غدا الاربعاء 12-10-2009 سيتم اغلاق المنتدى

عدد المساهمات : 3 تاريخ التسجيل : 22/10/2009

غدا الاربعاء انشاء الله سيكون اخر يوم للمنتدى والانتقال للنتدى الجديد

بسم الله والحمدلله ولاحول ولاقوة إلا بالله وأصلى وأسلم على أفضل الخلق محمد بن عبدالله أولاً من هو المدير التنفيذى؟؟؟؟؟ وكيف ينتقل بنا بهذة الطريقة الى المنتدى الجديد دون الرجوع لنا وتحدياً للاخ ياسر الطيب الحاج وعلى العموم إذا كان المنتدى الجديد والمدير العام الجديد هذا أسلوبة فأنا أول المنسحبين من المنتدى الجديد وليعطينا لو تكرم فرصة أسبوعين حتى ننقل مواضيعنا ومساديرنا وذكرياتنا الطيبة فى هذا المنتدى وبعد داك نقول ليهو عليك يسهل وعلينا يمهل وفضاء الله واسع وتأسيس المنتدى فى ساعة أويقل .ولكم شكرى أخوكم بشرى مبارك إدريس من بيرمنجهام سلام .

نحي المدير العام الذي عين نفسه بتاريخ 22/10/2009م والذي اعلان عن ايقاف المنتدى بتاريخ 12/10/2009م يعني سوف يتم ايقاف المنتدى قبل تعين المدير العام للمنتدى.
وبعدين غداً ليس يوم 12/10/2009 غداً يوم 11/11/2009م وان صح الخبر كنا نود ان يشاركنا المدير العام في الأجر بتقديم أي مشاركة كانت أو على الأقل يشكر الذي ساهروا وبزلوا الغالي والنفيس طوال هذه المدة، وعلى كلن نحي المدير العام ونتمنى الا يكون شرب من شربوت اختنا مينو واثر على ذاكرته ولخبت عليه التواريخ.
وتحوطا من جدية هذا الخبر ارجو لملمت المواضيع وحفظها كما أمل من الاعضاء تسجيل الايميلات الخاصة بالاعضاء حتى يسهل التواصل، هذا الموضع غريب وربنا يكضب الشينة.
وما يزيد الأمر غرابة ان المدير العام للمنتدى أول مشاركة له هي الاعلان عن ايقاف المنتدى اريتو مدير الهناء والسرور.
والغريب ايضا انني بحثت في قائمة الاعضاء ولم اعثر على تسجيل للمدير المذكور مما يؤكد انه فعلا ان هذا الخبر من قبل الادارة التي تشرف على المنتدى.
ولا يسعنا الا ان نتقدم بالشكر الجزيل للذين قدموا لنا هذا المنتدى طوال هذه الفترة ونسأل الله ان يجعله في ميزان حسناتهم واكرر شكري وتقديري للذين ساهموا وشاركوا معنا طوال هذه الفترة.
بريدي الخاص: [ندعوك للتسجيل في المنتدى أو التعريف بنفسك لمعاينة هذا الرابط]

اقفلو المنتدى عمرو ماكان هوحلقه الوصل بيناتنا نحن ناس السقاى ولا حانفقد شئ بى قفله المنتدى ومستعدين نعمل منتدى وموقع كامل للسقاى
وبعدين زمنا ده كلو متواصلين وممشين شغلنا واحسن كمان وده كلوقبل المنتدى ده
وبالنسبه للمغتربين اولادنا من زمان عندنا صندوق اسمو صندوق دعم المغتربين وما سبقنا عليه زول قبل كده ومن انجازاته دعم بناء فصول دراسيه فى مدرسه عبدالجليل فضل السيد الثانويه واعمال كتير ه اه الزمنداككان فى منتدى ولا غيرو
عليك الله اقفلو يالمدير العام قاغ ل مدير عام والله نعمل منتدى لما تتحير انت والمعاك والله نخلى اى شى ونقعد قصادالمنتدى
ونحنا مابغلبنا شى ولينا سوابق فى الحته دى قاعدين نقلع حقنا وحق الناس عيل كدهوحمره عين ورجاله ومابنتهدد (اقفلو ياخ فى60)

