الماضي الجميل

عدد المساهمات : 41 تاريخ التسجيل : 28/10/2009

كل الاماني الكنته شايله في القليب ودعتها
كل الليالي الحلوه ديك والامسيات العشتها
اصبح وحيد مكسور جناح امالي انت صرعتها
وجفت شتو حبي المعاك الجو فيني زرعتها
لملمت ماضينا الجميل وكل كلمه حلوه سمعتها
وكل لحظه مرت من عمر حبي المعاك جمعتها
وشدت رحالي مودعك كل حاجه فيك عقشتها
ليه يازمن كل ماهويت انسانه انت تصدها
وكل مافتح ابواب هواي تصبقني داير سدها
انا قلبي مليان بالحنان وموده ياما شرحتها
يامارويت منو الحبيب كاسات بيصعب عدها
وشيدلو من عطفي القصور الليله شفتو بهدها
والليله اتنكر نسي ايام هواي هنانا ومدها
واتنكرت نست الهواى ايام هنانا وودها
وزي ماحصل بيناتنا بس جات الرساله وردها
معتزره عن كل الحصل متناسيه في يوم رتها
ليه بس حرام مانت امالى وسعاتي العشتها
مانت لحظة انتظار في عمري كنت زرعتها
ما كنتي انت الحب زمان لحظات هواي ليه بعتها
ماكنت لي ليلي النهار الشمسو اصلي عشقتها
ماكنتي لي نفسي السكون وفي لحظه انت كسرتها
حاربتني ليه ياظلوم وجيوش جفاك جنتها
لي نهايتي تتمنا الزمن يسرع يقرب وقتها
ولي موتي تستبق القدر يمكن يسرع وقتها
وزى مانسيت انت اللكان واشواقي ديك بنار جفاك حرقتها
لازم كمان انساك انا وانساها اجمل كلمه ليك انا قلتها
وارجع اعيود اباء الطريق من اوله وانساه غلطه معاك كنت صنعتها
اديني احساس بالامل ياماضيا اتلاشت معاك كل الامان العشتها

عدد المساهمات : 41 تاريخ التسجيل : 28/10/2009

حلاوة الدنيا إنك تبقي بين اهلك وكل الدايرو يمكن بالحطاوي تشوفو
أحسن من تكون سوا مهاجر ديمه يبكي علي الزمان وظروفو

هلي في السقايات الثلاثه تحيت شوق وود وإحترام وارجو ان تقبلوني بينكم اخا .ارجوه خفيفا عليكم ولكم جميعا كل الود

هيثم حسن الطاهر يارايع أرحب بيك مرة أخرى وقد قدمت لك ترحيب فى منتدى أخبار السقاى وهآنذا ألحق بك فى مكانك الذى أتوقعك أن تكون (مرابط فيه على الدوام بإذن الله ) لكى أستمتع بعطرك الشاعرى فلك ألف تحية من بون ومن بيرمنجهام فى بيريطانيا (أصلو أنا الايام دى زى راجل المرتين تقوم المدام تقرأ الكلام وتصدق ) وأنا بين المانيا وبيريطانيا وعلى العموم لو جاتك كلمات ما عجنتك منى أعرف أننى كنت (فى الجو أو البحر فى طريقى من هنا الى هناك ) وعلى العموم كنت زمان بنجر المسدار بطرف أيدى للجماعة لكن مسدار لى شاعر ده إلاّ قعدة عديلة !! وعلى العموم أقبل ده وأول مسدار ترحيب ولو ما عجبك نشوف البعجبك فى المره الجاية إن شاء (وطبعاً الشاعر عجبو قاسى !!! شوف أسع المسكينة دى فى القصيدة دخلتها فى أضافيريها كيف !!!!) وأقول فى المسدار :

قبل ماتدخل ..... عرفناك وجات حروفك
وأشرف الرايع معاك...... ريحة جروفك
إنت الخفيف...... ونحنا بنزيد يوم نشوفك
ليك تحية وكم تحية تلقانى فى أول صفوفك

