استفسار

عدد المساهمات : 61 تاريخ التسجيل : 04/05/2009

هل هناك اسماء مستعاره علي المنتدي الجديد ولا نشوف لينا اسم

ياود احمد سلام عليك
انت بالذات حيرتنا معاك والله انا لى هسة ماعرفتك
ياتو ود احمد علشان كدة اى زول ياجماعة اخش لينا بأسمو كامل
وخلونا من حركات السعوديين دى
وقبل المنتدى الجديد ورينا ود احمد منو
لك وللجميع التحايا

ود احمد تحياتي
وحات الله انت بالذات كان ما وريتنا اسمك واسم ابوك واسم امك وسم ابو القدح كان سويتلك قدح وبعد داك نشوف ونفكر في اشتراكك....

الاخ الذى أستفسر ولكل أهل المنتدى من أهم الشروط فى المنتدى الجديد هو أن الطلب يقدمة لنا صاحبة بلاسم الحقيقى ويستلم رد الموافقة بعد أسبوع وله الخيار أن يشارك بود نفاش أم ودرملى!!!!!! ولكن الادارة تكون عارفة اسمة ورقم التلفون وسيرتو الذاتية (الخايف عليها !!!) وأعطيكم أمثله
تقدمت بطلب لمنتدى السروراب غرب وأنا أعرف نصف السروراب ويعرفونى وأعرف الوزير الاسبق للداخلية الفريق شرطة دكتور عباس أبوشامة وكتبت قصيدة طويلة عريضة ذكرت فيها مجموعة من الاصدقاء وزملاء الدراسة من السروراب وقدمنى ياسر الطيب الحاج الى يحى المك صاحب والمشرف العام ووصلنى الرد بعد أسبوعين وكدت أن أصرف النظر .
فى منتدى ودبهاى قدمت لى الدعوة من المشرف العام وصاحب الفضل فى المنتدى وصاحب 1640موضوع وأكبر عدد وبعد أن أرسلت بياناتى أتصل على يوسف التوم فى الرياض وسأله عنى وبعد 5 أيام أرسل لى التفيعل لذلك من الان أى زول كان داخل بإسم (حركى ) يدخل بالاسم الحقيقى ويكتب مواضيع تجعل من المنتدى قبله للزوار ولكم ودى .

عدد المساهمات : 61 تاريخ التسجيل : 04/05/2009

الله لا حيرك اشرف لك كل الود استاذنا العسل ليه كدي انا مسكين الخوف تقول اربعه صور وواحده شمسيه عليكم الله اسمي دا مالو عيبوه لي محترم نفسي ومحترم الاخرين الاخ الجاوب هل انت الوصي علي المنتدي ومن انتم لكي اقدم لكم طلبي ومن قبل طلبكم انتم لادخل لنا بالمنتديات الاخري واعلم لو يوم من الايام تعديت اسلوب النقاش او جرحت او تلفظت بكلام غير لائق سوف اكتب اسمي الحقيقي ولن اهرب

والله لا أنا الوصى ولا أريد ولا أرغب أن أكون المشرف ولكن أنتم طلبتم النظام وهذا هو النظام المعمول به فى المنتديات المنظمة وأكان عايزين الجوطة خلونا نجوط فى منتدانا ده ود أحمد الاسم ما عندنا فيهو كلام لكن عشان عين نكرم ألف عين ولك أنت تتخيل اى شحص وهو (مجهول لك كيف تتعامل معه !!! ) تعلمنا من المنتديات ثقافة المنتديات ونريد أن نجارى المنتديات بل نفوقها وودبهاى فى الجزيرة والسقاى (فركة رجل تلقى نفسك جوة القصر ) فهل سوف نرتب أمورنا ونطلق بخورنا . وكل المنتديات تحذر لا للمنقول ولا للمجهول وهناك منتديات تقول لا للردود الكتيرة !!!!!

» استفسار
» استفسار صغير