دا كلام شنو دا يا ناس الزول دا قاصد يطفشنا عديييييييييييل
والله كده مابتجي
اولا المنتدي هسي مرغوب للمواضيع الفيه
وما ممكن يتقفل ونبدا تاني من اول
عموما قرار غير حكيم من ادارة المنتدي
ليس بسبب قفل المنتدي
لكين المفروض الكلام دا يتم اعلانه من بدري
وتنقل جميع المواضيع بالمنتدي للمنتدي الجديد
عموما لو الاداره قرررت فعلا تقفل المنتدي بوكره
بدون نقل المواضيع القديمه
اقفلوه والله معاكم
وزي ما قال السرورابي
نحنا ممكن نعمل مليون منتدي للسقاي
ومش اي كلام
وكمان نشيل مواضيعنا الكتبناها هنا كلها نوديها هناك
والسلام

يااخوانا السلام عليكم
والراى واضح ومن خلال ردود الاخوان
حقو تكون فى فرصه لنقل اشيائهم ومشاركاتهم
وزكرياتهم اللى بعتبروها جميله وماممكن يتحصلوا عليها بسهوله
او ياالمدير العام انقل كل الموجود بالمنتدى القديم وبعدين اعلن زى الخبر
ده بعد ان تكون كل الترتيبات اكتملت ، ورأى الجماعه برضو مهم والا شنو؟
وانا حقيقة مع رأى الاخوان

المدير العام للمنتدى أنت الان الساعة عندى 17:10 فى بيرمنجهام أرجو أن توضح لنا الحاصل لو مداعبة أو جد حتى نعرف الحاصل ونعطيك رأينا ونشيل ونخت معاك لانك بتخاطب أخوان وأهل فيهم العقلاء والفاهمين ومن يمكنهم تحمل كل شىء بالتفاهم فهل تكرمت وشرحت الحاصل رغم أننى خارج خلال عشر دقائق وسوف أعود متأخراً جداً .

ياجماعه دي مجرد مداعبه من شخص
والدليل انو مدير اي منتدي يعين من قبل الموقع المخدم تلقائيا عند انشائه للمنتدي
والزول دا لو شفتو بياناتو مسجل يوم 20 -8-2009
واعتقد انو المنتدي قد انشئ قبل ذلك بكثير
والله اعلم

عدد المساهمات : 308 تاريخ التسجيل : 05/02/2009

هووووووي انتو جادين

دا شنو دا ومالكم زعلانين كدة

المدير العام مسجل بتاريخ 22/10/2009 م
تاريخ قفل المنتدي : 12/10/2009 م

نحنا الان في شهر 11/ 2009 م

لاكين يا المدير العام فضحتنا فضيحة lol!

