جانا العيد

احمد عبد العزيز وانتي جاي جيب معاك خرفك بتاع الضحيه

لية يوسف عبدالفتاح عينو والى الخرطوم وطوالى (أهل البهايم دسوها )!!! والله يوسف عبدالفتاح تانى لو رجع ما يسك أى زول وأظن زمن (السك والجرى ولّة وزمانو فات وغنايو مات !!!) يا أخى مالك خوفتنا أسع أنا جاى من بريطانيا دى أجيبو كيف ؟؟؟ لكن نحنا جيتنا هينة وأكان فيها خروف بنرسل حقو ونقعد هنا !! وكل سنة وأنتو طيبين !! والله فعلاً فرفور قدر ما حاولت أقبضك ود منو غلبى (من فرفرتك الكتيرة !!!)

الود عيونو زايقه ودايرو يعرس في الضحيه عشان ما يعما علينا

الاخ والابن عبدالغفار عبدالملك عبدالله الحمد لله أنك (بتفرفر الفرفرة الدايرة أنا ذاتى ) وأتخيل أنا جاى ومعاى أحمد من صلاة الصبح (طبعا الليلة الاحد إجازة عندنا ) والمسجد ما بعيد نفس مسافة بيتنا وبيتكم من جامع البتلاب وأول برنانج لى بعد الصلاة هو الدخول على النت ومنتدى السقاى وطوالى تدينى أخبار الوالدة والخلات والعمات وأخباركم وعريسنا مبارك أى أخبار أحلى من هذة خليك دايما مفرر يا فرفور إنت !!!!!
تخريمة : أوعة بعد شوية تقول لى رسل لى قصيدة عشان أقدمها للاستاذ صاحبك أحمد المك أنا بغنى كمان !!!!!!!!!رغم أننى لا أرفض ولكن سوف يكون الموضوع مفأجاة !!! لك ودى .صاحبك أحمد عبدالعزيز خلى عينو تزوغ لينا فى المنتدى ويشارك بعد (المكنة التى أطلقها بخطوبة أبراهيم سيد أحمد ) نريدة أن يظهر وقد شارك بموضوع واحد وحتى (مصعب إنسانية نسى أن يعرفة لنا مثلما عرفكم أظنو عامل فيها زعلان قول لى إنسانية أحلق إنسانيتك أقصد ألحق أحمد عبدالعزيز ) ختاماً تجدنى أكثر سعادة بالتواصل معكم وطلبنا عايزين أيهاب أيهاب وجنب الباب (يعنى باب المنتدى وليس باب الحارة !!! )لا أقول وداعاً ولكن الى لقاءءءءءءءءءءءءءءءءءءءءءءء.

عدد المساهمات : 101 تاريخ التسجيل : 06/07/2009

نحن ما عندنا مشكلة مع الضحية المشكلة عندكم انتم (حقوق الحيوان) يعنى يابشرى تدفع ثمن الخروف ولاتشوفى ولا تاكل لحمه حقه ترسل الابن احمد بشرى يشوف الضحية كيف فى الحلة الخروف يذبح يشاهده على الطبيعة ونخلى احمد عبدالعزيز يصور عملية الذبح والسلخ الى المرارة وسلخ الراس والجلد للجامع او المدرسة الى ان يطبخ ويأكل ، كفارة للوهمة الفكاها فى ابراهيم سيد احمد ، يوسف عبدالفتاح جابوه تانى لولاية الخرطوم مستشار للوالى يعنى يمكن ينزل على اصحاب البهائم من الجو كما عملها سابقاً