يا جماعة حمد ود أبوالقاسم طبعاً أكبر مريخابى ومعاهو فى فريقنا خالو صالح!!!

المريخابى اللابد وما قادر يجابد حمد أبوالقاسم حمد أها رأيك شنو فى (أحمد سعد وهدف التعادل مع المريخ ومرة بركة ومرة ودسعد سيل بى رعد !!!) والله يا حمد الدورى الممتاز بعد كدى كان بركتو (الفلاتة ) الفى نيجيريا كلهم ما تشيلهو !!!! والله لو باقى الاندية كانت قوية كان المركز التانى زاتو فى تلتله!!!! هاك التلاتة ديل وأظهر شوية يابركة !! أقصد يا حمد !!!!

بشرى مبارك كتب:: المريخابى اللابد وما قادر يجابد حمد أبوالقاسم حمد أها رأيك شنو فى (أحمد سعد وهدف التعادل مع المريخ ومرة بركة ومرة ودسعد سيل بى رعد !!!) والله يا حمد الدورى الممتاز بعد كدى كان بركتو (الفلاتة ) الفى نيجيريا كلهم ما تشيلهو !!!! والله لو باقى الاندية كانت قوية كان المركز التانى زاتو فى تلتله!!!! هاك التلاتة ديل وأظهر شوية يابركة !! أقصد يا حمد !!!!

خالي العزيز Sad

طبعا انا من محبــي المريخ .. وبقولا قدام العلن .. وطبعا انا بشجعو كواحد محب لي بلدوا بوجه عام
وحتقول لي لو اتبارى الهلال والمريخ حتشجع منو حأقول ليك .. على قول مصطفى سليمان" بشجع الكورة السمحــة "
وبيني وبينك انا ما لابد ولا شي لكن هنا في السعودية مافي التعصب داك للأندية السودانية بوجه الخصوص والواحد ما بلقى الفرصة انو ياخد ويدي ويكون بينهم حوار ودي عن الكورة السودانية او بالاصح عن الهلال والمريخ .. واخيرا وليس آخرا هنا مافي اهتمام بتاااتاً
بالكوورة السودانية فمشاهدتنا ليها قاعدة تكون محدودة إلا في البطولات الخارج السودان ...
وانا في سفرتي الأخيرة دي مرة كعيــت وقولتا اني بشجع المريخ ... وقولة غمضتا عيني وفتحتها لقيت موضوع القعدة "حمد بشجع المريخ"
وتعال شوف المحاضرة study

وتاني من ديك وعيك بتشجع شنو ...( ولا شي الكورة السمحة بس)
تحياتي خالي العزيز ...
وتحياتي للمريخابي الواثق أبوالقاسم الوحيد الحسسني انو لسه في ناس بتابع الكورة السودانية خارج البلاد ,,
ومقولته الشهيرة لي (( حمد وود ديبا ,, حاجة عجيبة))) Very Happy

enter][b]الابن حمد يعجبنى فيك طرحك الجرى وأتعقّد عندما أرد عليك!! وفى نفس الوقت أفتخر أنو الولد خال !!! مالو المريخ عيبو لى ؟؟؟ غير أنو الهلال فايتو ب 8 نقاط بس !! عندو والله جنس كاسات محموله (بس قدمت الجديد مافى ) والمصيبة الهلال ماعندو لاقديمة ولاجديدة !!! لذلك أمسك فى مريخيتك وشجع المريخ لانو السودان ما فيهو اللعبه السمحة (اللعبه التى أقصدها هنا بمعنى الحفله وأسال من اللعبة الاخ عبدالحليم فضل الله ) كان عبد الحليم لوقت قريب كل مل يشوف كرت عرس يضحك ويقول يا جماعة اللعبة بى منو ؟؟؟ويقصد الحفلة بى منو !! لذلك شجع الحفلة الحلوة وكمان (5 نجوم !!!) وتحياتى لخالك صالح والله لقيتو زهجان من هزايم المريخ وعروضة التعبانة

خالي العزيز ,,,
المريخ وكما يعرف الجميع لا يوجد فيه عيب كمستوى داخلي ,, وانا بالعكس ما محرج من تشجيعي للمريخ ومؤازرته
لكـن بيني وبينك الحـلة كلها هلالابيـة ,, إلا كم شخص ينعدو بالأصابع ,, وتاني حيبقى الموضوع ود السعودية مريخابي ,,!!
لكـن يبقى الحب له في القلب مع اني ما مقتنع بالكورة السودانية عامة لكن في النهاية دي بلدي ويترجع ليها ذاتي ,,,

تحيــاتي سعادتكـ

كتبت مرة فى منتدى النيمة شمبات أن نسبة المريخاب الى الهلالاب فى حلتنا 1:5 يعنى قصاد كل مريخابى خمس هلالاب فرد على هلالابى وقال والله دى (أحلى سقاى !!! قلت لى الصهاينة كم ويضحك !!!! ) وأصبحت موضوع !!!!!!ولكن أقوال لك تمسك بالمريخ وأوريك المريخاب الفى المنتدى أكبر مريخابى ياسر الطيب الحاج وأحمد عبدالعزيز القاضى وأشرف جادالله آها تانى الفضل فى المنتدى منو أنا وأبوكارم وحسن محجوب ومصعب الزبير لذلك أوعه تزوغ من المريخ (بى عمارو المغبى ده !!) ياسر بزعل منك !!!!

» رداً على الاخوان عماد محمد إدريس وحسن محجوب حسن (قصيدة طبعاً )
» رئيس لجنة التسجيلات بإتحاد الخرطوم المحلى الاستاذ أبوالقاسم العوض صالح
» الرد على مريخابى فرحان بالانتصار على المورده فى منتدى دار جعل من بشرى مبارك
» مسادير الديربى !!! أتحدى أى مريخابى فى الميدان المسدارى والكلام ليك يا أشرف
» مساكين والله الهلالاب