عدد المساهمات : 340 تاريخ التسجيل : 22/02/2009

الاخ العزيز هيثم مرحب اكيد بيتك شرفتنا وفي انتظار ابداعاتك ليك وحشششه ياغالي سنيييين ما اتقابلنا عساك والاسرة بخير

عدد المساهمات : 739 تاريخ التسجيل : 07/03/2009

اهلا بيك هيثم ومرحب وزيدنا من كتاباتك وابداعك وسلامنا لسامى ولحسن الطاهر وماطول علينا

اهلللللللللللللللللين وسهلللللللللللين وحبابك ملايييييين
ياود التأخير شنو منتظرنك زى هلال العيد
وبالله عليك القصيدة الجاية تكون قصيدة (يامياسى)

حباب المبدع ابن الرجل الرائع هيثم الطاهر
ونقول ليك ان كان الزمن صدى عنك الحبايب
وسد عليك دروب الريد تعال لي عيونا بشيلك
ودعنا نزرع سوياً بالأمل شتلات الريد والمودة....
واكرر سعدنا ايما سعادة بوجودك معنا
فلا تحرمنا من هذه الطلات البهية
التي تريح النفس وتزهو بها الذات
والشكر موصول للفتى الذهبي أشرف
الذي فجر لنا هذا الينبوع الطيب

عدد المساهمات : 27 تاريخ التسجيل : 20/10/2009

[b]من يكتب مثل هذه القصيدة صاحب دار وهو المرحب ونحن ضيوف عند واحته الشعرية ونتفيا تحت ظلالها .فنرجو الا يبخل علينا بالمزيد والطلة حقيقة رائعة وفيها كثير من الابداع واهلا وسهلا.

عدد المساهمات : 41 تاريخ التسجيل : 28/10/2009

البشري الحبيب اشاء الله يوت متهني
تسعد ياصديق بالفرحه ديمه تغني
تملاها البلاد بهجه وسرور وتمني
نور منتداك واطربني انا مستني

عدد المساهمات : 41 تاريخ التسجيل : 28/10/2009

وينك يارايع والله الشوق يقرقك ويقرق 12واد معاك ادينا اخبارك وورينا وجهتك وإتجاهك

عدد المساهمات : 41 تاريخ التسجيل : 28/10/2009

حباب اهلي وحبابك إنت ياحمد
وحات الشوقشوقي انا ليك ماليو حد
دوام طاريك قريب شوفتنا تتجدد
قول أميييييييين قريب إنشاء الله ماتبعد

عدد المساهمات : 41 تاريخ التسجيل : 28/10/2009

ود الطيب الحبوب سلام ياراقي كلك زوق
حلاة الجمله بين إيديك تطلع زايد شوق في شوق
دوام إنشاء الله ياغالي نشوفك في النجيمات فوق
سقاياتنا بيك تسعد وتجيك السعاده سيوق

عدد المساهمات : 41 تاريخ التسجيل : 28/10/2009

اخي الجيلي ياخي نحن الضيوف وانت رب المنزلي والمنازل المجوره وتسلم ياخلي علي هذا المرور الرائع يارائع

عدد المساهمات : 49 تاريخ التسجيل : 26/03/2009

الاخ هيثم لك التحيه أيها الرايع المبدع . عرفتك مبدع في المستطيل الاخضر وقد كنت أشاهدك ومعجب بفنك داخل هذا المستطيل .واليوم أدهشتني بأبداعاتك الحرفيه . وأصل أبداعتك ولاتحرمنا منها .(وأتفر الباب فأنت صاحب دار فأهلابك ومرحب أيها المبدع[b]

» رومانسية من الزمن الجميل ... إبحــار في ذاكرة الزمن الجمل
» عودة بطعم شبه العرس
» البلد الجميل السميتو يمه ويابه
» نقلاً من منتدى العيلفون والزمن الجميل والاناشيد الاجمل والمحمل !!!
» أخترت لكم هذا الكتاب (الرد الجميل على المشككين فى الاسلام من القرآن والتوارة والانجيل والعلم )