الجماعه ديل كلهم صدقوا لكين عملتها فيهم
بالغت

بلامس(كان إسم سهرة تلفزيونية رايعة !!!) بلامس عندما ظهر خبر المدير العام وموضوغ أغلاق المنتدى وبعد كتابة ردى كانت لدى مواعيد معاينة فى مكتب العمل وتأخد جل اليوم حتى الساعة الثالثة وفيها إنتظار ممل وسخيف لذلك أخذت (كل عدة النجارة معاى !!) دفترى الذى لابفارقنى وشنطتى والاقلام بأنواعها . أخذت رقمى وهناك أماكن معدة ورايعة للكتابة ولكنها لم تكن معدة لكتابة خواطر وقصص ومسادير وأنما طلبات وردود للشركات وجهات العمل ودى عملتها فى النت وجيت جاهز !! بدأت فى كتابة مواضيع مختلفة ولكن عندما فرغت وجدتها 6 مواضيع ووزعتها على المنتديات وجدت منتدى السقاى (نصيبو ضعيف ) هنا تذكرت (الشاكوش !!!) وبراى قلت والله الشواكيش دى تاريها صعبة وأشكر أختى مينو التى أستجابت لى فى عدم (عصرى فى موضوع الشواكيش ) لذلك أعطيها هذا الموضوع وتتعدد الشواكيش والالم واحد !!! ففى الحقيقة شاكوش منتدى السقاى ما كل الناس (سوف يوجعهم !!) ولكن المداومين والمكنكشين فى المنتدى ومن فاق ال 30 موضوع فى الشهر هو الذى يتألم (والولف قالوا قتال وأدروب ولوووف) وهذا هو الذى يجعل المشوكشين يترددون على العيادات وأهل أخونا عمر عبدالله المسلمى الكباشى لان الشاكوش خلاهو بين الميتة والحياة !!! وأعطيكم مثال لتعلقى بالمنتديات عامة ومنتدى السقاى على وجه الخصوص . أنتقلت الى بيرمنجهام ووقف معى صديقى أبوبكر وطارق ممن كانوا معنا فى المانيا وبدأ هذة الايام حراك شديد من بون الى بيرمنجهام وأبوبكر قايم وقاعد مع الناس يوم فى المطار ويوم فى وكالات السكن وأتصل عليهو مرة مع السودانى ومرة مع الفلسطنيى ومرة مع السورى وكلهم أعرفهم ويعرفونى وقدمت لهم (فى حدود المعقول ) ولابد فى شغلى وبيتى ومنتدياتى !! وأبوبكر لاعلاقة له بالمنتديات ومن النوع الملول والمقلق ويحب فقط (اللمة والونسة والحكاوى !!!) فكل يوم يتصل على لنذهب لى فلان وأنا أنجر فى الاعزار له والمسادير للمنتديات !!! البارح أتصل على وطواى بدون ما أشعر وافقت !! أتدرون لماذا من الخوف من الشاكوش (فوبيا الشواكيش ) وأرجو من العمالقة ود القاضى وياسر الطيب الحاج أن يفتحوا بوست عن الفوبيا ومسبباتها وعلاجها وأنواع الفويبيات ولا ينسوا (فويبيا هزائم الهلال والتلاتة الجايات والاكتر من الرايحات ويطمئنوا السرورابى الذى أصبح يساسق بين الخور دون أن يدرى أن المريخ مهزوم مهزوم !!!!!) . وافقت للذهاب للاخ مصطفى والذى ذكر للاخ أبوبكر أن بشرى لم يزرة (رغم أنو هو ما زارنى ولايحزنون) ولكن رأيت وهو عذابى رغم أننى مريت بهذة الفترة العصيبة وتحملتها دون زيارة من شخص وحتى أبوبكر كان وقتها فى السودان ولكن بحمد الله قضيتها فى الاطلاع وأطلعت على 4 كتب من 600 صفحة ومافوق !!) المهم ذهبنا وأتصل مصطفى بمجموعة (من القادميين الجدد ودارات الونسة وذكريات بون والعمل واللقاءات وكيفية الانتقال الى بون فى بداية 2000م والان الانتقال الى بيرمنجهام وفرح بعض الاخوان (الخرافى بجو بيرمنجهام الروحانى والاجتماعى والذى يختلف نهائياً عن المانيا وبون ) ومن أكثر الاخوان تعبيراً بهذا الفرح الاخ المصرى أبوهشام والذى كل ما تسمعة تسمعة يقول (الحمد لله الى ربنا قابنى بيرمنجهام بالطريقة واللهجة المصرية المعروفة لديكم ) عندما عدت وجدت أبنائى فى فى غرفتى مع النت أحمد فى اللاب توب وإسراء فى الديسك فسألت إسراء من السبب فقالت عندها مذاكرة وأحمد برضو وطوالى على سريرى دون أن أستأذنها لكى أعرف آخر أخبار المدير العام !!!!!! ولكن لما قمت لصلاة الصبح ولاول مرة أعملها (الشمار قتلنى !!!) فتحت النت سريع وتأكد لى أن المنتدى موجود ففرحت وواصلت قرآتى وصلاتى ونسكى ودعواتى بأن يبقى المنتدى حتى يتواصل الجميع لان مكاسب المنتدى بالنسبة لا تحصى ولاتعد ومن يقول المنتدى لم يأت بجديد ولم يؤلف بين القلوب فلم يكن دقيقاً نسأل الله أن يؤلف بين قلوبنا دون أن ننفق ذهباً ولا فضة ودون أن نأخذ( العدة) مع تحياتى الى صائد النجوم نزار الامين أحمد الامين .

