نرحب بعبد الغفار عبدالملك عبدالله ود سامية البشير أبراهيم الخالو السر البشير

نرحب بالاخ والابن عبدالغفار عبدالملك عبدالله وقد أزدهر المنتدى ونوّر وأتفضل وقول بسم الله الرحمن الرحيم وأدينا مواضيعك وأعدنا أن تأتى لنا بالاخ أيهاب عبدالله عبدالله لانى عندى موضوع بحث عن جدو التهامى عايزو يعملو لى!!!!!! وماتقول ليهو الموضوع ده يقوم يشرد من المنتدى قبل أن يدخل .

عبدالغفار مرحب حبابك .....ود عبدالملك وعبدالله
ورينا الجديد ورينا المفيد........ الخاتى من الذله
ما تطول غيابك دق وأفتح لبابك وأحمد وأشكر الله
ويحفظك الكريم ويحفظك الكريم فى كل وقت ومحله

الاخ عبدالغفار لك الود رد الاخ خالد عبالحى (خالد ده ما عنكم ليهو فرفرة والله إنسانية والله ود البنيّة )!!!!!! ردّ خالد معلقاً على المسدار وقد أفاد بحفظة !! فى إنتظار ردك وإن شاء زى رد أشرف (فى بوست زول البقرة !!) أشرف لمينا فيهو أنا وصاحبو هيثم حسن الطاهر مسادير حتى أصبح ينجر زينا واحدة بواحدة!!!! وأسع أظن بحضر للمشروع القادم ويدخل فى باب الغزل لكن مشكلتو ما بحب الملحن والاستاذ أحمد المك وأنا ما بعرف غيرو ما عارف أودي شعر أشرف ده وين ؟؟؟؟؟وأها نحنا منتظرين الشعر والسوق وتحياتى للاخ أشرف جادالله عبدالرحمن أشرف الاظرف .

لوجمعت الشوق مراكب ولوتليتك ايه ايه ..ولوجعلتك فيني مرفئ .. ولوجمعت حروف لغتنا وابتديت ارويك حكايا.. ولوشتلك فيني ورده..وابتديت اسقيك دمايا.. مابكون عبرت عنك ولواجيب الكون هدايا شكرا العم بشري علي هذا الترحاب الحار وعلي هذه الكلمات الطيبه وان دلة انما يدل علي اصالة ابن السقاي فالك كل الشكر (النجرلسه جاي ورا )

شكراً أخى عبدالغفار وطالما تكتب مثل هذه الحروف العذبة حتى لو ما حقتك ..... صدقنى حا تنجر قريب وأنا أبشرك بأن نستلم قريباً إنتاجك وتنضم الى شعراء المنتدى وتكون أقدميتك الشعرية بعد أشرف جاد الله عبدالرحمن وأحفظ كويس الحكاية بعد شوية حايكون فيها غلاط !!! لكن ما خليت ود خالك ود الكباشى خالد يتلفت بس مكنتو بتكون الحفظ !!!!

الاخ فرفور تعجبنى وتطربنى الكلمات العذبة والرايعة ووجدتك ماشاء الله تفرفر (ولا سادووووووومبا وأمبيلى وعينى باردة وخلى سامية تبخرك !!) وقد نجرت لك رباعية أتمنى أن ينجرها سادومممممبا وأمبيلى وأخوانة فى قلعة المريخ الحمراء حتى نقلبها سوداء ولكن دون تحطيم أو إتلاف أو قله أدب
زوأتمنى أن تكون معانا وليس مع صالح وحمد ود أبوالقاسم وأبوالقاسم العوض ومزمل أبوالقاسم . والان الى الموضوع :
والله يا فرفور خطير ... وإنت حا تنجر قريب
إنت خليك بس معانا .. لو فى ضل جنب عنقريب
وأحفظ الكلمات لشاعر كان لبيب أو كان شعيب
وراجع الشعر القديم والحديث تلقاهو رايع كلو طيب

» زواج إبننا عبدالغفار عبدالملك عبدالله إدريس بالسقاى البتلاب 6 مارس 2015م
» نرحب بود الكباشى عمر عبدالله المسلمى فى منتدى أبناء السقاى
» لقاء رياضى مع الكابتن السر البشير إبراهيم يقدمة مصعب الزبير خوجلى (الجزء 1
» نرحب بالاخت نهى عبدالله عبدالقادر وزوجها وبناتها من هامبورج
» جيييد ..... يا أبراهيم حمد والمشجع البتلابى عبدالله ودالفكى