محمد واشرف وغيره اليكم اقول

اولا السلام عليكم ورحمه الله تعالى وبركاته
من اهم اهداف المنتدى جمع الناس على كلمه واحده من اجل رفعه ورقى منطقتنا وتواصلنا بعد فرقت بنا السبل وطرح واقتراح الاعمال والتصورات كل على مايراه مناسيا على ان نتناقش فيه كلنا لنرى المقترح الافضل والاقرب للتنفيذ والانجح
وليس من اهداف المنتدى التحشيش او الفشخره او مايثار من لغط فليس هناك منا من هو فاضى وعلى فراغ حتى يجلس لينظر ويبوبر ويحشش فكلنا والله همومنا واشغالنا ومشغولياتنا اكثر من عدد شعر اكثر واحد فيكم مامصلع ذى ابفريوه
لذا احبتى علينا ان نبتعد عن ماهو غير مفيد ونلتفت الى الافيد لنا جميعا عسى ولعل نصل الى مانصبو اليه
اما فى موضوع التبرعات للخال عبد العظيم اولا ابراهيم سافر السعوديه ربنا يوفقو ويقدمو لى قدام
ثانيا اخدو رقم منتصر الهادى (ابو مرام) ورسلو على حسابو هو
ثالثاغ لا اعتقد ان هناك فشخره عندما يتبرع احد الاخوه ويكتب او ينشر تبرعه فليس هناك تحشيش او فشخره فى البيت الواحد او الاسره الواحده فانتم واجميع الاهل مذ ولدنا وجدناكم تتصرفون كبيت او اسره واحده فى كل شئ فى السراء والضراء فمثلا من ياتى با العشاء فى مأتم يعد فشخره او من يأتى بفطور فى نفير يعد فشخره او من يتبرع لفريق الكوره يعد فشخره لا والله لن ولن ولن يكون هذا حالنا ابدا فحالولو احبتى ان تفهمو بعض بقدر الامكان ويااشرف حاول انك تتصل تلفونيا بى الدعايه وتفهم منو ويفهم منك وكترو لينا فى المقترحات عشان نشوف الكويس ونمشى بى فنحنا محتاجين مقترحاتكم ووقفتكم معانا اكتر من اى حاجه تانى
والله من وراء القصد
والله اكبر والسقاى الى الامام مادمتم انتم ابناؤها سباقون لعمل الخير
والسسسسسسسسسسسسسسسسسسسسسسسسسسسسسسسسسسسلام

عدد المساهمات : 340 تاريخ التسجيل : 22/02/2009

الغالي احمد انت تعلم هم الجميع واحد السقااااااي وان نختلف برضو همنا السقاي اما قصدي من الممكن التبرع في السر او في العلن لقد انقطعت عن الاخبار التواصل عليك الله حاول لخص لنا ما توصلتم له من مشاريع ولجان 1 مركز الحاسوب بالتفصيل الممل 2المركز الصحي 3 المدارس 4 اي مشاريع اخري في انتظارك ياغالي الرد علي البوست مبروك لكم جميعا ضروري احمد ولك كل الود وللجميع

شكراً لك أخى السرورابى والله أكان بى صلعتك دى ما كتبت جنس الكلام ده كانت تكون عليك (صلعة وخراب ديار ) والحمد لله مصلّع (فوق رآى ) وأبشرك أن المنتدى سوف يجلب خير كتير للسقاى المثلثة (بى فشخرة بالخفاء المهم كلو مقبول عند ربنا وكلو يصل السقاى ) لكن عليك الله يالسرورابى أنا لو المنتدى ده كنت بعرف صلعتك وين وأنا لى 18 سنه خارج السودان ولما كنت فى السودان بين العمل والالتزامات والحمد لله زى ما أنت قلت بقى بيننا مقترحات نناقشها رغم أختلاف وجهات النظر لاكنها لاتفسد للود قضية وأعتبرنا كلنا داخل قطية وناكل لينا فى بلطية !!! هاك الشطة الحمراء دى !!تخريمة رياضية السرورابى نصف الدستة الضيعتوها فى الاتحاد المسكين كان توزعوها بين دروناتكم دى وتخلو للممتاز طعم مش تضيعوا مجهودكم فى (الحمام الميت زييكم !!!) هاك الممتاز ده