الاخ أحمد عبدالعزيز على بابكر شارك بموضوع واحد كان خبر خطوبة ابراهيم سيدأحمد والذى نفاه وزاغ منذ ذلك الخبر لاندرى ذهب السودان لكى يعملوا جد أو وصله شاكوش أم فى مرحلة (تجكيس وممنوع فيها الاقتراب والتصوير حتى من المنتديات )!!!!!!!! وأنا أقلب فى الاحتمالات وضعت أحمد عبدالعزيز خاصة أن أحمد دارس شبكات وممكن يدخل الشبكة بى درب تحتانى أو (نفاج ) لايعرفة بشرى وغيرة ويسحب مشاركتة ويبدأ بمشاركة الاغلاق لو صدق توقعى يكون ملك (المقالب ) والذى فاق الاخ زين العابدين الشيخ الطيب الاستاذ والمدير السابق والمعلم الناجح والان رجل الاعمال الموفق وتحياتى له وللاسرة الكريمة .

اليوم تم القبض على المدير العام للمنتدى وهو متلبس في تمام الساعة 11:30 بتوقيت السعودية، يعني الموضوع جد جد وعلى كلا تحياتي وتقديري للمدير العام.

لكن والله لكن مدير عام جد جد مرة يقفل ومرة يقبضوة (أريتو مدير السرور ) وأكان عرفتو والخبر أصبح حقيقة أو قبل أن يصبح حقيقة لم مواضيعنا ومواضيعك الحلوة وأكان حيين بنتلاقى .

عدد المساهمات : 3 تاريخ التسجيل : 22/10/2009

سلام عليكم
انا هنا لابلغكم بامر لا يعني لي الكثير وقد يعني لكم الكثير وهو عيلكم الاستعداد لاغلاق المنتدى نعم المنتدى سيعمل لايام قادمة لا اعلم كم هي! وكل ما اريده هو E-mail Address لارسل عليه Data base Files التي تحوي بيانات اغضاء المنتدى ومشاركاتهم حتى نهاية شهر اكتوبر 2009 للاستفادة منها في بناء منتدى جديد وهذا كل ما بوسعي.
ملاحظة:
انا لا اعادي جنسية معينة او لون معين بل اقوم بعملي فقط وهناك منتديات اخرى تم اغلاقه من دون تذكير او تنبيه ولكم شكري.
لاي جديد ساخبركم وارجو ارسال E-mail Address على [ندعوك للتسجيل في المنتدى أو التعريف بنفسك لمعاينة هذا الرابط] لارسل لكم ملفات DB.

الاخوان مصعب والسرورابى بما لديكم من خبرة فى البرمجة أرجو العمل على حفظ المواضيع حتى نقوم بعمل منتدى جديد .

