اهداء

[/b]الشكر والتقديييييييير للذين ساهمووووووووووو في انشاء

هذا المنتدى ونتمنى لهم دوام الصحه والعافيه

عدد المساهمات : 167 تاريخ التسجيل : 30/03/2009

حمو

مشكور علي الشكر والتقديييييييييييييير

بس يااخونا الما قادرين نعرف حقيقتو

احب اقول ليك انتا حمو والله ما حمو يعني حمو ده الما بردوه لا بي مويه بارده ولا حاره

وحمو الثاني ده يعني سخنوه من البروده العليهو .......... علي كل حال كفانا غربه و
خلينا نعرف

اسم الحمو ده وامنياتي لك ان تسخن وتغير لينا اسمك ديه عشان نعرف البشكرنا ويقدرنا ده منو؟؟

اول حاجه حمو دي لقب او جايه من اسمي عرفته كيف انا اسمي
محمد التجاني النوراني ود الشريف العباس عرفته كيف يا حمو انت ما حمو القاصده انت بي معانيك
ولك مني كل الشكر والتقدير

إبننا محمد التيجانى النورانى الشريف العباس أنا عمك بشرى مبارك إدريس من السقاى البتلاب مقيم الان فى بيريطانيا بيرمنجهام وأبوك ده طلعت ليهو الجنسية والجواز زمان لمن كنت فى جوازات مطار الخرطوم . أسال أبوك من هذه المعلومات وتحياتى له ولا خوانك ولوالدتك والعيد مبارك عليكم وكل سنة وانتو طيبين .

عدد المساهمات : 167 تاريخ التسجيل : 30/03/2009

الابن الغالي

محمد التجاني النوراني اولا كل سنه وانت والوالد والاهل جميعا بالف خير

نحمده ان تكون معنا طبعا نحنا مع الغربه وما اظن انتي شفتنا ولا شفناك لكن

الحمد لله وجدناك شامخا شموخ عمك عمر وانا ابو امجد واحمد اكيد ديل بتعرفهم

ولك العتبي حتي ترضي بس كان الهدف نعرفك اهو عرفناك والف مرحب بيك ...........

عدد المساهمات : 340 تاريخ التسجيل : 22/02/2009

مرحبا محمد التجاني وسط اهلك وكل سنة وانت طيب تحياتي للوالد وباقي الاسره

[ندعوك للتسجيل في المنتدى أو التعريف بنفسك لمعاينة هذه الصورة][center]

الأخ/ حمو تحياتي والعيد مبارك عليكم ومبروك الوظيفة في الشرطة القطرية وعقبال ما نبارك لك الزواج ولا داير تقرا، تحياتي للأخ عمر والوالد والوالدة واتصلت أكثر من مرة على الوالد ولم احظى بمقابلتك، وتقبل تحيات عمتك ام عمار وعمار وهم مشتاقين للعيد معاكم مرة ثانية وبسألوا منكم باستمرار.

عدد المساهمات : 167 تاريخ التسجيل : 30/03/2009

الاخوه الاعزاء

تحياتي لكم وكل عام وانتم بالف خير

والله شايف طلتكم الحلوه ياريت لو الناس

قريبه لي بعض كان قلنا ليكم العشاء معانا

ود الطيب بشري حمو محمد صديق

شائفكم منورين ...........

تشكر يا ابو أمجد
وانت عارف كنت عايز اعمل ليك مفاجئة واجيك في ابوظبي قبل رمضان باسبوع، وقد رتبنا انا والاخ العزيز/ معتز شمس الدين وخاصة اننا كنا قاعدين عزابة العيال كانوا في السودان لكن قدر الله والعيال حضروا من السودان بدري شوية ولكن سوف نمر عليكم ونركب القطار حكم الجديد ونخلي السمك لجنابو بشرى اصلو نفسو ساقطة شوية واهلوا البتلاب ما جبدوهو بالبتلبة...

شكراً لك أخى ياسر وإن شاء الله أهلى البتلاب مايجبدونى إلاً بى شيل الفاتحة السريعة أما دى فلا !!! عندما تزوج الاخ البصرى كنت بمطار الخرطوم وحضرت لهم (بالكوريلا الفارهة خ ب 113 ) لكى يذهبوا لزيارة صديق البصرى فى الكويت يسكن الصحافة وأنا كنت ما متغدى والعزومة شاى بالمغرب ووصلنا قبل المغرب بشوية والراجل كان مجهز الغداء (أحتياطى ) فقام عزم البصرى وأنا مشغول فى الحمام بتوضأ والبصرى حلف يمين هو ثريا من الاكل وأنا جيت وسألنى قلت ليهو طلع الغداء طوالى والله أنا جعان عايز أموت !!! قال لى أبشر بالخير والله البصرى ده ماقريبك مسلبط فيك ساكت !!! وهاك ياضحك وحكى مواقف عديدة فى الكويت للبصرى فى عدم الاكل عند الناس أما ناس عبدالعظيم الهادى (ناس حلة كدى ) فهؤلاء ممكن عايز لى منتدى خاص للحديث عن مواقفهم فى هذا الجانب وياود الطيب (أبعد من سمكى بعيد عليك الله ما تهظر معاى فى الاكل ورغم السكرى لكن السمك قالواكويس !!!) تخريمة الاولاد إسراء وأحمد شفاكم الله منزولين نزله تقيلة غايتو البارح رقيت ليهم (أصلو أمهم معتقدى فينى وشايفانى زى الخليفة الصادق بتاع قرى عليه رحمه الله عند البتلاب ) وغايتو أصبحوا الليلة أحسن وأنا جاى جبت ليهم معاى بييتزا كاربة والمشكلة أنا ذاتى لى يومين (بطنى طامة من الاكل !!!) لكن لما أتذكرت سمك محمد سعيد والله نفسى أنفتحت وكمان داير تكابسنى فيهو آها أنفتحت زيادة وبالهناء عليك وعلينا كلنا عليك الله المنتدى ده ما فرق علينا أسع أنا كنت حا أحكى لى منو ؟؟؟

اخونا ودالطيب الله يبارك فبك وكل عام وانت بخير
كيف الاخبار وكيف اولادك ان شاء الله طيبين سلم
عليهم عليك الله لكن في فكرة العرس اها اها اها
ويا ريت تجونا تاني تعيدوا معانا عيد الضحيه الجاي
واديك العافيه ياخي