بشرى مبارك
عدد المساهمات : 7557
تاريخ التسجيل : 19/02/2009
العمر : 64
الموقع : أقيم فى بيريطانيا مدينة بيرمنجهام
 |  موضوع: كبار المتاوقين مجدى محمد عبيدالله وعماد محمد إدريس  الخميس 22 أكتوبر - 6:54 | |
| ذكرت لكم فى بوست بعنوان يارقش يازول دقس أننى ألاحظ كمية مهوله من المتاوقين تصل أحياناً خمس متاوقين جمله واحدة . الليلة يا جماعة قبضت كبير معلمى اللغة الانجليزية بشرق النيل وبحرى الاستاذ عماد محمد إدريس ومعه كبير موظفى الضرائب والحمد لله منتدانا من السعودية كان مجدى رصعنا بى ضرائب ندفع باقى عمرنا ده كلو ما نخلصة أصلو ناس الانقاذ ديل عندهم جنس (ربط !!!) والله فاتو حيدر قطامه !!! قبضت هؤلاء الاثنين وهم كانوا قبل العيد من كبار المتاوقين والمصيبة أنو الجماعة ديل حتى المتاوقة (زاغو منها !!!!) والسبب قالوا كانوا بتاوقوا فى العشر الاواخر من رمضان (لكثرة الاجر ) وصادفو الكتاحات القايمة مع ودأحمد!!!!! لادخلوا حجزوا ولادخلوا قالوا باركوها يا جماعة الدنيا قبايل عيد وقرروا يتاوقو ويباركو العيد فى تانى أيام العيد قالوا لقينا المنتدى كلو تلويث إسم السقاى ومجدى يقول لى عماد الزول ده إلاّ يكون قاصد سقاى كريمة !!!؟؟؟؟ وعلى العموم هربوا بى جلدم والاستاذ عماد كشف لى الموضوع اليوم ولم أعلق وقلت ليهو جنس الكتحات دى أكان بتوقفنا (الرمادة فى خشمنا ) والله نحنا رياح الهبباى ما تجيب فينا خبر ولاقليبنا رهيف!!! وهاكم المسدار ده :
قليبى تخين يمين يملا ويزيد فى الهين
ويا السقاى عليك حنين وليك بالجد ومشتاقين
وما بنقيف وما بنحيف جلدنا تخيييييييين
ونكتب من دُغش بدرى ونكتب لو نكون نايمين | |
|