عدد المساهمات : 340 تاريخ التسجيل : 22/02/2009

[color=red][size=24]وعليكم السلام

عدد المساهمات : 340 تاريخ التسجيل : 22/02/2009

ياناس زول يفهمنا الحاصل شنو

والله يامينو أنا شخصياً (أطرش فى زفة !!) ويا محمد صديق لماذا الخطاب لبشرى مبارك وهناك 170 مشترك غيرى؟؟؟؟؟؟؟ على العموم لو قصدك تفتح نفسى بالذهاب الى منتدى الطريفى فقد أوضحت لك رأى وأكان ما بار أكون أنا مابعرف منتديات . وأهم شىء هذا الذى ذكرة لكم ياسر الطيب الحاج نحنا عايزين منتدى يجمع عليه الناس فمن الذى أجمع على الاسم والانتقال والمدير العام أو المشرف العام ولماذا لايفتتح المنتدى بموضوع فى المنتدى القديم وينقل الناس للجديد ويشرح للضيوف (ولايسد أمامهم الطريق مثلما كان يعمل بشرى وود أحمد !!!) لماذا هذه النقله ؟؟؟وهل نجح إنقلاب الانقاذ سياسياً حتى نكرر الانقلابات فى المنتديات!!!!!!!! ؟؟؟؟ولكن هذه هى الشخصية السودانية التى ترضى دائماً الرجوع للخلف متى ما دفعوها أماماً وكأنى بها مثل (فيل أبرهة الذى رفض التوجة للكعبة لهدمها ) فأنا أرفض التوجة للمنتدى الجديد حتى لا أهدم كعبة العلاقات مع من أتو من السروراب والكباشى والناوين الحضور من ودبهاى للسقاى وليس الى (الطريفى ونصحيتو !!!)

عدد المساهمات : 340 تاريخ التسجيل : 22/02/2009

والله العظيم ثلاثة لايوجد قصد او انشقاق قلت عاوز حل لي حفظ ماكتبنا هنا وهدفي كله ان لايضيع مجهود الجميع واعتزر لاني احب المساعدة وفعلا انت عندك مشكلة وانا غلطااااااان

ياجماعه السلام عليكم
يالمدير العام وياياسر ومحمد صديق الفاهم فيكم يفهم الجماعه ديل
وواحده واحده ماتحرقو روح الناس.
وكم المهله المتاحه للناس علشان ماينقلو مواضيعهم ، وهل فى امكانيه
من جهه الموقع الجديد لحفظ المشاركات القديمه حتى لو من باب الارشفه
وكزكريات للمنتدى القديم ؟؟؟؟
نرجو حد يوضح الحاصل علشان الناس تكون علر بينه من امرها
ويعملوا احتياطاتهم.

افيدونا مشكوريييييييين

اخى محمد صديق نحنا لينا 10 شهور مع بعض وأنت مصر تترك موضوعى وتتحدث عن أشياء أخرى يأ أخى لو لخبطتك حكاية الكعبة والحج والاشهر الحرم أنا أكتب ليك كلام واضح وهو 1 حفظك للمستندات لا حديث لنا فيه وعهدنا بك أمين وسوف تظل لذلك إن شاء . مانريد الاجابة علية لماذا إنشاء منتدى جديد بإسم جديد دون الرجوع للمشتركين والقائمين على الامر مشكلتى أنا أعرفها وهى : أننى الوحيد الذى أتصدى للاشياء الغربية التى لايوجد لها مبرر وهى تغيير إسم المنتدى فى الوقت الذى أصبح جاذباً وجامعاً للناس بشهادة مينو أسعد الطيب وريم الرشيد الزين وعمر عبدالله المسلمى .
[b]

أشرف جادالله عبدالرحمن بحاول الاتصال عليك تلفونك فيهو مشكلة !!! ضرورى أرجو الاتصال على أكرر ضرورى ولك ودى. وأعمل حساب بقرتك ما تضيع ومسادير ما تشيع وشد حليك فى (ودالطريفى وخليك زول نصحية ) والله نحنا لاناس نصيحة ولا الطريفى زولنا ولا قريبنا !!! ولابنحوم بى جنبو ودبهاى وسودانى للابد والمنتدى الجديد الذى سوف يجمع عليه كل الناس نحنا معاهو والانفراد بالقرار لايلم الناس لا فى المنتدى ولا المبتدى ولا المنتهى !!!! وحكاية بشرى عندو مشكلة دى نغمة تكررت من ثلاثة أعضاء أعرفهم وأعرف ردودهم !!!!

عدد المساهمات : 340 تاريخ التسجيل : 22/02/2009

العزيز اشرف والله انا زاتي مافاهم حاجه بس وجدت هذا التحزير وحبيت اقدم خدمة حسب معرفتي القليله وانشات منتدي مجاني للحفظ وليس المشاركات لكن هذا لم يعجب العراب والعبقري بشري هل اسميه باسمي ولاباسم ابني سميتو ام طريفي اقسم بالله كرهتنا السقاي وكرهتنا المنتدي