !!! والله يا الرشيد دى مشوار طويل على من بيرمنجهام وأنا كنت أصبّح على السقاى كلها لابعرف بيلاب ولاسروراب ونتونس فى أمان الله الان جانا ولدنا محمد صديق وقال (نفرز الكيمان بتلاب براهم وسروراب براهم ) وأنا قريبك من أهلك البتلاب أها بعد ما حوشنا كان واحد قالو نسوى لينا حوش برانا!!!!!! ويازول أسع أظن باقى لينا ساعات بندردش معاك فى حوشنا القديم ده وكدى بنتشاور أكان أولاد القاضى وأهل المرحوم النصيح محمد أحمد علية رحمة الله قالوا أحسن نفرز والخوه فى محلها نفرز ونقول ليك لو جيت الطريفى أو السقاى أو البتلاب مرحب حباب وأنا يادوب فهمت (بعيد عنك فهمى تقيل شوية )

» ريم الرشيد الزين من منتدى السروراب جمعت لكم من تحدوا الله ماذا حدث لهم ؟؟؟
» مرحب بالاخ أزهرى عبدالوهاب
» مرحب بالاخ ناصر الزبير
» مبروك لاهل السقاي المنتدى
» بعد طول غياب