موعدنا نفرح مرة يوم طول عمرو ما أختفى وأحتجب !!عود لينا ياهلال الطرب

مواصله فى التوثيق الشعرى رأيت أن أواصل فى الكتابة شعراً عن هزيمة ممثل العرب الوحيد فى البطولة الافريقية (ورغم تحفظى على تناول القنوات العربية لموضوع عروبتنا بسخرية واضحة ومن عجائب الامور أن الذى يسخر لبنانى!!!!!! فما علاقة لبنان بالعرب ؟؟؟؟؟ ) لذلك أرجو أن يبتعد من يتناول هذا الموضوع فى القنوات الفضائية عنه لانه يجلب لهم السخط وأن من يتابع القنوات هذه معظمهم من السودانيين وهم أهل عروبة وأهل أفريقيا وهم نتاج خليط من هذا وذاك نعتز بأفريقيتنا ولا ننكرها وكذلك بعروبتنا ولا نبترها .

ممثل العرب الوحيد ........ مالو فى إستادو إنغلب
وقدّم العرض الغريب ........ وقدّم العرض الكعب
وحا نقول آيه الحصل ....... أيه الحصل آيه السبب؟؟؟؟؟
إعلام مكثف زاد فى الدلال ....... زاد فى العجب!!!!
أمّا الخطط والخطة جاطت...... والدفاع قام إنسحب
ظهر الخلل فيهو الدفاع ....وسريع أصابو من التعب
جاب التعادل فى دقائق .. ... ونارو كانت زى لهب
وكان خطير بالجد خطير..... فاق الهلال وفعلاً كسب
بى إقتدار خمسة ومدار.......وخفنا من قون بالكعب
خمسة مرات فى الشباك ....جمهورنا بس ما إنسحب
جمهورنا كان بالجد حضارى... لاكسر أو قام ضرب
لكن هلالنا يعود سريع يفرحنا ...فى الدورى الصعب
وموعدنا نفرح كلو يوم طول عمرو ما أختفى وأحتجب
**************************
عود لينا ياهلال الفرح ....... داوى الدفاع الانجرح
عود لينا ما تخلى النجوم تظهر..... وما تطوق الفرح
عود لينا وأدينا إبتسام....... طول عمرنا أهل المرح
عود لينا خليهو الدفاع كارب......... والحارس لمح
عود لينا خليهو الوسط رابط ........ والحال إنصلح
عود لينا خليهو الهجوم وافر ........ وبالمركب كسح
عود لينا والارباب معاك جمهور...... وفى طعم البلح
عود لينا ياهلال الفرح ....... وداوى القليب الانجرح
عود لينا ياهلال الفرح........ وداوى القليب الانجرح

نتمنى ان يعود الهلال لتعود الفرحة والبهجة والروح لشعرائه حتى نكحل عينينا بالكلمات الجميلة والرنانا.
تخريمة: انت عارف سبب الهزيمة الثقيلة دي شنو؟؟؟؟؟؟؟؟؟؟؟؟؟؟؟؟؟؟
انتو الوداكم تشيلوا قروش الجماعة الطيبين ديك شنو ........... ما شفتها عملت في المريخ شنو
وكمان مليار مليااااااااااااااااااااااااااااار وعايزين تشيلو الكاس كمان !!!!!