عدد المساهمات : 739 تاريخ التسجيل : 07/03/2009

التحشيش والقشرة مالها عيبوها لى اذا كانت فيها انجازات عظام مثل تلك التى وجدناها فى السقاى مدارس ومساكن معلمين ومركز شباب ومكتب بريد ومركز صحى اصبحنا نحشش بماضينا فقط اما نحن نحب الكلام فقط ليست هنالك انجازات تزكر بل بالعكس ضيعنا السقاى ولم نضف لها اى شى لاتعليميا ولا صحيا ولا رياضيا ولا اجتماعيا ولارياضيا ولا حتى اخلاقيا اين نحن الان من سقاى زمان انا لست ضد التطور ومسايرة الزمن ولست قابعا فى الماضى ولكن كان ممكن ان نطور ماضينا ونتاسى به ونساير ايجابياته ونعالج سلبياته ولكن كيف نعالج ونحن اهم السلبيات نحن اصلا نحتاج للمعالجة حتى نبداء فى معالجة السلبيات .
اما منتدى ابناء السقاى اصبح واحة للمناكفة والتحشيش كما قال السرورابى اما المقترحات والاشياء الايجابية اصبحت فى ارشيف المنتدى وفى نسيان وهذا يؤكد قولى باننا نحتاج ان نعالج انفسنا اولا وافكارنا ورغم كل ذلك نحن مع كل مقترح يفيد القرية وع كل راى يطور ولكم العتبى وعظيم المحبة

عدد المساهمات : 340 تاريخ التسجيل : 22/02/2009

الغالي احمد اصبح مفهوم كلامك كله تشاؤم وياس اخي اتمني الا يصل بك الاحباط الي ما لانهاية ان لم يكن لنا ماضي فلا حاضر لنا واعلم ان حال السقاي كحال كل مناطق السودان تغير كل شي وانت تعلم ذلك دعنا من الماضي البعيد اين اجهزة الحاسوب التي تبرعتم بها اين مشروع المليون كتاب اين واين لم نختلف معك في تكوين اللجنة وشجعناك وشجعنا انفسنا رغم ان من سابع المستحيلات تنجح للبعد الجغرافي بيننا وانتظرنا الاجتماعات علي المسنجر لكن لم تاتي وسعينا الي العمل هنا وكنا في انتظارتكوين لجنة المركز الصحي لتقديم العون والاجهزة الطبية والحمد لله توفقنا في تجهيز كرسي اسنان كااامل بجميع الادوات تبرع به سوداني عزيز علينا وصديقنا جزاه الله الف خير متبرع اسافر السودان اسبوع عشان اركب الكرسي علي حسابه الخاص وايضا كنا محتاجين لطلبات باسم المركز بواسطة وزارة الصحة وكل شي هنا موجود للمحتاجين وبطرق رسمية اوراق واختام لكن لم تظهر لجنة مركز لا لجنة منتدي والي الان منتظرين اين وصلتم في جمع الحواسيب والكتب وربنا اوفقنا علي عمل الخير مكتب السويد

عدد المساهمات : 739 تاريخ التسجيل : 07/03/2009

الاخ محمد لم ولن يتسلل الياس يوما الى ولكن اهو هذا هو الواقع بالنسبة لموضوع الحواسيب تابع كتاباتى فى هذا الموضوع وسف تجد ان سبب تاخرها هو عدم الاهتمام من القائمين على امر المركز لان شرط استلامها هو وجود مكتبة او مركز حاسوب موجود اصلا بالنسبة للجنة المركز حددنا لجنة شاملة ولها اعضاء فى القرية ولكنهم لم يحركوا ساكنا انا ردودى هذه لاتعفينى عن المسؤلية ولكننى لااتحدث فقط وليس من شيمتى الكىم فقط وعملى يتحدث دائما نيابة عنى والحمد لله خطوة كبيرة جدا وايجابية الكرسى ونتمنى المزيد واهو مثل هذا التفاعل وهذا العمل الايجابى يدفع بالعمل الى الامام اما موضوع الماضى ده كلام طويل سوف نفتح له بوست لوحده اما السقاى مثلها مثل باقى المناطق هنا اختلف معك لان السقاى فريدة ومتفردة بان قاطنيها كلهم اسرة واحدة وانت احسب الباقى لانرفض التطور كما زكرت سابقا ولكن ان لايؤثر على مخزوننا الاجتماى وارثنا الاخلاقى ولنا مواصلة فى هذا الامر

