بشرى مبارك
عدد المساهمات : 7557 تاريخ التسجيل : 19/02/2009 العمر : 64 الموقع : أقيم فى بيريطانيا مدينة بيرمنجهام
| موضوع: إهداء للاستاذ العم والاخ الامين عبدالله مضوى (ودالهادة ) الأربعاء 21 أكتوبر - 4:14 | |
| إهداء للاستاذ العم والاخ الامين عبدالله مضوى (ودالهادة )
--------------------------------------------------------------------------------
العم الاستاذ الامين عبدالله مضوى يصغرنى بثلاثة سنين ورغم ذلك فهو عمى فى الحساب لانو ود حبوبتى الهادة بت أبراهيم ودبلتنا (صاحب غابة ودبلتنا المعروفة فى السقاى ) وهو أستاذ اللغة الانجليزية المعروف فى الخط الغربى من الحقنة حتى أمدرمان . بينى وبين الامين ود خاص يعود الى المتوسطة وكبر الود مع عمرنا كان يراسلنى فى المانيا ورسائله لها نكهة خاصه وطعم متفرد وما شاء الله المدرسين فى الرسائل (مابتصاقعوا زى ما قال الاستاذ عبدالحفيظ الشيخ عبدالله من السقاى البتلاب ) الاستاذ الامين بينى وبينة الهواتف ولا أغيب عنه أكثر من شهر وحتى لو نسيت تذكرنى الزوجة خالدة وهى التى ألحت بأن أكتب للامين (مسدار ) عشان المجهود الذى قدمة مع الابناء فى العام 2007م عندما جلس إسراء وأحمد لمرحلة الاساس وأحمد جاب 40 من 40 فى الانجليزى وإسراء 39 من 40 لكن إسراء الان متقدمة على أحمد فى بلد الانجليز لعامل السن حيث أنها أكبر من أحمد بسنة ونصف . كتبت للاخ والعم الاستاذ الامين هذه القصيدة ونيابة عن كل أهل المنتدى وكل من يعرف الامين وكل طلبة الامين الذين درسوا على يدة أسمحوا لى أن أقدم هذه القصيدة والتى تقول :
أُستاذى الامين .......سائل عليك إن شاء الله زين ؟؟ ونحنا فى خيرين تلاتة .. حامدين وكمان مطمئنين أولادك البعد الآله................ كنت ليهم جد معين ماشين تمام والانجليزى .. الانجليزى طلع رصين يدوك تحية ومليون سلام ............... ليك سائلين وفى منتدانا كل يوم ......... متقابلين ومتسالمين وسائلين عليكم عليكم ويا مدرسات ويا مدرسين؟؟؟ الفى الرياض الفى العفاض يود من بلاد متفاهمين إن شاء الله مانخزل أهلنا....... القالو لينا عارفين يارب تألّف للقلوب للقلوب تصبح قلوب الزاهدين ويارب تحقق للمراد ......... يفرح جميع الحادبيين ويارب للسروراب وغيرة ... تصبح تسرّ الناظرين الحدائق عامرة .... فى وسط المساكن ساكنين والمدارس والرياض... أطفالنا فيها فيها مواظبين حلقات ذكر تجويد كتاب تجويد كتاب مستفتحين وليك الوداع أنا مابدور عاصرنى ليك بالجد حنين ومن قبل ما أقول الوداع أنا أصلو ما كنت الضنين لكنى حا أقول الوداع وفى النية شوفة بعد حين لكنى حا أقول الوداع وفى النية شوفة بعد حين | |
|
بشرى مبارك
عدد المساهمات : 7557 تاريخ التسجيل : 19/02/2009 العمر : 64 الموقع : أقيم فى بيريطانيا مدينة بيرمنجهام
| موضوع: رد من ودبهاى الاخ الصديق أبراهيم دفع الله الأربعاء 4 نوفمبر - 21:35 | |
| علي صهوة الأشواق تحملنا أحاسييك ما يفوق الوصف القصيدة رائعة حركت مشاعرنا ووجداننا واصل المشوار والإهداءات نحن متابعين يا رائع | |
|