مسدارللاخ ودالنعيم صاحب مسادير بمنتدى أنا سودانى

الاخ محمد النعيم لك الشكرعلى مباركة الفوز والوسام ولك الشكر (على الدردقة لكى أشارك فى هذا البوست ) وعلى العموم سوف أواصل معاك وأبدأ مبدئياً بهذا المسدار :
شكرأ ودالنعيم رديت التحية وأصلو ما قصرت
وأنا تب ما نسيتك وليك ...... وليك ما بخرّت
وجيت حالاً سريع ..... وعلى العريس بشرتّ
وبى أخوان منتدانا ........ والله والله إتفشرّت
وما شفت الغريب ......... وأصلو ما كشرّت
ودايماً فى ضحك......... ما حرت أو حيّرت
وليك منى السلام ..... السلام والله ما قصرّت

وكمان لابد من مسدار للاخ أستارو الذى أخرج لنا هذه الدرر الغالية (من السحارة ) :
أستارو ليك من... التحية ليك ولى هلالو
وأنا بالجد سعيد .... كيف خبرك أخبارو
الناس الظراف الظراف الاصلو ما بارو
عمرو منتدانا............... ماجلسو يتبارو
خلوهو مولع ........... وخلوهو بى نارو
تجيب البعيد ................ يدينا أسرارو
وتخلى البخيل يصرف..........لى دينارو
ويدخل وينبسط........ ويلم على صغارو

--------------------------------------------------------------------------------

وكان لابد من مسدار لشمعة أمل صاحبه الفكرة والعمل

ياشمعة أمل............. أدينا تانى شموع
ونورنى لينا تانى .... ما قالو ليك ممنوع
مافى نصيب مقسم.. والامر فيهو شيوع
وكيفن يا أمل........ شمعك يكون مبيوع
وما بنرضاه أبداً لو.. نجرى ليهو سبوع
نشوف الشمعة تضوى والشراب ينبوع