يااب حولة اولا سلام عليك
و حقوا الواحد يقراء الكلام المكتوب كويس وبعدين يرد
عليهوا اذا كان انت او غيرك مين الجاب سيرة فشخرة فى التبرعات او غيرة
حتى تعملنا رد خاص ومحاضرة طويلة عريضة مافى داعى ليها من الاساس
وماافتكر فى واحد قصدك تلميحا او تصريحاً فى احد المواضيع
اللهم هى آراء شخصية نبديها زى اى فرد من افراد المنتدى اما تقبل
اوترفض وبس
سلام

ة

عدد المساهمات : 308 تاريخ التسجيل : 05/02/2009

العزيز اب حولة كيفك وكيف ناس البيت

ياخي والله كلامك بقي كثير انتا وين جدية وبقية الشلة ؟؟؟

الناس كانت بتبداء شغل بي الليل واالرجال يجو يغزو ليك كوع زي المرة ويقول اها زي ما
بديتوها تموها وبنتمها غصب عنهم وبنطلع تصاريح ديزل (جاز ) وبنشيل قروش من المحافظ
وبنسوي رابطة اصدقاء التامين الصحي وغيروووووو وكلو بدون كلام كثير 0

وبعدين قصة المنتدي والفشخرة والقشري دي فكونا منها
لانو جد المنتدي لسة ما بقي عالمي علشان الواحد يقشر بيهو
ويقول هوي انا عضو في منتدي السقاي 0

والسواي ما حداث لاكن جد يا اب حولة الله يعينك السقاي فقدت رجل همام بسبب الغربة
وهو ابراهيم عبد المحمود 0 ويا حليل العمل الاجتماعي في السقاي ,
ونحنا هنا في المنتدي دا ناس كلام بس 0 والمكذب الكلام دا يوريني سوينا شنو غير الكلام
والنقة والكجار : كجار علي النت Crying or Very sad

وربنا يعينك والله

** واحد قال لي ابوهو جيب لي معاك زمبارة (صفارة ) ابوها عمل ما سامع
ولدو التاني قال ليهو هاك الخمسة جنية دي وجيب لي معاك صفارة

فرد الوالد والله انتا الزمبرتا

ونحنا ما اظن نزمبر لو ما دفعنا 0
مع السلامة

ونحنا هنا في المنتدي دا ناس كلام بس 0 والمكذب الكلام دا يوريني سوينا شنو غير الكلام
والنقة والكجار : كجار علي النت

اخ مزمل لك التحية والتقدير
الحمد لله انك قلتها مباشرة دون لف ولا دوران
نحن قلنا الكلام ضمنياً عملوا لينا بوست عدييييل
نشوف حايعملو ليك شنو ؟
ومشكووووور تانى

عدد المساهمات : 61 تاريخ التسجيل : 04/05/2009

حبابكم نحن نتناقش اذن موجدين احي فيكم روح العمل سؤال الي احمد القاضي ومزمل واحمد السرورابي الا يوجد بالسقاي ناس غير اعضاء الرابطة الثقافية او الطلاب قدموا خدمات للسقاي لا تظلموا شباب السقاي وياخوي مزمل والله العظيم حيطك دي اشتغلت فيها وكثيرين غير اشتغلوا فيها واذا اتيت للاعمال انا اعرف شخصين عملوا دورة رياضية ونجحت نجاح باهر وفي التكريم تم تكريم بعض الشخصيات التي لم تقدم شي للرابطة وايضا اعرف 5اشخاص قاموا بتشغيل مركز الشباب طوال شهر رمضان بدون مساعدة من حد وتم تنظيم دورة رمضان للكرة االطائرة وجميع المناشط كانت تنس مضرب ورق ضمنه ليدو و بعد الشهر وتجمع الناس تم تكوب لجنه من 15 شخص والله مااشتغل اسبوع الامثله كثيييير لاتعد لذلك دعونا كانت الثانويات وكانت الرابطة الثقافية ووو والكل خدم السقاي دعونا نبدا ولا نقول كان زمان ولكم كل المحبه هيا لخدمة السقاي

قال احد الشعراء:

ضعاف الأُسْد أكثرُها زئيراً....... وأصرُمها اللواتي لا تزيرُ

فهل كثر الزئير وقل النفير والمزامير على وزن (انت الزمبرتا).

وهل ينطبق المثل الجاهلي الذي يضرب لكثير الصخب بلا فائدة:

(اسمع جعجعة ولا أرى طحنا )
المنتدى الجديد عايز ليه (1300) ريال اعملوا المنتدى الجديد بعد داك انشاء الله تسوا ليكم فندق خمس نجوم!!!!!!!!!!!!

عدد المساهمات : 308 تاريخ التسجيل : 05/02/2009

ود احمد منو الزكر حيطة او غيروووو 0 والناس الاشتغلو في الحيط كثيريييييييين بس ضربة البداية هي الكانت مشكلة صح ولا انا غلطان يا ود احمد 0 ومنتظرين ضربة البداية من اشخاص غير احمد عبد العزيز او احمد عبد المنعم 0 ود احمد هل سمعتا بالرابطة الجهادية او الجمعية الطبية الاسلامية او اصدقاء الجمعية الثقافية الخيرية الايرانية ؟؟؟

السقاي فيها كمية من الناس وعدد هائل من الشباب المحب للسقاي

وزي ما قلتا 2 عملو دورة رياضية وكانت ناجحة و5 اشخاص شغلو المركز الرياضي لمدة شهر وواحد عمل حلقة تحفيظ لمدة شهر لية ؟ هل السقاي فيها 7 اشخاص بس ؟؟؟؟

لو لقيت جواب لي السؤال دا حتعرف انو الرابطة الثقافية ما كانت الا 7 الي 10 أشخاص
والثانويات كذلك والجامعات نفس الشئ لا تجد الا المكتب التنفيذي الذي يتحمل كل شئ 0 وفي كثير من الاعمال تجد الاسم كبييييييييييييييييييييييييييييييييييييير
والاشخاص البيشتغلو قليلين جداً

عدد المساهمات : 340 تاريخ التسجيل : 22/02/2009

المحيرني محمد واشرف عملوا شنو ابو الياء ان شاء الله بنتم الموقع والجميع مابقصروا امسك حبل الصبر ابو الزوز وود احمد الكل يعلم كلامكم ربنا اجعله في ميزانهم تخريمة المشرف حااكون منو اهم شي اكون ما دافع تبرع عشان مااقول مشرف بي حقي هوووي التخريمه دي مزححححه المنتدي مجاني للدافع والمادافع

عدد المساهمات : 49 تاريخ التسجيل : 26/03/2009

[b] [justify]لا تعليق والا احب الكلام وكل من يكتب يعرف محمد الطيب محمد نور ود خالد ودبقدوش لايحب الكلام ولكن العمل هو الرد علي ماكتبتم وكلامكم بندق في بحر الايفعل شي غير زعزعه الوز . وتاني شوفونا في المنتدي[/justify]

عدد المساهمات : 61 تاريخ التسجيل : 04/05/2009

الاخ العزيز فراولة نعم والله العظيم معروف لينا انت منو ولوماقلت كدي وزعلت معناه انت مافراولة ههههه اخي الله لاجاب زعل نتناقش ونتشاكل لكن نصل لي حل قبل تمشي ادينا تبرع للمنتدي الجديد هذه اول خطوة والباقي بنتموا بالتلفون تحياتي تخريمة زعلتك دي زي زعل الغالي الدعفري عندما كنا نفطر عن ود الحبوب زمن الجيلي الثانوية اظبط الفطور نشاكلوا الفطور شوية ا حرد امشي 5خطوات اجي راجع اقول قايلني بخليهو ليكم من هنا تحياتنا للغالي عوض احمد الدعفري والاخ عماد خير الله وعابدين الطيب والمعز مصطفي وبقية شلة الفطور

الاخ محمد الطيب محمد نور أرجو أن تعمل خاطر لنا نحن الاكبر عمراً فى هذا المنتدى ولاتنجر وراء هذه الردود وتبتعد من المنتدى أبتعد من الرد عليهم وأعمل فى صمت وأكتب فى صمت ولكن كتابتك بأن تقول شوفونى تانى فى المنتدى!!!!!!! نرفضها وبشدة وأسع أنا بقول ليك عشان خاطرنا ترجع . ولك مليون سلام نسيت أن أعزمك قراصة بى عسل نحل ألمانى من نسيبنا محمود الالمانى زوج الاخت نهى عبدالله عبدالقادر . والله العجين من البارح وأنا أكلت وأخوانك أكلو بس إنت جيت سريع وداير تمرق زعلان وزعلك بزعلنا عشان كده زاد الحبان ليهو مكان وما تفوت القراصة يا ودبقدوش .

» اليكم اهلي في السقاي
» اتشرف بالانضمام اليكم
» اقول اطراك
» اقول اطراك
» موضوع للنقاش ما هى العلاقة بين مسرحية تاجر البندقية المشهورة وبين حكومة البندقية فى السودان وغيره